Yoanne 10:10 - Baibuli Ekibono kya Katonda 2014

¹⁰ Omwibi taidhirira kindi okutoolaku okwiba, okwita n'okuzikiriza. Nze naidha dhibe n'obulamu ate nga bwa mwero.

Yoanne 10:10 ပူးပေါင်းရင်းမြစ်များ

Isaia 56:11

Bali ng'oti mbwa edh'amairu amangi, edhitaiguta naire. Abakulembeze abo tibakaalimu kategeera, buli muntu yeefubiriire ku bibye, nga yeenooneza by'anaafunamu amagoba.

Hosea 7:1

“Buli lwe ngezaaku okuwonia abantu bange Abaisiraeli, nga nhenda ebintu biiremu okubajiira obukalamu, neeyongera bwa kubona obwonoonefu bwaibwe n'ebikolwa ebibi bye bakola: Baguyaguya abantu, baamenha endhu dh'abantu baibamu, era baanhagulula abantu ku ngira.

Matayo 18:10

“Mwegendereze, obutanhoomanga ni bw'aba omulala ku bato bano. Kuba ka mbakobere, mu igulu, bamalaika baibwe buliidho babona amaiso ga Lata wange ali mu igulu. [

Matayo 18:11

Kuba Omwana w'Omuntu yaidha okuzaawula abazaaye.]

Matayo 20:28

Ng'Omwana w'Omuntu bw'ataidha kugheerezebwa aye okugheereza, n'okughaayo obulamu bwe olw'okununula abantu kamaala.”

Matayo 21:13

Era yaabakoba ati: “Kyaghandiikibwa kiti, ‘Endhu yange enaayetebwanga ndhu ya kusabiramu,’ aye imwe mugifiire mpuku ya banhazi!”

Matayo 23:13

“Mukagwireku Abanamateeka n'Abafarisaayo abakuusa imwe, kuba mwigaliragho abantu Obwakyabazinga obw'omu igulu kuba imwe beene timungira waire okuganha abenda okwingira.” [

Mariko 11:17

Agho yaayegeresa ng'abakoba ati: “Tikyaghandiikibwa kiti, ‘Endhu yange enaayetebwanga yaakusabiramu amaghanga goonagoona.’ Aye imwe mugifiire mpuku ya banhazi!”

Luka 19:10

Era Omwana ow'Omuntu yaidha okunoonia n'okuwonia ekyali kibuze.”

Yoanne 10:1

“Bwenebwene ka mbakobere: Ole atabita mu mulyango ng'angira mu kigo ky'entaama, aye n'aniinira aghandi, oyo aba mwibi era munhazi.

Yoanne 10:11

“Ninze omwayi omulungi, omwayi omulungi aghaayo obulamu bwe olw'entaama dhe.

Yoanne 12:47

Omuntu yeenayeena awulira ebibono byange n'atabigema tigumusalira, kuba nze tyaidha kusalira nsi musango aye naidha kugirokola.

Yoanne 12:6

Aye yakoba atyo, ti kuba nga yali afaayo inho ku baavu, aye lwa kuba yali mwibi. Ate era ng'omukuumi w'endyanga, yatwalanga empiiya edhaateebwangamu.

Yoanne 3:17

Katonda tiyatuma Mwana we mu nsi kusalira bantu musango, aye abantu babite mu oyo okulokolwa.

Yoanne 5:40

aye imwe muloba okwidha ye ndi okufuna obulamu.

Yoanne 6:33

kuba omugaati Katonda gw'agaba, n'omuntu oyo ava mu igulu era n'agabira ensi obulamu.”

Yoanne 6:51

Ninze omugaati oguleeta obulamu, ogwava mu igulu. Omuntu yeenayeena bw'alya ku mugaati guno aja kuba mulamu ebyanda n'ebyanda. Omugaati gwe ndighaayo olw'obulamu obw'ensi eno, n'omubiri gwange gwe nja okughaayo ku lw'ensi eno ebe n'obulamu.”

Ab'e Roma 2:21

Kale iwe ayegeresa abandi, lwaki tiweeyegeresa mwene? Iwe akoba abandi obutaibanga, aye iwe mwene toiba?

1 Timotheo 1:15

Ekibono kino kituufu kyene era kigwaine okwikiriza, ekikoba kiti: Kurisito Yesu yaidha mu nsi okulokola aboonooni. Era mu abo nze ndi mberi wa boonaboona.

Abaheburayi 6:17

Kale Katonda bwe yayenda akakase bye yasuubiza, kye yava n'alayira. Yayenda okukakalisa irala abo abalifuna ebyasuubizibwa ati ebyasuubizibwa talibikyusa.

Abaheburayi 7:25

Era olw'ensonga eno, kyava asobola okulokolera irala ekiseera kyonakyona abo abaidha ye Katonda nga babita mu mwene, kuba mulamu enaku dhoonadhoona okuboogererayo.

2 Petero 1:11

aye mulingizibwa n'ekitiisa mu Bwakyabazinga obutawaagho obwa Musengwa waife, era Omulokozi waife Yesu Kurisito.