Yoanne 10:1 - Baibuli Ekibono kya Katonda 2014

¹ “Bwenebwene ka mbakobere: Ole atabita mu mulyango ng'angira mu kigo ky'entaama, aye n'aniinira aghandi, oyo aba mwibi era munhazi.

Yoanne 10:1 ပူးပေါင်းရင်းမြစ်များ

Yeremia 14:15

Agho ni, nze Musengwa Katonda ka nkukobere kye nja okukola abalanzi abo be ntatumangaku, aye ate ni balanga mu liina lyange nga bakoba mbu tighaja kubaagho lutalo waire endhala mu nsi eno: Ndidha kubazikiriza mu lutalo era mbasindikire endhala ebaite.

Yeremia 23:21

Agho Musengwa Katonda yaakoba ati: “Nze tyatuma balanzi abo, aye beene baaja buje. Tyabagha bukwenda naire, aye beene baalanga bulange mu liina lyange.

Yeremia 23:32

Muwulire nze Musengwa Katonda kye nkoba: Nkyagha abalanzi abo abakobera abantu ebirooto byaibwe ebiidhwire obuguya, ni badaaliimya abantu bange n'obuguya bwaibwe obwo, nga babeesuutiraku. Tibatumangaku, naire okubalagira baje bakole batyo! Era bazira kya makulu kye batwalira bantu abo naire. Nze Musengwa Katonda, ninze nkobye.”

Yoeli 2:9

Dhituumira mu kibuga dhaakirumba, dhaatuuka ku mayumba, dhaaghalampa ebimante byago, dhaingirira mu madinisa ng'oti baibi.

Matayo 7:15

“Mwekuume abalanzi abaguya, abo abaidha ye muli nga beefuula bawolu oti ntaama, ate nga munda n'emisege emiswankuzi.

Yoanne 10:7

Agho Yesu kabiri yaabakoba ati: “Bwenebwene ka mbakobere, ninze omulyango gw'entaama.

Yoanne 3:3

Yesu yaamwiramu ati: “Ka nkukobere bwenebwene, ezira aghanga kubona Bwakyabazinga bwa Katonda okutoolaku ng'azaaliibwa omukuzi ogwokubiri.”

Ab'e Roma 10:15

Era balikoberwa batya, nga ghazira batumiibwa? Nga bwe kyaghandiikibwa kiti: “Okwidha kw'abo abaleeta Amawulire Amalungi nga kusangaaza!”

Ab'e Roma 16:18

kuba abantu abakola ebintu oti n'ebyo tibagheereza Musengwa waife Kurisito aye bakolerera nda dhaibwe. Bakozesa ebibono ebinhoonha era ebisaakiriza, baaguya abantu abazira kabi.

Tito 1:11

Abantu abo bateekwa okusirisibwa, kuba bali kukiidhamya okwikiriza okw'amaka amalambirira kamaala, nga beegeresa ebyo bye batagwaniire kwegeresa olw'okwenda okugwidhubanira eby'okufuna.

Abaheburayi 5:4

Era omuntu tasobola kwegha mwene kitiisa ekyo kya kuba Kabona Mukulu. Aye ayetebwa bwetebwe Katonda ng'oti ni Aaroni bwe yayetebwa.

1 Petero 1:10

Abalanzi abalanga ekisa kino Katonda kye yali ow'okubagemerwa, beefumintiriza era baanoonereza ebigema ku kulokolwa kuno.

2 Petero 2:1

Nga bwe ghaaligho abalanzi abaguya mu bantu ba Katonda, ni mu imwe mulibaamu abeegeresa abaguya. Balyeibirira, baayegeresa ebikiidhamya Obukurisito era ebireeta okuzikirira. Era balyegaana Musengwa eyabanunula, beereetera okuzikirira amangu.

2 Petero 2:3

Era olw'amairu gaibwe ag'okufuna, balifuna mu imwe amagoba nga bakozesa ebibono eby'obuguya. Katonda yamala ira okubasalira omusango, era aja kubazikiriza nga bwe yategeka.

1 Yoanne 4:1

Bakagwa, mutaikirizanga buli mwoyo, aye mulebenga buli mwoyo mubone oba nga wa Katonda; kuba abalanzi kamaala abaguya basansaaniire mu nsi.