Yoanne 1:48 - Baibuli Ekibono kya Katonda 2014

⁴⁸ Nathanaeli yaamubuuza ati: “Waamanhira gha?” Yesu yaamwiramu ati: “Nkuboine ng'oli mu muti omutiini memale Filipo akwete.”

Yoanne 1:48 ပူးပေါင်းရင်းမြစ်များ

Isaia 65:24

Banaabanga bakaali na kundheta nga nabawuliire ira, era banaajanga okumala okunsaba nga nabaizeemu ira.

Matayo 10:3

Filipo ni Barutholomayo, Thomasi ni Matayo omughooza, Yakobo mutabane wa Alufaayo ni Thaddaayo,

Matayo 6:6

Aye iwe bw'obanga ng'osaba, ongiranga mu kisenge kyo waigalagho olwigi, memale ni waasaba Lata wo oyo ataboneka. Era Lata wo oyo abona eby'ekyama alikugha empeera.

Yoanne 1:44

Filipo yali ava mu Bethisaida, ekibuga Anderea ni Petero mwe baali baba.

Yoanne 12:21

Kale abo baaja ye Filipo ow'e Bethisaida mu Galilaaya baamukoba bati: “Isebo, twenda kubona Yesu.”

Yoanne 14:8

Filipo yaamukoba ati: “Musengwa, tulage Lata kinaatumala.”

Yoanne 2:25

Kyali tikyetaagisa kubaagho amukobera ebifa ku muntu, kuba yali ng'aidhi ebiri mu myoyo egy'abantu.

Yoanne 6:5

Yesu yaja okulinga ati ng'abona eikuukuubira ery'abantu nga bali kwidha y'ali. Yaakoba Filipo ati: “Tunaagula gha emigaati abantu bano balye?”

Yoanne 6:7

Filipo yaamwiramu ati: “Emigaati egy'edinari ebikumi ebibiri (200) tigimala kiisi muntu okulyaku akatono.”

1 Ab'e Korintho 14:25

Ebyo by'adhuuba mu mwoyo gwe eby'engiso byerulwa, yaakuba amakiryaivu, yaasinza Katonda ng'akoba ati: “Bwenebwene Katonda ali mu imwe.”

1 Ab'e Korintho 4:5

Kale mutasaliranga muntu yeenayeena musango nga ekiseera kikaali kutuuka ekya Musengwa waife okwidha. Oyo alita mu butangaavu ebintu ebigise mu nzikiiza, era alitoolayo ebidhuubo ebigise mu myoyo gy'abantu byamanhibwa. Olwo ni buli muntu yaasiimibwa Katonda.