Yoanne 1:41 - Baibuli Ekibono kya Katonda 2014

⁴¹ Ono yasooka kubona muganda we Simoni era yaamukoba ati: “Tuboine Messia,” amakulu gaakyo nti Kurisito.

Yoanne 1:41 ပူးပေါင်းရင်းမြစ်များ

2 Bakyabazinga 7:9

Agho beekobaana beene na beene bati: “Kye tuli kukola ti kituufu. Olwaleero lwa mawulire malungi. Aye bwe tunaagasirikira ni tuteega obwire okukya memale tugasansaanie, baidha kutubonereza. Kale ni mwidhe tuje tukobere abakungu ba kyabazinga.”

Zabbuli 2:2

Bakyabazinga ab'oku nsi baafungiza, n'abafuzi baibwe beeteesa, badheemere Musengwa Katonda ni kyabazinga ye yasiiga omuzigo.

Zabbuli 45:7

Ogonza ebikolwa ebituufu, waakyagha ebikolwa ebibi. Kyova Katonda, Katonda Oyo owuwo, yakusiiga omuzigo mu isanhu okusinga abantu abandi boonaboona.

Zabbuli 89:20

Ntoire omugheereza wange Daudi naamufuula kyabazinga, nga mmusiiga omuzigo gwange omutukuvu.

Isaia 11:2

Omwoyo gwa Musengwa Katonda gulimubaaku, gwamugha amagezi n'okutegeera, era gwamulamba yaafuna amaani, agalimusobozesa okumanha Musengwa Katonda.

Isaia 61:1

Omwoyo gwa Musengwa Katonda gundiku, kuba yansiiga omuzigo, yantuma okukobera abadaazibwadaazibwa amawulire amalungi. Yantuma okugumya abaawaamu emyoyo, n'okulangirira eri abali mu bunhage nti baidha kulekulwa babe ba idembe, n'abasibe nti baidha kusibulwa mu ikomera.

Matayo 1:23

“Bona, omughala omwegha aja kutoola enda azaale omwana wa bulenzi, era eriina balimweta Emmanueli”, ekitegeeza kiti: “Katonda ali n'ife.”

Luka 2:17

Bwe baabona omwana, baaghaya ku bintu malaika bye yabakobera ku mwana oyo

Luka 2:38

Mu kiseera kyene ekyo yaatuuka yeebaza Katonda, era yaayogera ku mwana oyo eri boonaboona abaali balindirira okununulwa kwa Yerusalemu.

Yoanne 1:45

Filipo yaayagaana Nathanaeli yaamukoba ati: “Tuboine oyo Musa ye yaghandiikaku mu kitabo ky'Amateeka, era n'abalanzi ye baaghandiikaku, Yesu ow'e Nazarethi, mutabane wa Yosefu.”

Yoanne 4:25

Omukazi yaamukoba ati: “Ndidhi nga Messia, ayetebwa Kurisito, aidha kwidha. Era nga bw'aliidha alitukobera ebintu byonabyona.”

Ebikolwa by'Abatume 10:38

Katonda yayugha ku Yesu ow'e Nazarethi Mwoyo Mutukuvu n'amaani. Yaatambulanga woonawoona, yaajanga ng'akola ebikolwa ebirungi, ng'awonia boonaboona abadaazibwadaazibwa Sitaani, kuba Katonda yali naye.

Ebikolwa by'Abatume 4:27

Bwenebwene Herode, ni Pilato, n'abamaghanga agandi, n'abantu ba Isiraeli, mu kibuga kino mwe beesololeza okulwanisa Yesu Omwana wo omutukuvu ye wasiiga omuzigo.

1 Yoanne 1:3

Ekyo kye twabona era kye twawulira mwena kye tubakobera, musobole okutweyimbaku mu kwisania. Okwisania kwene kwe tuli nakwo ni Lata era n'Omwana we Yesu Kurisito.