Yoanne 1:38 - Baibuli Ekibono kya Katonda 2014

³⁸ Yesu yaakyuka yaababona nga bali kumunonereza yaababuuza ati: “Muli kwagala ki?” Baamwiramu bati: “Rabbi”, amakulu gaakyo nti Mwegeresa, “otenduka gha?”

Yoanne 1:38 ပူးပေါင်းရင်းမြစ်များ

1 Bakyabazinga 10:8

Bakazi bo beesiimye! N'abagheereza bo ababa buliidho mu maiso go ni bawulira eby'amagezi by'oyogera beesiimye!

Zabbuli 27:4

Ekintu kirala kiti kye nsaba Musengwa Katonda, kye nhenda kiri kirala nti mbenga mu ndhu ya Musengwa Katonda enaku dhoonadhoona edh'obulamu bwange, okulingirira obulungi bwa Musengwa Katonda, n'okumusaba angalagire;

Ensambo 13:20

Ole abita n'abagezi yeena afuuka mugezi, aye ole aba mu basiru alizikirizibwa.

Ensambo 3:18

Abafuna amagezi bafuna obulamu; abo abagagumiraku baba ba nkabi.

Ensambo 8:34

Wa nkabi oyo awulira bye nkoba, buli lunaku n'atatoola maiso ku lwigi lwange, era n'aba agho gha mulyango gwange ng'aguniriire.

Okulira 5:19

Aye iwe Musengwa Katonda, niiwe ofuga ebyanda n'ebyanda, era ekityamo kyo eky'obwakyabazinga kibaagho mu nse dhoonadhoona.

Luka 10:39

Ono yali ni muganda we nga bamweta Maria. Maria oyo yaatyama agho gha bigere bya Musengwa yaawulirisa by'akoba.

Luka 14:25

Ebiyindi eby'abantu byali biri kutambula ni Yesu. Yesu yaakyuka yaabakoba ati:

Luka 15:20

“Agho yeesitula yaaja ye ise. Aye yali akaali ghalaku, ise yaamulengera era yaamugemerwa enaku yaamulumuukirira, yaamugwa mu kifuba, yaamunhwegera.

Luka 19:5

Yesu bwe yatuuka mu kifo yaalinga ghaigulu yaamukoba ati: “Zakkayo, yangughaku okwika, kuba olwaleero nteekwa okukukyalira mu maka go.”

Luka 22:61

Musengwa yaakyuka yaalinga ku Petero, era Petero yaidhukira ebibono bya Musengwa bye yamukoba ati: “Olwaleero luno enkoko enaaba ng'ekaali kukolyoka ng'oneegaine emikuzi esatu.”

Luka 8:38

Omusaadha eyavaaku emizimu emibi yaamusaba abitenga naye aye Yesu yaamusiibula ng'akoba ati:

Yoanne 1:37

Abeegeresebwa be abo ababiri baawulira ekyo baanonereza Yesu.

Yoanne 1:39

Yaabakoba ati: “Mwidhe mubone.” Agho dhaali saawa ikumi edh'omusana, kale baaja baabona gh'atenduka era baaba agho naye olunaku olwo.

Yoanne 1:49

Nathanaeli yairamu ati: “Mwegeresa, niiwe Omwana wa Katonda! Niiwe Kyabazinga wa Isiraeli!”

Yoanne 12:21

Kale abo baaja ye Filipo ow'e Bethisaida mu Galilaaya baamukoba bati: “Isebo, twenda kubona Yesu.”

Yoanne 18:4

Yesu yamanha byonabyona ebyali bija okumutuukaku, yeesowolayo yaababuuza ati: “Muli kwagala ani?”

Yoanne 18:7

Kabiri yaababuuza ati: “Muli kwagala ani?” Era bairamu bati: “Yesu ow'e Nazarethi.”

Yoanne 3:2

Lwali lulala ono yaaja ye Yesu obwire yaamukoba ati: “Mwegeresa, twidhi tuti oli mwegeresa ava ewa Katonda, kuba ghazira aghanga kukola byewuunhio bino by'okola okutoolaku nga Katonda ali naye.”

Yoanne 3:26

Baidha baakoba Yoanne bati: “Omwegeresa, ole ye wayogeraku, ye mwali naye eruuyi ere ng'osomoike Yorudani, yeena ali eyo abatiza era abantu boonaboona bali kuja y'ali!”

Yoanne 4:31

Mu kiseera n'ekirala ekyo Abeegeresebwa be baali bali kumweghemba bati: “Mwegeresa, lya ku mere!”

Yoanne 6:25

Abantu bwe baayagaana Yesu ng'ali eruuyi ere ow'enhandha, baamubuuza bati: “Mwegeresa watuuse li eno?”

Ebikolwa by'Abatume 10:21

Agho Petero yaika y'abasaadha yaabakoba ati: “Ndi ghano ye muli kwagala. Nsonga ki ebaleese?”

Ebikolwa by'Abatume 10:29

Kale bwe nayetebwa kyenava ndidha aghazira kwekengeera. Mperaano mbabuuza: Mwandhetera ki?”

Ruthi 1:16

Aye Ruthi yaamwiramu ati: “Lekera agho okunkoba oti nkuleke, oba oti ndekere okuja n'iwe. Gh'onaaja woonawoona zeena ghe nnaaja. Amaka g'onabangamu zeena ge nnaabangamu. Abantu bo n'abanaabanga abantu bange, era Katonda wo n'anaabanga Katonda wange.