Yoanne 1:14 - Baibuli Ekibono kya Katonda 2014

¹⁴ Kibono yaafuuka omuntu yaaba mu ife ng'aidhwire ekisa n'amazima. Twabona ekitiisa kye, ekitiisa ng'eky'Omwana wa Lata omulala bedengedenge.

Yoanne 1:14 ပူးပေါင်းရင်းမြစ်များ

Zabbuli 2:7

Agho kyabazinga yaakoba ati: “Ka mbakobere Musengwa Katonda kye yankoba. Yankoba ati, ‘Iwe oli mwana wange, olwaleero nkuzaire.

Zabbuli 45:2

Iwe osinga abasaadha abandi boonaboona abali ku nsi obulungi. Bw'oyogera ghazira ayenda olekere, olw'ekyo Katonda yakugha enkabi edhitaja kukuvaaku.

Zabbuli 85:9

Mu butuufu bwene mwetegefu okulokola abo abamugha ekitiisa, olwo ekitiisa kye kibe nga kibonebwa mu nsi yaife.

Isaia 40:5

Olwo ekitiisa kya Musengwa Katonda kiryeyoleka, abantu boonaboona baakibona. Musengwa Katonda mwene n'akobye.”

Isaia 53:2

Omugheereza wa Musengwa Katonda oyo yakulira mu maiso ga Musengwa Katonda, ng'oti n'ekisimbe ekito ekisimba emizi mu itaka eikalu. Yali agho atyo ng'aziraku kisikiriza naire: tiyaliiku munhiriro ogwandituleeteire okumulingirira, oba okuba omulungi mu mboneka, ekyandituleeteire okumwegomba.

Isaia 7:14

Kale ni Musengwa Katonda mwene ku lulwe alibagha akamanhiso, era ni kano: Omughala omwegha alitoola enda, yaazaala omwana omulenzi yaamutuuma eriina Emmanueli

Ezekieli 37:27

Ndidha kubanga ghalala nabo, olwo mbenga Katonda waibwe, beene babenga bantu bange.

Matayo 1:16

Yakobo yazaala Yosefu iba Maria, eyazaala Yesu ayetebwa Kurisito.

Luka 2:11

kuba olwaleero, mu kibuga kya Daudi, omununuzi Kurisito Musengwa, abazaaliirwa.

Luka 2:7

Yaazaala omwana we omuberi nga mulenzi, yaamuzingirira mu bugozi, yaamuta mu kiibo ensolo mwe dhiriira kuba tibaafuna kifo mu ndhu ey'abageni.

Luka 9:32

Petero ni be yali nabo baali batenduka, aye bwe baazuuka baabona ekitiisa kya Yesu, n'abasaadha ababiri nga bemereire naye.

Yoanne 1:1

Mu kwinhama kwa byonabyona Kibono yali ng'aligho era Kibono ng'aba ghalala ni Katonda era Kibono nga ni Katonda.

Yoanne 11:40

Yesu yaamukoba ati: “Tyakukobeire nti wandiboine ekitiisa kya Katonda nguli oikiriza?”

Yoanne 14:6

Yesu yaamwiramu ati: “Ninze engira, ninze amazima, era ninze obulamu. Ezira atuuka ye Lata okutoolaku ng'abise mu nze.

Yoanne 14:9

Yesu yairamu ati: “Filipo mbaire n'imwe okumala entangama, aye era waaba nga tondidhi? Oyo abona nze aba aboine Lata. Memale okoba otya oti, ‘Tulage Lata?’

Yoanne 17:22

Ekitiisa kye wampa nakibagha memale olwo babe ekitole, nga ife bwe tuli ekitole.

Yoanne 17:24

Lata, kye neegomba n'okuba n'abo be wampa ghe ndi, babone ekitiisa kyange kye wampa, kuba wangonza nga n'ensi ekaali kutondebwa.

Yoanne 18:37

Pilato yaamukoba ati: “Ekikoba oli kyabazinga?” Yesu yaamwiramu ati: “Okyogeire, ndi kyabazinga. Kino kye nazaalirwa, era ekyandeeta mu nsi ni kino: okumanhisa amazima. Oyo yeenayeena ow'amazima, awulira eiroboozi lyange.”

Yoanne 2:11

Yesu yakolera ekyewuunhio kino ekisooka e Kana mu Galilaaya. Atyo yaayoleka ekitiisa kye era Abeegeresebwa be baamwikiriza.

Yoanne 3:16

Atyo Katonda bwe yagonza abantu ab'oku nsi, yaaghaayo Omwana we omulala bedengedenge kiisi amwikiriza alobe kuzikirira aye afune obulamu obutawaagho.

Yoanne 3:18

Oyo amwikiriza tigulimusinga aye oyo atamwikiriza gwamala ira okumusinga, kuba taikiriza Mwana wa Katonda omulala bedengedenge.

Yoanne 6:51

Ninze omugaati oguleeta obulamu, ogwava mu igulu. Omuntu yeenayeena bw'alya ku mugaati guno aja kuba mulamu ebyanda n'ebyanda. Omugaati gwe ndighaayo olw'obulamu obw'ensi eno, n'omubiri gwange gwe nja okughaayo ku lw'ensi eno ebe n'obulamu.”

Yoanne 8:32

Mulimanha amazima era amazima galibafuula ab'eidembe.”

Ebikolwa by'Abatume 13:33

bwe yazuukiza Yesu ku lwaife baidhukulu be, era nga bwe kyaghandiikibwa mu Zabbuli eyokubiri kiti, ‘Oli Mwana wange, olwaleero nkuzaire.’

Ab'e Roma 8:3

Amateeka kye gataasobola kukola olw'obunafu bw'obuntu Katonda yakikola. Yaasingisa ekibi ekiri mu mubiri omusango, bwe yatuma Omwana we mwene ng'ali n'omubiri ogufaananira irala n'omubiri ogukola ebibi, aidhe aghangule ekibi.

Ab'e Roma 9:5

Abo ni beene badhaadha abakulu era beene ighanga omwava Kurisito ng'omuntu, Katonda afuga byonabyona asaakibwe ebyanda n'ebyanda. Amiina.

1 Ab'e Korintho 15:47

Adamu eyasooka yava mu itaka, era yakolebwa mu nkungu: Adamu owokubiri yava mu igulu.

2 Ab'e Korintho 12:9

Aye yandhiramu ati: “Ekisa kyange kikumala, kuba amaani gange gabonekera mu bunafu bwo.” Kale kinsangaaza inho okwesaaka olw'obunafu bwange, amaani ga Kurisito gabe mu nze.

Ab'e Galatia 4:4

Aye ekiseera ekironde bwe kyatuuka, Katonda yaatuma Omwana we mwene. Yaazaalibwa omukazi era yaafugibwa Amateeka,

Ab'Efeso 3:8

Waire nga ninze asembayo mu batuukirivu boonaboona, Katonda yampa omukisa okukobera abamaghanga agandi Amawulire Amalungi, ag'obukombe obuli mu Kurisito obutaloodheka.

Ab'e Kolosai 1:19

Kuba Katonda mwene yasiima mu kwenda kwe Obwakatonda bwe bube mu oyo mu bwidhuvu,

Ab'e Kolosai 2:3

Oyo n'atumanhisa amagezi goonagoona n'okumanha kwonakwona ebiri ng'oti n'eky'obukombe ekyagisibwa.

Ab'e Kolosai 2:9

Kuba mu Kurisito n'omuli Obwakatonda bwonabwona mu buntu,

1 Timotheo 3:16

Bwenebwene ekyama eky'endhikiriza yaife kikologho: “Yaboneka nga muntu mwene, yaakakasibwa Mwoyo, yabonebwa bamalaika. Yaalangirirwa mu maghanga, yaikirizibwa mu nsi yoonayoona, era yaatwalibwa mu igulu mu kitiisa.”

Abaheburayi 1:3

Mu oyo ekitiisa kya Katonda mwe kibonekera, era mu oyo mwe tubonera irala Katonda nga bw'afaanana. Era oyo n'agemereire ebintu byonabyona n'ekibono kye eky'amaani. Bwe yamala okuwonia abantu ebibi byaibwe, yaatyama mu igulu ku luuyi olw'omukono omusaadha ogw'oyo asinga boonaboona obukumu.

Abaheburayi 1:5

kuba naani ku bamalaika Katonda ye yaali akobyeku ati: “Iwe oli mwana wange, olwaleero nkuzaire?” Oba ati: “Ndidha kuba Ise, ate mwene abe mwana wange.”

Abaheburayi 10:5

Kale Kurisito bwe yali nga aidha mu nsi kyeyava n'akoba ati: “Emisengo n'ebigheebwayo tiwabyenda, aye wantegekera omubiri.

Abaheburayi 2:11

Kuba oyo abatukuza, n'abo abatukuzibwa boonaboona bali ni iseibwe mulala. Kyava Yesu tagemwa nsoni kubeeta baganda be,

Abaheburayi 5:5

Mu nsambo n'endala Kurisito tiyeegha yenka kitiisa kya kuba Mukulu wa Bakabona, aye kyamugheebwa Katonda eyamukoba ati: “Iwe oli Mwana wange, olwaleero nkuzaire.”

1 Yoanne 4:14

Era twakibona, twakighaaku n'obudhulizi tuti Lata yatuma Omwana we okuba Omulokozi ow'ensi.

1 Yoanne 4:9

Katonda ati bwe yatwoleka okugonza kwe. Yatutumira Omwana we omulala bedengedenge mu nsi memale olwo tube abalamu ku lulwe.

2 Yoanne 1:7

Abaguya kamaala baasansaanira mu nsi, abataganha nga Yesu Kurisito yaidha ng'omuntu. Omuntu yeenayeena ali ng'oti n'abo muguya era Muzigu wa Kurisito.

Okwolekebwa 19:13

Yali avaire ekivaalo ekiidhwire omusaayi. Eriina lye nga ni Kibono wa Katonda.

Okwolekebwa 21:3

Naawulira amamiro ag'amaani nga gava gha kityamo eky'obwakyabazinga, nga gakoba gati: “Bona, mperaano ekifo Katonda mw'aba kiri mu bantu. Katonda anaabanga nabo, nga ni Katonda waibwe, era nga beene bantu be.