Yoanne 1:13 - Baibuli Ekibono kya Katonda 2014

¹³ Baafuuka abaana ba Katonda mu nsambo etali yabuliidho abantu ye bazaalibwamu ey'omubiri. Katonda mwene n'eyabafuula abaana be.

Yoanne 1:13 ပူးပေါင်းရင်းမြစ်များ

Amainhama 25:22

Enda eyo yali ya balongo, era bwe baali nga bakaali kuzaalibwa, baakontaganira mule mu nda ye. Rebekka yaakoba ati: “Oba nga kiti bwekiri, kingasa ki okusigala nga ndi mulamu?” Agho yaaja okwebuuzaaku ku Musengwa Katonda.

Amainhama 25:28

Isaaka yasinga kwenda Esau, kuba yalyanga ku nsolo Esau dhe yayiiganga. Aye Rebekka yaasinga kwenda Yakobo.

Amainhama 27:33

Isaaka yaadhugumira inho, yaabuuza ati: “Ate ole abaire nga naani, eyayiize ensolo, n'andeetera emamba ni ndya, ng'okaali kwidha, era ni mmusabira enkabi? Era bwenebwene aligheebwa enkabi.”

Amainhama 27:4

onfumbire emamba ey'akawoowo ye nhenda, ogindeetere ndye, memale nkusabire enkabi nga nkaali kufa.”

Zabbuli 110:3

Ku lunaku lw'olija n'eigye lyo okulwana, abantu bo baja kweghaayo kyeyendere aghazira kukakibwa. Abavubuka bo baja kwidha y'oli ku nsozi entukuvu ng'oti musulo gwa nkyo.

Matayo 3:9

Era muteeyinula nga mukoba muti, ‘Tuli ni iseife Aburahamu,’ kuba, ka mbakobere, mu mabaale gano Katonda aghanga okufuniramu Aburahamu abaana!

Yoanne 3:3

Yesu yaamwiramu ati: “Ka nkukobere bwenebwene, ezira aghanga kubona Bwakyabazinga bwa Katonda okutoolaku ng'azaaliibwa omukuzi ogwokubiri.”

1 Ab'e Korintho 3:6

Nze nasimba ensigo, Apollo yaafukirira, aye Katonda n'eyakuza.

Ab'e Filippi 2:13

Kuba Katonda n'akolera mu imwe memale mwaganha era mwasobola okukola by'ayenda.

Tito 3:5

twalokolwa. Nga ti lwa bikolwa byaife ebikalamu bye twakola aye lwa kusaasira kwe. Yatulokola nga tunaazibwa, twazaalibwa omukuzi ogwokubiri, era twafuuka bayaaka mu Mwoyo Mutukuvu.

Yakobo 1:18

Olw'okwenda kwe mwene yatutonda n'ekibono eky'amazima, olwo tutwale ekifo ekisooka mu bitonde bye.

1 Petero 1:23

Kuba mwazaalibwa omukuzi ogwokubiri. Aye ku luno timwazaalibwa muzaire oyo afa, aye mwazaalibwa oyo atafa, nga mubita mu kibono kya Katonda ekiramu era ekitawaagho.

1 Petero 1:3

Katonda Lata wa Musengwa waife Yesu Kurisito asaakibwe, kuba olw'okusaasira kwe okungi twazaalibwa buyaaka okufuna okusuubira okulamu, lwe yazuukiza Yesu Kurisito okuva mu bafu!

1 Petero 2:2

Ng'abaana abaghere bwe balirira amata amakalamu buli kiseera, mwena buliidho mwegombenga emere enkalamu ey'omwoyo. Bwe mulya emere eyo mwidha kukula era mulokolwe.

1 Yoanne 3:9

Kiisi Mwana wa Katonda, takola kibi kuba aba alimu omusaayi gwa Katonda, era taghanga kukola kibi kuba azaalibwa Katonda.

1 Yoanne 4:7

Bakagwa, tugonzanienga, kuba okugonza kuva mu Katonda era agonza azaalibwa Katonda era aidhi Katonda.

1 Yoanne 5:1

Kiisi aikiriza ati Yesu ni Kurisito aba ng'azaalibwa Katonda, era kiisi agonza omuzaire agonza ni y'azaala.

1 Yoanne 5:18

Twidhi ng'oyo yeenayeena azaalibwa Katonda takola kibi, kuba oyo Omwana wa Katonda amukuuma, omubi yaaloba kumutuukaku.

1 Yoanne 5:4

Oyo yeenayeena azaalibwa Katonda aghangula ensi, ate okwikiriza kwaife n'obughanguzi obughangula ensi.