Yoanne 1:1 - Baibuli Ekibono kya Katonda 2014

¹ Mu kwinhama kwa byonabyona Kibono yali ng'aligho era Kibono ng'aba ghalala ni Katonda era Kibono nga ni Katonda.

Yoanne 1:1 ပူးပေါင်းရင်းမြစ်များ

Amainhama 1:1

Mu kwinhama Katonda yatonda eigulu n'ensi.

Zabbuli 45:6

Obwakyabazinga bwo, Katonda bwe yakugha, bwidha kusigalagho ebyanda n'ebyanda. Obufuzi bwo bube obufuzi obuziramu kyekubira.

Isaia 7:14

Kale ni Musengwa Katonda mwene ku lulwe alibagha akamanhiso, era ni kano: Omughala omwegha alitoola enda, yaazaala omwana omulenzi yaamutuuma eriina Emmanueli

Isaia 9:6

Kuba ife omwana atuzaaliirwa, omwana omulenzi atugheereibwa, aidha okubanga omufuzi waife. Aidha kwetebwanga “Omuwi w'Amagezi Eyeewuunhisa, Katonda ow'Obuyinza, Iseife aligho ebyanda n'ebyanda, Omulangira Aleeta Emiraala”.

Matayo 1:23

“Bona, omughala omwegha aja kutoola enda azaale omwana wa bulenzi, era eriina balimweta Emmanueli”, ekitegeeza kiti: “Katonda ali n'ife.”

Luka 24:53

era baabanga mu isinzizo ebiseera byonabyona nga basaaka Katonda.

Yoanne 1:14

Kibono yaafuuka omuntu yaaba mu ife ng'aidhwire ekisa n'amazima. Twabona ekitiisa kye, ekitiisa ng'eky'Omwana wa Lata omulala bedengedenge.

Yoanne 1:18

Ghazira eyaali aboine ku Katonda. Aye Omwana we omulala bedengedenge aba aghalala n'Ise, n'amwoleka abantu ni bamumanha.

Yoanne 1:2

Okuviira irala ku ntoolo Kibono yali ng'aba ghalala ni Katonda.

Yoanne 16:28

Nava ewa Lata naidha mu nsi kabiri ndi kuva mu nsi nja ye Lata.”

Yoanne 17:5

Era mperaano Lata, yoleka ekitiisa kyange mu maiso go, n'ekitiisa kye nali nakyo n'iwe ng'ensi ekaali kubaagho.

Yoanne 20:28

Thomasi yaamwiramu ati: “Musengwa wange era Katonda wange!”

Yoanne 8:58

Yesu yaabairamu ati: “Bwenebwene ka mbakobere Aburahamu yali akaali kubaagho, nze nga ndigho.”

Ab'e Roma 9:5

Abo ni beene badhaadha abakulu era beene ighanga omwava Kurisito ng'omuntu, Katonda afuga byonabyona asaakibwe ebyanda n'ebyanda. Amiina.

Ab'Efeso 3:9

Era n'okumanhisa abantu boonaboona ebifa ku ntegeka, Katonda eyatonda byonabyona ye yali agisiiza okumala ebyanda.

Ab'e Filippi 2:6

“Mu nkula ye yoonayoona yali Katonda, aye tiyakitwala ng'ateekwa okwekakadika ku kwagayaga ni Katonda.

Ab'e Kolosai 1:15

Kurisito ye tuboneramu Katonda ataboneka, omwana omuberi akulira ebitonde byonabyona.

Ab'e Kolosai 1:17

Oyo yaligho ng'ebintu byonabyona bikaali kubaagho era mu oyo ebintu byonabyona bibaagho.

1 Timotheo 3:16

Bwenebwene ekyama eky'endhikiriza yaife kikologho: “Yaboneka nga muntu mwene, yaakakasibwa Mwoyo, yabonebwa bamalaika. Yaalangirirwa mu maghanga, yaikirizibwa mu nsi yoonayoona, era yaatwalibwa mu igulu mu kitiisa.”

Tito 2:13

Era tube nga tuteegerera olunaku olw'enkabi lwe tusuubira, era nga tuteegerera okuboneka okw'ekitiisa kya Katonda waife omukologho era Omulokozi waife Yesu Kurisito.

Abaheburayi 13:8

Yesu Kurisito nga bwe yali olwaidho, bw'ali n'olwaleero, era bw'aliba ebyanda n'ebyanda.

Abaheburayi 7:3

Aziraku ise oba inhina oba badhaadha be. Aziraku lunaku lwe yazaalibwa oba lwe yafiiraku. Aye okwefaanaanirizaaku n'Omwana wa Katonda, aba kabona wa byanda na byanda.

2 Petero 1:1

Ninze Simoni Petero omugheereza era omutume wa Yesu Kurisito. Mpandiikira abo abaafuna okwikiriza okuli ng'oti n'okwaife, olw'obutuufu bwa Katonda waife era Omulokozi waife Yesu Kurisito.

1 Yoanne 5:20

Twidhi nga Omwana wa Katonda yaidha, era yaatugha okutegeera, tumanhe Katonda oyo ow'amazima. Era tuli mu oyo ow'amazima, mu Mwana we Yesu Kurisito. Ono ni Katonda mwene era n'obulamu obutawaagho.

1 Yoanne 5:7

Abadhulizi bali basatu:

Okwolekebwa 1:11

Gaakoba gati: “By'obona bighandiike mu kitabo okigheereze Ebikunsu eby'Abaikiriza mu Kurisito bino: eky'Efeso, eky'e Simuruna, eky'e Perugamo, eky'e Thuyatira, eky'e Sarudi, eky'e Filadelufia, n'eky'e Laodikea.”

Okwolekebwa 1:17

Bwe namubona neeyala gha bigere bye nga ndi ng'oti n'afiire. Aye yangemaku n'omukono gwe omusaadha, yankoba ati: “Totya, ninze entoolo era enkomerero

Okwolekebwa 1:2

Ono yakoba byonabyona bye yabona era yakakasa nga bibono bya Katonda, ebyayolekebwa Yesu Kurisito.

Okwolekebwa 1:8

Musengwa Katonda Aghanga Ebintu Byonabyona akoba ati: “Ninze Alufa ni Omega entoolo era Enkomerero, aligho, eyaligho era aliidha.”

Okwolekebwa 19:13

Yali avaire ekivaalo ekiidhwire omusaayi. Eriina lye nga ni Kibono wa Katonda.

Okwolekebwa 2:8

“Ghandiikira malaika w'Ekikunsu eky'Abaikiriza mu Kurisito eky'e Simuruna oti: Oyo entoolo era enkomerero, eyafa aye nairamu okulama, akoba ati:

Okwolekebwa 21:6

Era yankoba ati: “Biwoire! Ninze Alufa ni Omega, entoolo n'enkomerero. Kiisi ali ndiwo ndimugha yaanhwera ku bwereere ku nsulo ey'amaadhi ag'obulamu.

Okwolekebwa 22:13

Ninze Alufa ni Omega, entoolo n'enkomerero, ainhama era asembayo.”

Okwolekebwa 3:14

“Ghandiikira malaika w'Ekikunsu eky'Abaikiriza mu Kurisito eky'e Laodikea, oti: Oyo oyetebwa Amiina, omudhulirwa omwesigwa, ow'amazima, era ensimuko y'ebyo Katonda bye yatonda, akoba ati: