Yeremia 9:8 - Baibuli Ekibono kya Katonda 2014

⁸ Ebibono bye boogera biri ng'oti kalaso namuzisa, era bya buguya bwereere. Buli muntu alamusa mwine ng'amwendeza emiraala, aye nga mule ali kutegeka kumweteega.

Yeremia 9:8 ပူးပေါင်းရင်းမြစ်များ

2 Samueli 3:27

Era Abuneri bwe yaira e Heburoni, Yoabu yaamwiza gha mbali gh'omulyango, yaaba ng'oti ali kwenda kwogera naye kyama. Bwe baali nga bali eyo, Yoabu yaamufumita mu mabunda yaafa. Okwo kwali kwesasuuza, kuba Abuneri yaita Asaheli muganda wa Yoabu oyo.

Zabbuli 12:2

Buli muntu aguya mwine, yaasuutiriza mwine ku munwa, aye nga mu mwoyo muguya.

Zabbuli 12:3

Wo Musengwa Katonda, sirisa abo abasuutiriza banaibwe, n'abo abeesaaka ebiziramu

Zabbuli 120:3

Abaguya imwe! Oba Katonda alibakola atya? Oba alibabonereza na ki?

Zabbuli 28:3

Otantwaliza ghalala n'ababi, n'abo abakozi b'ebibi aboogera obukalamu ni banaibwe, ate nga mu myoyo gyaibwe baidhwire enge.

Zabbuli 35:20

Tibakolerera miraala, okutoolaku okughaayira ebibono ku abo abeebeera obwagho ni beesirikira.

Zabbuli 55:21

Ng'akozesa olulimi olw'okwewooya, ate nga mu mwoyo gwe mwidhwire nzigu ebibono bye nga biwooma okuwulirisa, aye nga bifumita oti mafumo geene.

Zabbuli 57:4

Buti ndi ghagati mu mpologoma edhikankamira abantu, edhiri n'amaino ng'oti mafumo na bulaso, edhiri n'enimi endhogi ng'oti mpiima.

Zabbuli 62:5

Nteegerera Katonda n'obuguminkiriza aidhe andokole, mu oyo eisuubi lyange mwe liva.

Zabbuli 64:8

Aja kubazikiriza olw'ebibono byaibwe bye boogera. Boonaboona abalikibona baja kutengeesa emitwe nga beewuunhia.

Ensambo 25:18

Omuntu agha ku mwine obudhulizi obw'obulimba, aba wa kabi ng'oti n'omwigo ogw'entole bwe gutentena, oba ng'empiima bw'efumita, oba ng'akalaso bwe kakubitamu.

Yeremia 5:26

Mu bantu bange mulimu abakozi b'ebibi, ababwama ni beeteega abantu ng'oti batezi ba nhonhi. Batega emitego baagemya abantu.

Yeremia 5:9

Musengwa Katonda akoba ati: “Nsobola ntya obutabonereza bantu abo, olw'okukola ebintu ebyo? Era nsobola ntya obuteesasuuliza ku ighanga eryo?

Yeremia 9:3

Olulimi lwe bakozesa ti lutereevu naire, lwidhwire buguya bwereere. Ensi yaibwe mu kifo ky'okubaamu amazima, eidhwire bukupankupania. Musengwa Katonda akoba ati: “Abantu bange beeyongera bwa kukola bibi, era nze tibandidhi naire.”

Yeremia 9:4

Kale ni omuntu yeekuumenga mwine, era alobenga kwesiga muganda we; kuba muganda wo akwefuulaku, ate era buli muntu ayogera ku baine ebibi.

Yeremia 9:5

Buli muntu aguya mwine, ezira ayogera bya mazima. Baanalirira kwogera bya buguya byereere, era tibalekera kwonoona ni beenenia.

Mika 6:12

Abakombe mu imwe batuntuza abaavu era mwenamwena mwidhwire buguya.