Yeremia 9:5 - Baibuli Ekibono kya Katonda 2014

⁵ Buli muntu aguya mwine, ezira ayogera bya mazima. Baanalirira kwogera bya buguya byereere, era tibalekera kwonoona ni beenenia.

Yeremia 9:5 ပူးပေါင်းရင်းမြစ်များ

Amainhama 19:11

Era baatuluwaza abasaadha, abato n'abakulu abaali ku luya ku lwigi, baaloba kulubona.

Yobu 11:3

Obwo, Yobu olowooza oti okwesuutiriza kwo kunaasirisa abantu abandi? Bw'okiina abantu, obwo tighaabe akukobaku?

Yobu 15:5

Ebibi byo byeyolekera mu ebyo by'oyogera, era okozesa lulimi lwa buguya.

Zabbuli 140:3

Enimi dhaibwe dhiita ng'oti misota; n'eminwa gyaibwe giri ng'oti girimu busagwa bwa kiyiri.

Zabbuli 50:19

Mulekera eminwa gyaimwe eidembe okukola ebibi; n'enimi dhaimwe dhaayogera eby'obuguya.

Zabbuli 52:3

Ogonza okukola ebibi okusinga okukola ebikalamu era ogonza okusubagha okusinga okwogera ebituufu.

Zabbuli 64:3

Bakozesa enimi dhaibwe ng'oti mpiima, baakozesa ebibono ebikambwe ng'oti bulaso bwa busagwa.

Zabbuli 7:14

Bona, omukozi w'ebibi aba ng'oti mukazi, yaatoola enda ey'ebibi, yaaba enda erimu entegeka edh'okukola ebibi, era yaazaala obuguya.

Ensambo 12:5

Ebidhuubo eby'omutuufu biba ku kukola mazima, aye eby'omubi byaba ku kuguya.

Ensambo 4:16

Kuba tibasobola kutenduka okutoolaku nga bamaze kukola kibi; endoolo dhibabulira irala okutuusa nga bamaze okugwisa omuntu.

Isaia 5:18

Bakagwireku abo abaloba okuva ku kwonoona, obuguya bwaibwe ni bubasibiikirira ku kukola ebibi ng'oti n'emigugha bwe gisibiikirira ekigaali ekighaluzibwa.

Isaia 57:10

Mwekaluubiriza inho nga muli kunooniayo bakatonda abandi, aye era mwaloba kukoogha waire okuwaamu amaani; kuba mulowooza muti ebitali Katonda ebyenhinhalwa ebyo bye musinza, bibagha amaani.

Yeremia 12:13

Abantu bange baasiga engaano, aye baakungula mawa. Baafaabiikana inho, aye baaloba kufunamu muganhulo. Baaswala olw'obutabaagho ke bafunamu, kuba obusungu bwange obubitirivu bwabalemeesa.”

Yeremia 12:6

Abantu bo beene b'oba nabo aghalala n'ab'ekika kyo, baakuliiremu olukwe. Beeyimbye n'abo abakukiriga. Otabeesiganga ni bweboogera ebiwooma bitya.”

Yeremia 13:23

Omuntu asobola okukyusa langi y'omubiri gwe? Oba empala esobola okukyusa obudholodhondho bwayo ku mubiri? Ebyo bwebiba bisoboka, olwo n'imwe mwena omwamanhirira okukola ebibi, mwandibaire musobola okwega okukola ebirungi.

Yeremia 4:22

Musengwa Katonda akoba ati: “Abantu bange basiru tibandidhi naire. Basiru ng'oti bwa baana bato; baziramu kutegeera naire. Bakugu mu kukola ebibi, aye tibaidhi kukola birungi.”

Yeremia 51:58

Ekimante eky'oku kibuga Babiloni ekikologho balikigwisa ghansi, n'emiryango gyakyo emireeyiriri baligyokya omuliro. Emirimo abantu gye baakolanga gyabadaakiza bwereere, n'amaghanga bye gaakola bya kwokebwa muliro. Nze Musengwa Katonda Afuga Amagye, ninze nkobye.”

Yeremia 51:64

Agho waakoba oti, ‘Ensi Babilonia etyo bw'eridimira, era teriinhululwayo kabiri, kuba Musengwa Katonda aja kugizikiriza.’ ” Ebibono bya Yeremia ghano ghe bikoma.

Yeremia 7:28

Oidha kubakoba oti eighanga lyaibwe tirimpulira nze Musengwa Katonda waalyo era tiriganha kugalagirwa. Tirikaali na mazima, waire okugoogeraku obwogere.’”

Yeremia 9:3

Olulimi lwe bakozesa ti lutereevu naire, lwidhwire buguya bwereere. Ensi yaibwe mu kifo ky'okubaamu amazima, eidhwire bukupankupania. Musengwa Katonda akoba ati: “Abantu bange beeyongera bwa kukola bibi, era nze tibandidhi naire.”

Yeremia 9:8

Ebibono bye boogera biri ng'oti kalaso namuzisa, era bya buguya bwereere. Buli muntu alamusa mwine ng'amwendeza emiraala, aye nga mule ali kutegeka kumweteega.

Ezekieli 24:12

Aye ndaagiire bwereere, omubiri gw'obutalaivu munene inho, tigusobola kuwaamu na muliro.

Mika 6:12

Abakombe mu imwe batuntuza abaavu era mwenamwena mwidhwire buguya.

Mika 6:3

Akoba ati: “Bantu bange, kiki kye nabakola? Nabakaluubiriza mu nsambo ki? Mundhiremu.

Habakkuku 2:13

Bona eno, Musengwa Katonda Afuga Amagye n'eyaleetera amaghanga ge mwaghangula, gakola emirimo emikalangufu, aye nga bye bakola bija kwokebwa bwokebwe. Era Musengwa Katonda oyo n'agaleetera okufaabiikana nga tigaja kuganhulwa naire.

Malaki 2:10

Twenatwena tuli n'iseife mulala, Katonda omulala oyo eyatutonda. Memale lwaki tuloba okwesigagana? Era lwaki tunhooma endagaano Katonda ye yakola ni badhaadha baife?

Ab'Efeso 4:25

Agho ni mulekere okuguya buli muntu akobere mwine amazima, kuba tuli bitundu bya mubiri mulala.

1 Timotheo 4:2

Bino bisansaanizibwa abantu abaguya, abaafa emyoyo ng'oti n'egyasiriizibwa ekyuma ekyengereire.

Abalamuzi 2:10

Agho n'abantu ab'oluse olwo boonaboona baafa. Ghairagho oluse olundi olw'abantu, abataamanha Musengwa Katonda waire okumanha ebyo bye yakolera Isiraeli.