Yeremia 9:24 - Baibuli Ekibono kya Katonda 2014

²⁴ “Aye buli yeesuuta, yeesuutenga lwa kuba nti: antegeera era andidhi nga ninze Musengwa Katonda agonza abantu obutalekera, era ni nkola amazima n'ebituufu. Ebintu ebyo n'ebinsanhusa. Nze Musengwa Katonda, ninze nkobye.”

Yeremia 9:24 ပူးပေါင်းရင်းမြစ်များ

Zabbuli 20:7

Abalwani abandi beesigulira ku bigaali eby'omu lutalo, ate abandi ku mbalaasi, aye ife twesigulira ku maani ga Musengwa Katonda waife.

Zabbuli 34:2

Nze neenhumiriza mu Musengwa Katonda, imwe abadaazibwadaazibwa muwulire era musangaale.

Zabbuli 34:3

Muneeyimbeku twatule nga Musengwa Katonda bw'ali omukulu, era tusaakire ghalala eriina lye.

Zabbuli 44:8

Twenhumiririza mu iwe Katonda buliidho, era tunaakusiimanga ebyanda n'ebyanda.

Zabbuli 44:9

Aye ate buti otusuuliriire era waatuleetera okuswala. Tokaaja na igye lyaife nga lija okulwana olutalo.

Zabbuli 51:1

Wo Katonda, nsaasira, olw'okugonza kwo okutakoma sasaagho ebibi byange, olw'okusaasira kwo okungi einho.

Zabbuli 91:14

Kuba Katonda akoba ati: “Ndidha kumutoola aghazibu olw'okuba angonza inho, era ndidha kumukuumanga olw'okuba ayatula eriina lyange, yaalisaaka.

Zabbuli 99:4

Iwe Kyabazinga ow'amaani, toyenda kusaliriza, wataagho ensala ejiira ku mazima, era waaleetagho obutuufu mu Isiraeli.

Isaia 20:5

Abo abaali beesigulira ku Ethiopia okubabeera, n'abaali beenhumiriza mu Misiri, balisoberwa baawaamu n'eisuubi.

Isaia 41:16

Olibisensa, empewo yaabifuumuula yaabitwala, ni kiwunga yaabisansaania. Olwo waasagambira mu nze Musengwa Katonda, era wansaaka nze Omutukuvu wa Isiraeli.

Isaia 45:25

Mu nze Musengwa Katonda, eizaire lyonalyona erya Isiraeli mwe lirifunira obughanguzi n'ekitiisa.”

Isaia 61:8

Musengwa Katonda akoba ati: “Nze nhenda abo abakola amazima, aye nkyagha abo abanhazi n'abakozi b'ebibi. Ndigha abantu bange empeera yaibwe nga njiira ku mazima, era naakola nabo endagaano ey'ebyanda n'ebyanda.

Yeremia 22:16

Yasaliranga abaavu n'abali mu bwetaavu emisango mu butuufu, era ng'ebintu bimujiira bukalamu. Okwo kwe beeta okumanha Musengwa Katonda.

Yeremia 4:2

era ni muba abatuufu nga mulayira mu mazima era nga muli beesimbu, muti, ‘Nga Musengwa Katonda bw'ali omulamu.’ Olwo amaghanga gaidha kunsabanga ngaghe enkabi, era gampenga ekitiibwa.”

Mika 6:8

Busa, Musengwa Katonda yatukobera ekikalamu kye tube tukole, era ni kino: Ayenda tukolenga ebintu mu butuufu, twolekenga okugonza okutakoma, era tumusinzenga nga tuli bawombeefu.

Mika 7:18

Ezirayo katonda ali ng'oti niiwe, Musengwa Katonda. Osonigha ebibi eby'abantu bo abawoniegho. Tosungughala bujiiririire, aye osangaala okutwoleka okugonza kwo okutakoma.

Matayo 11:27

“Byonabyona Lata wange yabingemya, era ghazira aidhi Mwana okutoolaku Lata, waire aidhi Lata okutoolaku Mwana, n'oyo Mwana y'aba asiimye okumumanhisa.

Luka 10:22

“Ebintu byonabyona, Lata wange yabimpa era ghazira aidhi Mwana okutoolaku Lata, ate ghazira aidhi Lata okutoolaku Mwana n'oyo yeenayeena Mwana y'aba asiimye okumumanhisa.”

Yoanne 17:3

Era obulamu obutawaagho ni buno: Abantu okukumanha iwe wenka Katonda ow'amazima n'oyo ye watuma, Yesu Kurisito.

Ab'e Roma 5:11

Aye ti ekyo kyonka, aye tusagambira mu Katonda ku lwa Musengwa waife Yesu Kurisito atusobozeisa okwisania ni Katonda.

1 Ab'e Korintho 1:31

Kale nga bwe kyaghandiikibwa: “Oyo eyeesuuta, yeesuutenga ku lwa Musengwa.”

2 Ab'e Korintho 10:17

Nga ebyaghandiikibwa bwe bikoba: “Oyo eyeesuuta, yeesuutenga ku lwa Musengwa.”

2 Ab'e Korintho 4:6

Katonda eyakoba ati, “Ekimulika kyake mu nzikiiza!” N'eyaleeta ekimulika kye okwakira mu myoyo gyaife, okutumanhisa ekitiisa kya Katonda ekyakira ku maiso ga Kurisito.

Ab'e Galatia 6:14

Aye nze neesuuta lwa musalaba gwa Musengwa waife Yesu Kurisito gwonka kuba ku musalaba okwo ensi ngibona nga kwe yakomererwa, yoona yambona nga kwe nakomererwa.

Ab'e Filippi 3:3

Kuba niife abaafuna okukeketebwa okutuufu, abasinza Katonda nga Mwoyo we bw'atugalagira, abasagambira mu kwisa ekirala mu Kurisito Yesu, era abatata bwesige mu bya mubiri.

1 Yoanne 5:20

Twidhi nga Omwana wa Katonda yaidha, era yaatugha okutegeera, tumanhe Katonda oyo ow'amazima. Era tuli mu oyo ow'amazima, mu Mwana we Yesu Kurisito. Ono ni Katonda mwene era n'obulamu obutawaagho.

1 Samueli 15:22

Samueli yaakoba Saulo ati: “Iwe odhuuba oti Musengwa Katonda asiima inho ebigheebwayo ebyokebwa n'emisengo, ng'oti ni bw'asiima okugondera ebiragiro bye? Bona eno, okumugondera kusinga okumugha emisengo, n'okumuwulira kwasinga okumugha amasavu ag'entaama enume.