Yeremia 9:19 - Baibuli Ekibono kya Katonda 2014

¹⁹ Wulira amaliro agali kuva mu Sioni nga gakoba gati: “Tuzikiriire! Era tuswaire inho; kuba bakonseegho endhu dhaife, twava mu nsi yaife.”

Yeremia 9:19 ပူးပေါင်းရင်းမြစ်များ

Isaia 32:9

Imwe abakazi abali obukalamu mu idembe, muwulire bye nkoba.

Yeremia 15:1

Agho Musengwa Katonda yankoba ati: “Musa ni Samueli ni bwe bandyemereire ghano ninze, okuwolereza abantu abo ye ndi, era nze tinandisaasiire bantu abo naire. Babinge baje, banve mu maiso.

Yeremia 2:14

Abaisiraeli ti bairu. Era tibaazaalibwa mu bwiru. Memale lwaki abazigu baibwe babayiigania?

Yeremia 4:13

Bona, abazigu baabale bali kwidha ng'oti bire. Ebigaali byaibwe eby'omu lutalo birumuka ng'oti mpewo eyeezungulula n'amaani bw'eidha; n'embalaasi dhaibwe dhiziinhuuka okusingaku n'enkookooma. Tukagwireku ife era tuzikiriire!

Yeremia 4:20

Akabi oluba okuvaagho kati ng'akandi kairagho; ensi yoonayoona efuuse bifulukwa byereere. Okuja okutemya n'okuzibula nga weema dhaife badhizikiriiza, nga n'ensuubo dhaamu badhikanwirekanwire mu kaseera buseera.

Yeremia 7:15

Era imwe ndidha kubabinga munve mu maiso, nga bwenabinga baganda baimwe abasimuka mu Efuraimu boonaboona. Nze Musengwa Katonda, ninze nkobye.”

Yeremia 7:19

Aye nga bwene nze Musengwa Katonda, ninze ye bali kusoononkereza? Tibali kwesoononkereza beene na beene, ate bamale baswale n'okuswala?

Yeremia 7:29

“Imwe abantu b'e Yerusalemu, musaleku enviiri dhaimwe mudhisuule ere; mulirire eyo ku nsozi edhiziraku kantu, kuba nze Musengwa Katonda nsungughaire era ndekuliire agho abantu bange.

Okulira 4:15

Nga kiisi muntu ababonaku abasama busame ati: “Ja ere. Oli mwonoonefu. Ja, ja, ja. Tongema naku.” Kale baatambulatambulanga eyo batyo nga bazira ghe baba, era nga mu nsi dhoonadhoona ezira abasangaaza.

Okulira 5:2

Ebintu ebyaife bye twagheebwa, kabiri byamala byagheebwa bantu bandi be tutaidhi; abantu abamaghanga agandi buti n'abali mu ndhu dhaife.

Ezekieli 27:2

“Iwe omuntu, yemba olwembo olw'enaku ku lw'ekibuga Tiro,

Abalevi 18:25

Ebikolwa byaibwe byafuula ensi eno obutaba nongoofu, kye nva ndi kubabonereza nga mbabingira kuliya okubamaliramu irala.

Abalevi 18:28

mulobe kubingibwa mu nsi eno ng'oti n'abantu abamaghanga abaabasooka okugibaamu bwe baagireetera obutaba nongoofu ni babingibwamu.

Abalevi 20:22

“Mugemenga amateeka gange n'ebiragiro byange byonabyona, olwo mulobe kubingibwa mu nsi Kanaani ye nja okubaingizaamu okubangamu.

Mika 2:10

Musituke muje, ghano tighakaali miraala. Ekifo kino kija kuzikirizibwa olw'ebibi byaimwe.

Mika 2:4

Olunaku olwo bwe lulituuka, abantu balibayiiyaamu olwembo olw'okubayeeyereza, era beeriza amaziga nga bakoba bati: Ee, ebintu nga bitufiiririire! Musengwa Katonda atutoireku eitaka lyaife, yaaligabira abo abaatutwala mu bunhage.”

Amateeka Agokubiri 28:29

Mwidha kughaamantanga mu kasana ghagati, ng'oti n'omutulu bw'aghaamanta mu nzikiiza, era timuubenga na nkabi mu bye mukola. Mwidha kutuntuzibwanga era munhagibwengaku ebyaimwe buli kiseera, nga ghazira ababeera.