Yeremia 9:18 - Baibuli Ekibono kya Katonda 2014

¹⁸ Abantu baakoba bati: “Mubakobe bangughe batuliriseeku, amaziga gamagale okutuva mu maiso, n'ebigoghe byaife bibole bubole.”

Yeremia 9:18 ပူးပေါင်းရင်းမြစ်များ

Zabbuli 119:136

Amaziga gakuuluula okunva mu maiso ng'oti miiga, olw'okubona ng'abantu tibagema mateeka go.

Isaia 22:4

Agho naakoba nti: “Muleke kuuningirira. Muje ere, mundeke nze ndire enaku yange, olw'abantu bange be nfiiriirwa. Mutadaaga na kunsaasira.”

Yeremia 13:17

Aye bwe munaaloba okuwulirisa bye nkoba, ndidha kulira mule mu ngiso olw'okwekuluntaza kwaimwe. Ndidha kulira inho mmagaze n'amaziga, olw'abantu ba Musengwa Katonda abatwaliibwa nga banhage.

Yeremia 14:17

Agho Musengwa Katonda yandagira okukobera abantu enaku yange nti: “Amaziga ka gakuuluule okunva mu maiso omusana n'obwire aghazira kulekera, kuba abantu bange bafumitiibwa ebibwa ebinene era baalumizibwa inho.

Yeremia 3:24

“Okuva mu buto bwaife, omusambwa oguswaza n'okuswaza gujiire nga gumalagho ebintu badhaadha baife bye baafaabiikanira: embuzi dhaibwe, n'ente dhaibwe, ni batabane baibwe, ni baghala baibwe.

Yeremia 3:25

Twidha kulambaala mu nsoni, okuswala kwaife kutubwike ng'oti mwebwiko kuba ife ni badhaadha baife twakola ebibi eri Musengwa Katonda waife, okuva mu buto okutuusa ni ye buli eno, twaloba kugondera Musengwa Katonda waife by'akoba.”

Yeremia 4:20

Akabi oluba okuvaagho kati ng'akandi kairagho; ensi yoonayoona efuuse bifulukwa byereere. Okuja okutemya n'okuzibula nga weema dhaife badhizikiriiza, nga n'ensuubo dhaamu badhikanwirekanwire mu kaseera buseera.

Yeremia 6:26

Musengwa Katonda yaakoba abantu be ati: “Imwe abantu bange, muvaale ekutiya era mwevulunge mu ivu olw'enaku. Mulire ng'oti n'alira mutabane we omulala bedengedenge. Mulire lukalukalu, kuba oyo ali kwidha okuzikiriza, aidha kubagwaku bugwe nga timwidhi.

Yeremia 7:29

“Imwe abantu b'e Yerusalemu, musaleku enviiri dhaimwe mudhisuule ere; mulirire eyo ku nsozi edhiziraku kantu, kuba nze Musengwa Katonda nsungughaire era ndekuliire agho abantu bange.

Yeremia 9:1

Nguli omutwe gwange gwali n'amaadhi mangi ng'oti kidiba, n'amaiso gange ni gaba n'amaziga mangi ng'oti maadhi agakuuluula okuva mu nhindo dh'ensulo, nandirizenga amaziga omusana n'obwire olw'abantu bange abaitibwa.

Yeremia 9:10

Nze Yeremia naakoba nti: “Ndidha kulira amaziga nga ndirira ensozi, era mpowoole olw'ebyayiro ensolo mwe dhiriira; kuba bikaze era biziramu muntu abibitamu naire. Tokaawulira nte nga dhimooleramu. Enhonhi n'ensolo edh'omu nsiko dhaalumukamu dhaaja.”

Yeremia 9:20

Nze naakoba nti: “Bakazi imwe, muwulire ebibono bya Musengwa Katonda, era mwetegereze by'akoba. Mwegerese baghala baimwe okulira amaziga, era buli muntu ayegerese mwine okugegenga;

Okulira 1:2

Omukazi ono asiiba mu maziga era yaasula ng'alira, amaziga gaamukuuluula ku matama. Abo abaalinga bakagwa be ghazira ali agho kumusaasiraku. Era be yakolagananga nabo bamughemukiire tibakaali beesigwa, era baafuuka bazigu y'ali.

Okulira 2:11

Amaiso gaanafiighe olw'okulira, era ntabwirwa mu mwoyo. Amaani gampoire n'enaku yangema olw'okuzikirizibwa okw'abantu bange, n'olw'abaana abato abayonka era n'abo abakuzekuzeemu abalambukira ku nguudo edh'ekibuga.

Okulira 2:13

Abantu ab'e Yerusalemu, imwe be ngonza oti ki, nkobe ki? Mbageze ku ki? Mbafaananie ki imwe, ekinaabaleetera okusaasirwa? Okuzikirizibwa kwaimwe tikwakukoma oti n'amaadhi ag'enhandha agaidha ni gaabeeyaagho obweye; ghazira aghanga kwizaagho bintu byazikirizibwa.

Okulira 2:18

Imwe abantu ab'omu Sioni, muwowoole Musengwa abawulire! Muwowoole amaziga gakuuluule ng'oti mwiga omusana n'obwire! Mutaganha kuwoleeraku naire waire okumalaku akaseera ng'amaiso gaimwe gabakaze amaziga.

Okulira 3:48

Nja naalira amaziga ganfukumuka mu maiso ng'oti miiga, olw'okuzikirizibwa okw'abantu bange.

Amosi 5:16

Kale ni Musengwa Katonda Afuga Amagye kyava n'akoba ati: “Ghalibaagho okuwowoola mu mpya edh'ekibuga, ni mu nguudo dhaakyo dhoonadhoona, ng'abantu balira bati, ‘Woowe! Woowe!’ Abalimi ghalala n'abo abakola ogw'okugegenga, balyetebwa okukuba empungu n'okuwowoola.

Luka 19:41

Agho Yesu yaatuuka okumpi n'ekibuga, bwe yakibona yaalira.