Yeremia 9:16 - Baibuli Ekibono kya Katonda 2014

¹⁶ Ndidha kubasansaaniza mu maghanga, beene ni badhaadha baibwe, ge batawulirangaku naire. Era ndidha kubasindikaku amagye gabalumbe, okutuusa lwe ndibazikiriza okubamalagho.”

Yeremia 9:16 ပူးပေါင်းရင်းမြစ်များ

Nehemia 1:8

Idhukira ekibono kye wakoba omugheereza wo Musa, oti, ‘Bwe mutaabenga beesigwa ye ndi, ndidha kubasansaanizanga eyo mu maghanga.

Zabbuli 106:27

asansaanie abaana baibwe n'abaidhukulu, eyo mu nsi edh'abatatya Katonda, bafiire eyo mu nsi edh'eghala.

Omulangirizi 12:5

Ng'otya okuba mu bifo ebyeruupye ghaigulu, era ng'otya n'okutambula mu ngira wenka. Olwo nga n'enviiri dhifuuse ndheru, ng'okwetuka bukwetuke ng'oti isisi, era nga tokaali na kye weegomba. Ng'otuusiiza okuja mu kiwuumulo kyo eky'olubeerera, era nga n'abalizi bali kwesomba mu nguudo.

Yeremia 13:24

Musengwa Katonda aidha kubasansaania ng'oti n'empewo eva mu irungu bw'esansaania ebikaba.

Yeremia 24:10

Ndibaleetera entalo era naabasindikira endhala n'endwaire ya kawumpuli, okutuusa lwe balizikirira ni bawaagho mu nsi ye nabagha beene ni badhaadha baibwe.”

Yeremia 25:27

Agho Musengwa Katonda yankoba ati: “Kobera abantu oti nze Musengwa Katonda Afuga Amagye Katonda wa Isiraeli, nkoba nti, ‘Munhwe mutamiire mutuuke n'okwegoga, era mugwe ghansi nga timukaasobola na kusituka, olw'olutalo lwe nja okubasindikira.’

Yeremia 29:17

Musengwa Katonda oyo Afuga Amagye akoba ati, ‘Ndidha kubaleetaku entalo, n'endhala, n'endwaire ya kawumpuli, bibaite, era mbafuule ng'oti mitiini emibi einho, egitasobola na kuliibwa.

Yeremia 44:27

Ndibatuusaaku okuzikirira, mu kifo ky'okubaleetera ebintu okubajiiranga obukalamu. Mwenamwena mulifa, ng'abandi bafiira mu ntalo ate abandi baafa endhala, okutuusa nga mwenamwena muweekereiregho.

Yeremia 7:29

“Imwe abantu b'e Yerusalemu, musaleku enviiri dhaimwe mudhisuule ere; mulirire eyo ku nsozi edhiziraku kantu, kuba nze Musengwa Katonda nsungughaire era ndekuliire agho abantu bange.

Yeremia 8:19

Wulira, abantu bange bali kulira woonawoona mu ighanga, bati: “Musengwa Katonda takaaba mu Sioni? Oyo Kyabazinga ow'ensi eno takaabaamu?” Aye Musengwa Katonda yaabairamu ati: “Lwaki mwansoononkereza ni mundeetera okusungughala, nga musinza ebifaananie ebibaadhe, ni musinza ebintu ebitali Katonda?”

Ezekieli 11:17

“Kale bakobere oti nze Musengwa Katonda nkoba nti, Ndibatoolayo eyo mu maghanga, naabasolozaayo eyo mu nsi ye nabasansaaniza, naabairiza ensi yaibwe Isiraeli.

Ezekieli 12:15

“Bwe ndibasansaaniza eyo mu maghanga ni mbaidhuza eyo mu nsi enhingi, balimanha nga ninze Musengwa Katonda.

Ezekieli 14:17

“Oba bwe ndeetera olutalo okwidha mu nsi, ni ndulagira okwita abantu n'ensolo okumaliriragho,

Ezekieli 20:23

Kale, nze n'okwiramu kabiri okwerayirira mwene nga bali eyo mu irungu, nti ndidha kubasansaaniza eyo mu maghanga, mbaidhuze eyo mu nsi enhingi.

Ezekieli 27:2

“Iwe omuntu, yemba olwembo olw'enaku ku lw'ekibuga Tiro,

Ezekieli 5:12

Ndibaawulamu ebitundu bisatu: Abaliba mu kitundu ekisooka mulifa endwaire era mwalambuka endhala. Abaliba mu kitundu ekyokubiri muliitibwa mu ntalo edhiryezungulula ekibuga kyaimwe. Ate abaliba mu kitundu ekyokusatu ndibasansaaniza ku ndhuyi dhoonadhoona, empewo yaabatwaliriza. Era ndisowolayo empiima mu kiruutu yaaja ng'ebabingirira.

Ezekieli 5:2

Ekitundu ekisooka oidha kukyokera mu kibuga ng'enaku edh'okuzingiza ekibuga ekyo dhiwoireku. Ekitundu ekyokubiri oidha kukigema mu ngalo oje ng'okisalasala n'empiima obukutukutu okwezunguluza ekibuga. Ate ekitundu ekyokusatu ekinaaba kisigairegho, oidha kukisansaaniza mu mpewo ekitwalirize. Nze mwene ndisowolayo empiima mu kiruutu yaaja ng'ebingirira enviiri dho.

Abalevi 26:33

Ndidha kubaleeteranga entalo dhibaite, mbasansaanizenga eyo mu maghanga. Ensi yaimwe esigalenga agho etyo, n'ebibuga byaimwe mbisaaniegho.

Amosi 5:16

Kale ni Musengwa Katonda Afuga Amagye kyava n'akoba ati: “Ghalibaagho okuwowoola mu mpya edh'ekibuga, ni mu nguudo dhaakyo dhoonadhoona, ng'abantu balira bati, ‘Woowe! Woowe!’ Abalimi ghalala n'abo abakola ogw'okugegenga, balyetebwa okukuba empungu n'okuwowoola.

Mika 2:4

Olunaku olwo bwe lulituuka, abantu balibayiiyaamu olwembo olw'okubayeeyereza, era beeriza amaziga nga bakoba bati: Ee, ebintu nga bitufiiririire! Musengwa Katonda atutoireku eitaka lyaife, yaaligabira abo abaatutwala mu bunhage.”

Zekaria 7:14

Nabasansaania mu maghanga goonagoona ge baali tibaidhi naku naire, nga ndi ng'oti n'empewo eyeezungulula n'amaani. Olwo ensi yaibwe enungi einho yaasigala bwagho nga ghazira muntu agirimu, yaafuuka bifulukwa byereere.”

Amateeka Agokubiri 28:25

“Musengwa Katonda aidha kuleeteranga abazigu baimwe babaghangulenga nga babona. Mwidha kujiiranga mu ngira ndala nga muja okubalumba, aye mwidha kwiriranga mu ngira kamaala nga muli kughaba okulumuka okuva ghe bali. Amaghanga goonagoona ku nsi bwe ganaabonanga ebibatuuseeku, gaidha kutyanga inho.

Amateeka Agokubiri 28:36

“Musengwa Katonda aidha kubatwalanga mu ighanga erindi imwe ni badhaadha baimwe lye mutabangamuuku. Aidha kubatwalanga ghalala ni kyabazinga ye munaabanga nga mutairegho okubafuga. Mu ighanga eryo ye mulisinziza bakatonda abaabaadhibwa mu miti ni mu mabaale.

Amateeka Agokubiri 28:64

“Musengwa Katonda aidha kubasansaanizanga eyo mu maghanga goonagoona, okuva ensi y'eva okutuuka y'ekanga. Eyo ye mwidha okusinzizanga bakatonda abaabaadhibwa mu miti ni mu mabaale, imwe ni badhaadha baimwe be mutasinzangaku.

Amateeka Agokubiri 32:26

Naalikobye nti, ka mbasansaanize eyo eghala, ghalobe kubaagho abaidhukira waire omulala ati.

Amateeka Agokubiri 4:27

Musengwa Katonda alibasansaaniza eyo mu maghanga agandi, era batono ku imwe abalisigala nga bakaali balamu.

Yakobo 1:1

Ninze Yakobo omugheereza wa Katonda, era owa Musengwa Yesu Kurisito. Mpandiikira ebika eikumi n'ebibiri ebisansaaniire woonawoona. Mbalamwisa inho.