Yeremia 9:12 - Baibuli Ekibono kya Katonda 2014

¹² Nze naabuuza Musengwa Katonda nti: “Wo Musengwa Katonda, lwaki ensi eyonooneike n'eba nkalu ng'oti irungu, era ni ghabula omuntu agibitamu? Naani omugezi asobola okutegeera kino? Naani ye wakiinhonhola asobola okukobera abandi?”

Yeremia 9:12 ပူးပေါင်းရင်းမြစ်များ

Zabbuli 107:34

Eribaire eitaka eigimu alifuula ery'oluunhu erizira muganhulo, olw'obubi bw'abo abalityamaku.

Zabbuli 107:43

Buli ali n'amagezi agwaine ebyo okubitangaku omwoyo, era abantu bagwaine okulowoozanga einho ku kugonza kwa Musengwa Katonda okutakoma.

Isaia 42:23

Naani ku imwe anaawulirisa ekyo? Naani aneetegereza n'amanha ebinaabaagho ye bwidha?

Yeremia 23:10

Ensi eidhwire abantu abatali beesigwa eri Musengwa Katonda. Bakola ebibi era baakozesa bubi obuyinza bwaibwe. Ensi erira bulire, n'eisubi lyakala mu byayiro, olw'ekikolimo kya Musengwa Katonda.

Yeremia 23:16

“Agho Musengwa Katonda Afuga Amagye yaakoba abantu b'e Yerusalemu ati: ‘Mutawulirisa balanzi bye babakoba, nga babasuubiza ebizirayo. Ebyo bye babakobera babiyiiya buyiiye mu myoyo gyaibwe, se ti ebyo nze bye mbakoba.

Yeremia 23:22

Nguli baali bamanhie bye ndowooza mule, bandikobeire abantu bange obukwenda bwange, era baabakyusa baava mu bikolwa byaibwe ebibi ni mu mpisa dhaibwe embi.

Yeremia 23:28

Omulanzi aloose ekirooto agwaine akobe ati ekyo kirooto bulooto. Ate omulanzi afunie obukwenda okuva ye ndi agwaine alangirire obukwenda obwo n'obwesigwa. Omusiisi guba mulungi ng'engaano yeene?

Yeremia 9:20

Nze naakoba nti: “Bakazi imwe, muwulire ebibono bya Musengwa Katonda, era mwetegereze by'akoba. Mwegerese baghala baimwe okulira amaziga, era buli muntu ayegerese mwine okugegenga;

Ezekieli 14:23

Olwo mulimanha nga nali mutuufu okukola ebyo bye nakola mu Yerusalemu.” Musengwa Katonda atyo bw'akoba.

Hosea 14:9

Buli ali n'amagezi agwaine ategeere ebyo, era kiisi ali n'okutegeera agwaine abitengaku omwoyo; kuba Musengwa Katonda by'akola bituufu. Abo abeesimbu babijiiraku, aye aboonooni babyekontolaku baagwa bugwe.

Hosea 4:10

Baliryanga era baalyanga aye nga tibaiguta. Era balikolanga obwamalaaya obw'omu masabo aye nga tibazaalagana naire; kuba banvaaku nze Musengwa Katonda baira ku kusinza bakatonda abandi.”

Yoeli 1:11

Imwe abalimi munakughale; imwe abalabirira emizabbibu muwowoole. Kuba engaano, ni Sayiri, n'ebindi byonabyona ebikungulwa bizikiriire.

Zefania 3:6

Musengwa Katonda akoba ati: “Nzikiriiza amaghanga, naasaaniagho ebimante ebigumu ebyezungulwire ebibuga byago, n'ebituuti ebirengererwaku. Naazisa enguudo dh'omu bibuga ebyo nga ghazira adhibitamu ebibuga ebyo byawolongera nga ghazira muntu abibaamu.

Matayo 24:15

“Kale bwe mubonanga Ekyenhinhalwa Ekizikiriza, ekyayogerwaku Danieli omulanzi, nga kiri mu kifo ekitukuvu, asoma bino ategeere.

Amateeka Agokubiri 32:29

Ngoli baali n'amagezi banditegeire ekibaleeteire abazigu okubaghangula.

Okwolekebwa 1:3

Wa nkabi asomera abantu ebibono bino eby'obulanzi, era ba nkabi abo abawulira ebyaghandiikibwa bino ni babigema. Kuba ekiseera kiri kumpi.