Yeremia 9:11 - Baibuli Ekibono kya Katonda 2014

¹¹ Musengwa Katonda yankoba ati: “Ndidha kufuula ekibuga Yerusalemu kibe mmungo dha bifunfugu, era kibe ekifo omusula ebibe. Ebibuga by'omu Buyudaaya byonabyona bija kusigala bifulukwa byereere, ghabulegho omuntu abibaamu.”

Yeremia 9:11 ပူးပေါင်းရင်းမြစ်များ

Nehemia 4:2

Yaayogera ng'ali ghalala ni baine, n'eigye lya Samaria, yaakoba ati: “Katyo bano Abayudaaya abadoofu bali kugezaaku kukola ki? Basuubira okwizaagho ebintu nga bwe byali? Obwo basuubira kughaayo misengo? Obwo omulimo Banaagumala mu lunaku lulala? Obwo banaaghanga okutoola amabaale agaayonoonebwa omuliro mu mmungo edh'ebikaba, bairamu okugazimbisa?”

Zabbuli 107:43

Buli ali n'amagezi agwaine ebyo okubitangaku omwoyo, era abantu bagwaine okulowoozanga einho ku kugonza kwa Musengwa Katonda okutakoma.

Zabbuli 44:19

Aye otutenteine era waatuleka mu nsolo edh'omu nsiko, mu nzikiiza eri bedimudimu.

Zabbuli 79:1

Wo Katonda, abantu abatakutya bakwingiriire mu nsi yo, baayonoona eisinzizo lyo eitukuvu, baaleka ekibuga Yerusalemu nga bakizikiriiza.

Isaia 13:22

Empiti dhinaabwigukiranga mu minaala gyayo, n'ebibe byaboigokeranga mu ndhu dhaayo enkalamu. Ekiseera kya Babiloni eky'enkomerero kituuse! Enaku dhaakyo dhinaatera okuwaaku!”

Isaia 25:2

Ebibuga obireeteire okufuuka emungo dh'ebimunku, waazikiriza ebifo byamu eby'okwewogomamu. Ebisaagaati eby'abazigu baife eby'obwakyabazinga tibikaaligho, era tibiriiramu kuzimbwa kabiri.

Isaia 34:13

Endhu dhaayo dirimeramu amawa, n'ebifo byayo eby'okwewogomamu byameramu ensiko n'enkandwa. Era biribangamu bwa bibe na biwigulu.

Isaia 44:26

Aye nkakasa ebyo omugheereza wange by'ayogera, naatuukiriza omukwenda wange oyo by'alangirira. Ekibuga Yerusalemu nkikakasa nga bwe kiidha okubangamu abantu, n'ebibuga bya Buyudaaya ebyayonoonebwa naabikakasa nga bwe birizimbibwa obuyaaka.

Yeremia 1:15

Bona eno, ndyeta abantu b'omu bwakyabazinga bw'eyo ku luuyi olw'omukono omugooda olw'e buvandhuba. Bakyabazinga baayo baliidha baata ebityamo byaibwe eby'obwakyabazinga ku miryango gy'e Yerusalemu, n'okwezunguluza ebimante ebikiriku, era n'okwezunguluza ebibuga ebindi eby'omu Buyudaaya.

Yeremia 10:22

Wulira oluvuuvuumo luli kwidha. Ghaligho akabuguutano nga kava mu nsi eri ku luuyi olw'omukono omugooda olw'e buvandhuba. Eigye lyayo lija kufuula ebibuga bya Buyudaaya bifulukwa byereere, omuba obw'ebibe.”

Yeremia 16:10

“Bw'onaakobera abantu ebintu ebyo byonabyona, baidha kukubuuza bati, ‘Lwaki Musengwa Katonda alangiriire akabi akanene katyo okututuukaku? Twiziiza musango ki? Era kibi ki kye tukoze eri Musengwa Katonda waife?’

Yeremia 25:11

Ensi eyo yoonayoona eja kufuuka bifulukwa byereere mu nsambo etiisa einho, era amaghanga agaliiraine agho galigheerezanga kyabazinga wa Babilonia okumala entangama ya myaka nsanvu.

Yeremia 25:18

Ab'omu Yerusalemu n'ab'omu bibuga byonabyona ebya Buyudaaya, ghalala ni bakyabazinga n'abakungu baabyo baakinhwa. Olwo, ebibuga ebyo bisobole okufuuka ebifulukwafulukwa mu nsambo etiisa einho. Era olwo abantu babyesimoozenga bwesimooze era babikolimirenga, nga bwekiri ni ye buli eno.

Yeremia 26:18

“Hezekia bwe yali nga ni kyabazinga wa Buyudaaya, omulanzi Mika eyabanga e Moreshethi yakobera abantu ati Musengwa Katonda Afuga Amagye akoba ati, ‘Olusozi Sioni balirulima ng'oti nimiro; ekibuga Yerusalemu kirifuuka mmungo dha bifunfugu, n'olusozi lwonalwona oluliku eisinzizo lwafuuka kibira.’

Yeremia 26:9

Lwaki olanze mu liina lya Musengwa Katonda oti eisinzizo lino lija kufuuka nga Shilo, era oti ekibuga kino kija kuzikirizibwa ghabule n'omuntu akibaamu?” Agho abantu boonaboona beesololeza ghe ndi, baaneezungulula mu isinzizo.

Yeremia 34:22

Nze Musengwa Katonda ndiragira Abababilonia baira okulumba ekibuga kino, era baakirwanisa baakigema, baakyokya omuliro. Ebibuga eby'omu Buyudaaya ndibifuula bifulukwa byereere, ghaabulagho omuntu abibaamu. Nze Musengwa Katonda, ninze nkobye.”

Yeremia 4:27

Musengwa Katonda akoba ati: “Ensi eyo yoonayoona eidha kusigala agho etyo, ng'eri bwa bifulukwa byereere. Aye era tirigizikiriza yoonayoona kuwaagho.

Yeremia 44:2

Musengwa Katonda oyo Afuga Amagye, Katonda wa Isiraeli, yaakoba ati: “Imwe beene mwabona bukalamu akabi ke natuusa ku Yerusalemu, ni ku bibuga ebindi eby'omu Buyudaaya byonabyona. Ni ye buli eno byasigala agho bityo nga biri bifulukwa byereere omutaba bantu,

Yeremia 49:33

Hazori kija kufuulibwa irungu ebyanda n'ebyanda, era kibe ekifo omuba obw'ebibe. Abantu tibaliiramu kusengayo. Tighaliba muntu alibangayo kabiri. Nze Musengwa Katonda, ninze nkobye.”

Yeremia 50:3

“Eighanga liviire ku luuyi olw'omukono omugooda olw'e buvandhuba, lyalumba ensi Babilonia era lija kugireetera okufuuka eirungu. Abantu n'ensolo baja kugirumukamu, ghabulegho omuntu agibaamu waire omulala ati.”

Yeremia 51:37

Ensi eyo erifuuka bwa mmungo dha bifunfugu, era yaafuuka ekifo ekitiisa einho omuba obw'ebibe, nga ghazira muntu akibaamu.

Yeremia 8:22

Mu Gileadi tekaaliyo bulezi? Tekaaliyo bayigha? Kiki ekirobeire abantu bange okuwona?

Okulira 1:4

N'enguudo edhingira mu kibuga ekyo Sioni dhirira bulire, kuba abantu tibakaidha ku mbaga dha bibinuko bya kusinza Katonda ebyalagirwa. Emiryango gyakyo giwuubaire, ghazira akaabitamu. Bakabona baamu bali mu nnaku. Abaghala baamu abaayembanga bali agho badaaga budaage. Ekibuga kyonakyona kiri mu bulumi obutaloodheka.

Okulira 2:2

Musengwa yazikiriza ebibuga eby'Abaisiraeli ng'aziramu kusaasira naire. Olw'obusungu yamenhamenha ebifo Abayudaaya mwe beewogomanga. Yaasuula obwakyabazinga n'abafuzi baamu ghansi.

Okulira 3:47

Batulumba twatya inho, baatufafaagania era baatuzikiriza.

Abalevi 26:32

Ensi yaimwe ndigisaanizaagho irala, n'abazigu baimwe abaliidha okugibaamu balyewuunhia okubona okuzikirira kwayo.

Mika 1:6

Kyova Musengwa Katonda akoba ati: “Nja kufuula Samaria kibe mmungo ya bifunfugu ebiri eyo mu nsiko, kibe ekifo ekigwaine obw'okusimbamu amasamba g'emizabbibu. Amabaale ge baazimbisa endhu dhaamu nja kugayugha ere mu kiiko, emisingi gyadho gisigale agho nga gidangalaire?

Mika 3:12

Kale ni ku lwaimwe, olusozi Sioni balirulima ng'oti nimiro, ekibuga kya Katonda Yerusalemu kyasigala agho nga mmungo ya bifunfugu n'olusozi lwonalwona oluliku eisinzizo lwafuuka kibira.

Mika 6:16

Ebyo bija kuba bityo lwa kuba mwasalagho okugema empisa embi edha kyabazinga Omiri ni mutabane Ahabu n'ab'endhu y'Ahabu oyo. Era timulekerangaku kujiira ku ngeri dhaibwe, kale nja kubazikiriza era abantu boonaboona babalingengaku nga babeesiimooza era nga bwe babasekerera.”

Amateeka Agokubiri 29:23

Balibona ng'ensi eyo yoonayoona eyokeibwa, ng'efuuse buganga bwa salufa na muunhu. Eriba nga tekaasigibwamu kantu, ng'ezira ky'esobola kubaza era nga tekaameramu isubi. Eriba ng'ezikiriziibwa nga Sodoma ni Gomorra, era ng'Adama ni Zeboiimu, Musengwa Katonda bye yagemerwa obusungu n'ekiruyi n'abizikiriza.

Okwolekebwa 18:2

Yaayogera n'eiroboozi ery'amaani ati: “Agwire, agwire Babiloni omukologho! Afuuse kifo omwesololeza emizimu emibi egya buli nsambo, na kiisi nhonhi mbi etali nongoofu.