Yeremia 9:1 - Baibuli Ekibono kya Katonda 2014

¹ Nguli omutwe gwange gwali n'amaadhi mangi ng'oti kidiba, n'amaiso gange ni gaba n'amaziga mangi ng'oti maadhi agakuuluula okuva mu nhindo dh'ensulo, nandirizenga amaziga omusana n'obwire olw'abantu bange abaitibwa.

Yeremia 9:1 ပူးပေါင်းရင်းမြစ်များ

Zabbuli 119:136

Amaziga gakuuluula okunva mu maiso ng'oti miiga, olw'okubona ng'abantu tibagema mateeka go.

Zabbuli 42:3

Omusana n'obwire, okulira amaziga n'okwafuuka emere yange, eno abantu nga tibalekera kundheeyereza bati: “Katonda wo ali gha?”

Zabbuli 55:7

Bwenebwene nandipaire bupaale, naaja naasenga eyo mu irungu.

Isaia 16:9

Mpegaano ndi kulira olw'emizabbibu egy'e Yazeri era naalira n'emizabbibu egy'e Sibima; era ndi kumagaza amaziga olwa Heshiboni ni Eleale, kuba amakungula g'ebibala byaimwe gamiriibwa olutalo.

Isaia 22:4

Agho naakoba nti: “Muleke kuuningirira. Muje ere, mundeke nze ndire enaku yange, olw'abantu bange be nfiiriirwa. Mutadaaga na kunsaasira.”

Yeremia 13:17

Aye bwe munaaloba okuwulirisa bye nkoba, ndidha kulira mule mu ngiso olw'okwekuluntaza kwaimwe. Ndidha kulira inho mmagaze n'amaziga, olw'abantu ba Musengwa Katonda abatwaliibwa nga banhage.

Yeremia 14:17

Agho Musengwa Katonda yandagira okukobera abantu enaku yange nti: “Amaziga ka gakuuluule okunva mu maiso omusana n'obwire aghazira kulekera, kuba abantu bange bafumitiibwa ebibwa ebinene era baalumizibwa inho.

Yeremia 3:10

Era ng'ebyo byonabyona bimaze okubaagho, Abayudaaya abo abataali beesigwa era baganda ba Abaisiraeli, baaloba okukyuka okwira ye ndi n'omwoyo gwaibwe gwonagwona. Aye beefuula bwefuule okuba ng'abakyuse. Nze Musengwa Katonda, ninze nkobye.”

Yeremia 4:19

Obulumi bwe ndi nabwo bwenda bwa kundhita! Omwoyo guunumirira era gwampakukapakuka! Kino tisobola kukisirikira, kuba mpulira amagwala agali kuvuga, n'enduulu edh'olutalo.

Yeremia 5:7

Musengwa Katonda era akoba ati: “Nsobola ntya okubasonigha abantu bange abo, abanvaaku ni balayira ebintu ebisinzibwa ebitali Katonda? Nabagha buli kye beetaaga, aye baaja baafuuka abatali beesigwa, era beesololezanga mu ndhu dha bamalaaya.

Yeremia 6:26

Musengwa Katonda yaakoba abantu be ati: “Imwe abantu bange, muvaale ekutiya era mwevulunge mu ivu olw'enaku. Mulire ng'oti n'alira mutabane we omulala bedengedenge. Mulire lukalukalu, kuba oyo ali kwidha okuzikiriza, aidha kubagwaku bugwe nga timwidhi.

Yeremia 8:18

Enaku yange, nze Yeremia, teja kuwaagho. Mpulira ng'endidhwire bwa ku mwoyo.

Yeremia 9:18

Abantu baakoba bati: “Mubakobe bangughe batuliriseeku, amaziga gamagale okutuva mu maiso, n'ebigoghe byaife bibole bubole.”

Okulira 2:11

Amaiso gaanafiighe olw'okulira, era ntabwirwa mu mwoyo. Amaani gampoire n'enaku yangema olw'okuzikirizibwa okw'abantu bange, n'olw'abaana abato abayonka era n'abo abakuzekuzeemu abalambukira ku nguudo edh'ekibuga.

Ezekieli 22:12

Era mu iwe mulimu abagulirirwa okutemula abantu. Mwabaamu abawola banaibwe olw'okubafunaku amagoba olwo beene beeyongere okuba abakombe. Era mwabaamu n'abatoola ebintu bya banaibwe mu kukupankupania. Abantu abo baaneerabira ira.” Musengwa Katonda atyo bw'akoba.

Hosea 7:4

Boonaboona ba nkwe era tibeesigika. Bali n'enzigu embitirivu ng'oti n'omuliro ogwaka einho mu ziiko ey'omufumbi w'emigaati, nga tigwetaagisa kuseesaamu okuva gh'akandira engaano okutuusa ng'emaze okuzimbuluka.