Yeremia 8:9 - Baibuli Ekibono kya Katonda 2014

⁹ Abagezi baidha kuswazibwa, batye inho era baweemu n'amaani; kuba baaloba okwikiriza ebibono byange nze Musengwa Katonda. Kale agho magezi ki ge bali nago?

Yeremia 8:9 ပူးပေါင်းရင်းမြစ်များ

2 Bakyabazinga 17:15

Baaloba kugemanga biragiro bye, waire okukuuma endagaano ye yakola ni badhaadha baibwe, era baaloba kufangayo ku kulabula, kwe yabalabulangamu. Baasinzanga ebisinzibwa ebitali Katonda ebitagasa, olwo ni beene baafuuka ebitagasa, era baajiiranga ku mpisa edh'abamaghanga agandi agabeezungulwire. Ate nga Musengwa Katonda yabalobera okwebisanga ng'oti n'abamaghanga ago.

Yobu 5:12

Alemesa entegeka edh'ab'olugezigezi, baalemwa okudhituukiriza.

Yobu 5:13

Ategamu abagezi, ng'abita mu magezi gaibwe geene, era yaakomya mangu entegeka edh'abali n'enkwe.

Zabbuli 19:7

Musengwa Katonda yataagho amateeka ge na bwegendereza; gaiza obulamu mu mwoyo oguziriike. Kiisi Musengwa Katonda ky'akoba kyesigika, kifuula azira magezi okuba omugezi.

Isaia 19:11

Abakulembeze b'e Zoani baweereereimu irala amagezi; abawi ba kyabazinga ab'amagezi abo, amagezi ge bamugha ga kisiru, kuba bakana batya bwenebwene ni bamukoba bati mbu beene n'abaana abaasikira abawi b'amagezi ab'eira, era mbu n'abaana abaasikira ni bakyabazinga ab'eira?

Isaia 29:14

Kale ni ndikola mu bantu bano ebyewuunhisa n'ebyewuninkiriza. Ndizikiriza amagezi g'abagezi, era naamaliragho irala okumanha okw'abeegerese.”

Isaia 43:27

Dhaadha waimwe eyasooka yakola ebibi, n'abakulembeze baimwe boona baayonoona bansungughaza.

Isaia 8:20

Mubairangamu muti: “Ka twekalangulire ku ebyo Musengwa Katonda bye yatusikirira ni bye yatwegeresa.” Bwenebwene abo abatajiira ku ebyo nga bwe biri, tibalikyesa bwire nga bakaali kufa.

Yeremia 15:6

Imwe mwanvaaku, mwaja mu bye mwalimu eira. Kale zeena n'okugolola omukono ni mbazikiriza; kuba nkooye okubasaasiranga.

Yeremia 19:7

Mu kifo ekyo mwe nditabuliratabulira entegeka dhoonadhoona edh'abantu b'omu Buyudaaya n'ab'omu Yerusalemu. Ndireetera abazigu baibwe okubaghangula era baabaitira mu ntalo. Emirambo gyaibwe ndigigabula enhonhi n'ensolo edh'omu nsiko dhaagirya.

Yeremia 2:8

Bakabona baaloba naire okwebuuzaaku bati, ‘Musengwa Katonda ali gha?’ N'abanamateeka boona baaloba okuumanha. Abafuzi bandheemera, abalanzi baalanga mu liina ly'omusambwa Baali, baajiira ku bintuntu ebiziramu makulu.”

Yeremia 49:7

Bino Musengwa Katonda Afuga Amagye bye yakoba ku nsi Edomu, ati: “Abantu ab'omu Temani eky'omu nsi Edomu tibakaalimu magezi? Abawi b'amagezi tibakaabakobera kya kukola? Obwo amagezi gabaweereiremu irala?

Yeremia 6:15

Bandibaire baswalanga nga bakoze ebyenhinhalwa! Aye busa naire, tibaswala waire akatono kati. N'ensoni tidhibagemaku naire. Kale ni kyebaliva ni baghangulwa ng'oti n'abandi bwe baaghangulwa, era ni bazikirira lwe ndiidha okubonereza. Nze Musengwa Katonda, ninze nkobye.”

Yeremia 6:19

Iwe ensi wulira. Ndidha kuleeta akabi ku bantu bano, olw'entegeka dhaibwe edh'olugezigezi dhe bayiiya; kuba baaloba okuwulira bye mbakoba, era baaloba okugondera amateeka gange.

Ezekieli 7:26

Akabi olulibanga okuvaagho kati ng'akandi kairagho, era mulibanga mwakamala okuwulira olubono olwogeirwa nga kabiri muwulira n'olundi. Mulisaba abalanzi babakobere bye bafunie mu kubonekerwa. Bakabona baliba tibakaali na mateeka ge basomesa bantu, n'abantu abakulu balibulwa amagezi ge bagha.

Amosi 2:4

Musengwa Katonda akoba ati: “Abantu ab'e Buyudaaya bakoze ebibi emikuzi kamaala. N'olw'ensonga eyo nteekwa buteekwe okubabonereza kuba baanhooma amateeka gange, n'ebiragiro byange baaloba kubigema. Baatwalirizibwa emisambwa badhaadha baibwe gye baasinzanga.

Zekaria 13:4

Mu kiseera ekyo, buli mulanzi okubonekerwa kwe kulimugemya ensoni, yaatya n'okukola obulanzi, waire okuvaala ekivaalo eky'obuviiri okulimbira okwo abantu.

Amateeka Agokubiri 4:6

Mubikuumenga era mubituukirizenga, kuba ekyo n'ekinaayolekanga abantu abamaghanga agandi nga bwe muli n'amagezi n'okutegeera. Bwe banaawuliranga amateeka ago goonagoona, baidha kukobanga bati, ‘Bwenebwene eighanga lino eikologho, lya bantu bagezi era abategeevu!’

2 Timotheo 3:15

Era oidhukira ng'okuva mu buto bwo obaire oyegeresebwa Ebyaghandiikibwa Ebitukuvu ebisobola okukugalagira okukutuusa ku kulokolebwa olw'okuba n'okwikiriza mu Kurisito Yesu.