Yeremia 8:8 - Baibuli Ekibono kya Katonda 2014

⁸ Musobola mutya okukoba muti, ‘Tuli bagezi, era twidhi amateeka ga Musengwa Katonda,’ aye ng'ate abanamateeka baagafuulaniafuulania, gaafuuka ga buguya?

Yeremia 8:8 ပူးပေါင်းရင်းမြစ်များ

Yobu 11:12

Tikiribaagho bantu basiru kutegeera, ng'oti bwekitalibaagho endogoyi edh'omu nsiko okuzaala endogoyi enfuge.

Yobu 12:20

Asirisa abo, abantu boonaboona be beesiga, n'abakaire yaabatoolaku okutegeera.

Zabbuli 147:19

Akobera Yakobo obukwenda bwe, yaakobera Isiraeli ebiragiro bye n'amateeka ge.

Ensambo 17:6

Abakaire badhuga olw'okuba n'abaidhukulu, n'abaana beenhumiririza mu bazaire baibwe.

Isaia 43:27

Dhaadha waimwe eyasooka yakola ebibi, n'abakulembeze baimwe boona baayonoona bansungughaza.

Yeremia 18:18

Agho abantu beeteesa bati: “Mwidhe tubeeku ni kye tukola Yeremia ono. Ni bwetunaamutoolagho, tituja kubula bakabona ba kutugalagiranga, era tituja kubula bagezi ba kwebuuzangaku, waire okubulwa abalanzi abatukobera obukwenda bwa Katonda. Ka tumuteeku emisango, era tulekere okuwulirisanga by'akoba.”

Yeremia 19:7

Mu kifo ekyo mwe nditabuliratabulira entegeka dhoonadhoona edh'abantu b'omu Buyudaaya n'ab'omu Yerusalemu. Ndireetera abazigu baibwe okubaghangula era baabaitira mu ntalo. Emirambo gyaibwe ndigigabula enhonhi n'ensolo edh'omu nsiko dhaagirya.

Yeremia 2:8

Bakabona baaloba naire okwebuuzaaku bati, ‘Musengwa Katonda ali gha?’ N'abanamateeka boona baaloba okuumanha. Abafuzi bandheemera, abalanzi baalanga mu liina ly'omusambwa Baali, baajiira ku bintuntu ebiziramu makulu.”

Yeremia 4:22

Musengwa Katonda akoba ati: “Abantu bange basiru tibandidhi naire. Basiru ng'oti bwa baana bato; baziramu kutegeera naire. Bakugu mu kukola ebibi, aye tibaidhi kukola birungi.”

Yeremia 48:14

Imwe ab'e Moabu, lwaki mweyeta ab'amaani era ni mweyeta abalwani abaziramu ntete?

Hosea 8:12

Ni bwenandibaghandiikiire amateeka gange nga gali nkumi na nkumi, era bandigalobye ng'oti tibagawulirangaku.

Matayo 15:6

aba takeetaaga kuta kitiisa mu Ise.’ Mu ngeri eyo ekibono kya Katonda mwakidibya olw'empisa ya badhaadha baimwe.

Yoanne 9:41

Yesu yaabairamu ati: “Nguli mwali batulu timwandibaire na kibi kyaimwe aye nga bwe mukoba muti mubona, ekibi kyaimwe kibasigalaku.

Ab'e Roma 1:22

Bwe beeyeta abagezi baafuuka basiru.