Yeremia 8:3 - Baibuli Ekibono kya Katonda 2014

³ Abantu boonaboona ab'omu ighanga lino eibi, abaliwonagho eyo yoonayoona ye ndiba mbabingiire, balyegomba okufa okusinga okuba abalamu. Nze Musengwa Katonda Afuga Amagye, ninze nkobye.”

Yeremia 8:3 ပူးပေါင်းရင်းမြစ်များ

1 Bakyabazinga 19:4

aye mwene yaatambula mu irungu olugendo lwa lunaku lulamba, yaaja yaatyama ghansi gh'omuti ogw'ekyeyo, yaasaba afe ng'akoba ati: “Wo Musengwa Katonda bye mboine bimala! Twala obulamu bwange mpegaano, kuba ghazira kye nsinga badhaadha bange!”

Yeremia 23:3

Nze mwene ndidha kusoloza abantu bange abaliwonagho nga mbatoola mu nsi dhoonadhoona ye nababingira, mbaize mu nsi yaibwe. Balizaalagana baaba kamaala.

Yeremia 23:8

Aye balayirenga mu liina lyange nga Katonda omulamu eyatoola Abaisiraeli mu nsi eri ku luuyi lw'omukono omugooda olw'e buvandhuba, ni mu nsi edhindi dhoonadhoona ye nali mbabingiire. Agho baliba mu nsi eyaibwe yeene.”

Yeremia 29:14

Bwenebwene mulimbona, naabaleetera ebintu byairamu okubajiiranga obukalamu. Era naabasoloza okuva mu nsi dhoonadhoona ni mu bifo byonabyona mwe nababingira, naabaiza mu nsi mwe nabatoola okubasindika mu bunhage. Nze Musengwa Katonda, ninze nkobye.’

Yeremia 29:28

Oteekwa okumulekeza, kuba yagheereza abantu abali mu Babilonia obukwenda obukoba buti, obunhage bwe balimu bwidha kutwala entangama. Kale, nga bali n'okuzimba endhu, badhibeemu batereere. Basimbe emisiri gy'emere, balye bye bakungulamu.’ ”

Yeremia 40:12

Kale baava eyo yoonayoona ye baali basansaaniire, baira mu Buyudaaya. Baaja e Mizipa ye Gedalia era baasoloza omwenge ogw'emizabbibu n'ebibala eby'ekyengera kamaala.

Yeremia 44:2

Musengwa Katonda oyo Afuga Amagye, Katonda wa Isiraeli, yaakoba ati: “Imwe beene mwabona bukalamu akabi ke natuusa ku Yerusalemu, ni ku bibuga ebindi eby'omu Buyudaaya byonabyona. Ni ye buli eno byasigala agho bityo nga biri bifulukwa byereere omutaba bantu,

Yeremia 44:6

Kyenava ni mmalira obusungu bwange n'ekiruyi kyange ku bibuga by'omu Buyudaaya, ni mu nguudo dh'omu Yerusalemu. Naabikunaaniaku omuliro, byasigala agho bityo nga bifuuse bifulukwa byereere, nga bwe bikaali ni ye buli eno.

Yeremia 6:9

Agho Musengwa Katonda Afuga Amagye yankoba nze Yeremia, ati: “Ng'omunozi w'emizabbibu bw'airayo einhuma okulonderera egyo egiba gisigaireyo, weena otyo bw'oidha okwirayo einhuma osoloze Abaisiraeli abaliwonagho bawonezebwe.”

Danieli 9:7

Wo Musengwa, iwe buliidho okola ebituufu, aye ife buliidho twakola bwa bituleetera kuswala, nga bwekiri n'okutuusa mpegaano. Ekyo kiri ku twenatwena ng'otwaliizaamu: abantu ab'omu Buyudaaya, n'ab'omu Yerusalemu, n'Abaisiraeli boonaboona abali okumpi n'abali eghala, eyo mu nsi dhoonadhoona ye wabasansaaniza olw'obutaba beesigwa y'oli.

Abalevi 26:33

Ndidha kubaleeteranga entalo dhibaite, mbasansaanizenga eyo mu maghanga. Ensi yaimwe esigalenga agho etyo, n'ebibuga byaimwe mbisaaniegho.

Amosi 3:1

Imwe Abaisiraeli abantu Musengwa Katonda be yatoola mu Misiri, muwulire Musengwa Katonda oyo by'aboogeireku.

Yona 4:3

Wo Musengwa Katonda, nkusaba otwale obulamu bwange, kuba mboine ng'okufa kusinga okuba omulamu.”

Mika 2:3

Musengwa Katonda kyava n'akoba ati: “Bona eno, ndi kuyiiya akabi ke nnaatuusa ku bantu imwe, era ghazira ghe mughanga kukawonera. Mwidha kweyagaana mu buzibu obutoogerekeka n'amalala gabaweemu.

Amateeka Agokubiri 30:1

Musa yaakoba Abaisiraeli ati: “Mpegaano mbaghaire okulondagho ku bintu bino ebibiri: okugheebwa enkabi oba okusindikirwa ebikolimo. Ebintu ebyo bwe birimala okubatuukaku nga muli eyo mu maghanga agandi, Musengwa Katonda waimwe y'alibasansaaniza, muliidhukiranga nga nabagha okulondagho ku ebyo.

Amateeka Agokubiri 30:4

Ni bwe muliba nga musansaaniire mu nsonda dh'ensi edh'eghala, Musengwa Katonda waimwe alibasolozaayo,

Okwolekebwa 6:16

Baakoba ensozi n'agabaale bati: “Mutugweku mutugise, oyo atyaime ku kityamo eky'obwakyabazinga alobe kutubona. Mutuwonie obusungu obw'Entaama Ento,

Okwolekebwa 9:6

Era mu nnaku edho abantu balyagala okufa aye baaloba kukubona, balyegomba okufa aye okufa kwabeesamba.