Yeremia 8:22 - Baibuli Ekibono kya Katonda 2014

²² Mu Gileadi tekaaliyo bulezi? Tekaaliyo bayigha? Kiki ekirobeire abantu bange okuwona?

Yeremia 8:22 ပူးပေါင်းရင်းမြစ်များ

Amainhama 37:25

Agho baatyama baalya. Baaja okulinga bati, nga balengera ekikunsu ky'Abaishimaeli abasuubuzi abava mu Gileadi, nga bali n'engamiya edheetwise obusando obw'akawoowo era n'obuwoowo obundi obwetebwa balamu ni mirra, nga babitwala e Misiri.

Amainhama 43:11

Agho Isiraeli iseibwe yaabakoba ati: “Oba nga kityo bwekiri, mukole muti: mutwale mu nsawo dhaimwe ebirabo bye munaagha omusaadha oyo. Mumutwalire ku bintu eby'omu nsi eno ebisinga kuba birungi: ku busando obw'akawoowo, ni ku mudheenene gw'endhuki, ni ku buwoowo obwetebwa balamu ni mirra, ni ku maido ag'omu itaka n'ag'oku miti.

Yeremia 14:19

Wo Musengwa Katonda, obwo Abayudaaya wabaviiraku irala, waakyagha abantu b'e Sioni? Lwaki watulumya n'otutaaku ebibwa otyo, ni tutasobola kuwonezebwa? Twasuubira okufuna emiraala, aye ghazira kalungi ke twafunamu. Era twasuubira okufuna ekiseera eky'okuwonezebwa, aye bona, twafuna bwa bitutiisa.

Yeremia 22:6

Musengwa Katonda ati bw'akoba ku kisaagaati kya kyabazinga wa Buyudaaya: “Ekisaagaati kya kyabazinga wa Buyudaaya kiboneka bulungi ng'oti n'ensi Gileadi, era ng'oti n'ensozi edh'e Lebanoni. Aye nja kukifuula ekifo ekisigaire obwagho kityo, era ekibuga ekiziramu muntu akibaamu naire.

Yeremia 46:11

Imwe abantu ab'omu Misiri, muje e Gileadi mufuneyooku ku bulezi obuwonia! Mukozeisa obulezi ebika n'ebika aye nga tibukola. Timukaasobola kuwonezebwa.

Yeremia 51:8

Aye buti egwire mangu inho yaazikirira! Mugiririre inho amaziga! Mugifunireyooku ku bulezi olw'obulumi bw'erimu, oba katyo enaawona.

Yeremia 6:7

Ng'ensulo bw'etawaamu maadhi malungi, n'ekibuga ekyo kityo bwe kitalekera kukola bibi byakyo. Bikolwa bya bukambwe na kuzikiriza bye nkiwuliraku byonka, era nkibonamu ndwaire na kulumizibwa buli kaakyeire.

Yeremia 9:1

Nguli omutwe gwange gwali n'amaadhi mangi ng'oti kidiba, n'amaiso gange ni gaba n'amaziga mangi ng'oti maadhi agakuuluula okuva mu nhindo dh'ensulo, nandirizenga amaziga omusana n'obwire olw'abantu bange abaitibwa.

Yeremia 9:11

Musengwa Katonda yankoba ati: “Ndidha kufuula ekibuga Yerusalemu kibe mmungo dha bifunfugu, era kibe ekifo omusula ebibe. Ebibuga by'omu Buyudaaya byonabyona bija kusigala bifulukwa byereere, ghabulegho omuntu abibaamu.”

Okulira 2:13

Abantu ab'e Yerusalemu, imwe be ngonza oti ki, nkobe ki? Mbageze ku ki? Mbafaananie ki imwe, ekinaabaleetera okusaasirwa? Okuzikirizibwa kwaimwe tikwakukoma oti n'amaadhi ag'enhandha agaidha ni gaabeeyaagho obweye; ghazira aghanga kwizaagho bintu byazikirizibwa.

Ezekieli 27:17

Ensi Buyudaaya ni Isiraeli dhaasuubulagananga n'iwe. Waadhighanga bye wasuubulanga, ate dheene dhaakughangamu engaano, n'omuzigo ogw'ebibala eby'emiti emyoliva, n'emitiini egisookereza okwama, n'omudheenene ogw'endhuki, n'omuzigo, n'obuwoowo obwetebwa balamu.

Okubala 32:1

Ab'ekika kya Reubeni n'ab'ekya Gadi baali n'ebyayo kamaala inho. Agho baabona ekiketezo eky'e Yazeri n'eky'e Gileadi nga birungi bya kwayiramu.

Luka 8:43

Ghaabaagho omukazi eyali alwaire ekikulukuto okumala emyaka ikumi n'ebiri, aye ghaabulagho asobola okumuwonia.