Yeremia 8:17 - Baibuli Ekibono kya Katonda 2014

¹⁷ Musengwa Katonda abakoba ati: “Bona eno, ndidha kubasindikira emisota egy'obusagwa gibalume; ndidha kubasindikira ebiyiri byene, biidhe bibalume, nga timukaasobola kubidoosa naire.”

Yeremia 8:17 ပူးပေါင်းရင်းမြစ်များ

Zabbuli 58:6

Wo Katonda wange, bamenhemu amaino mu kanwa. Wo Musengwa Katonda, igha mu mpologoma edho ento amaino amasongero.

Omulangirizi 10:11

Omusota bwe gumala okumoodha omuntu, olwo ole aloga emisota ni gitamoodha aba takaagasa.

Isaia 14:29

“Imwe Abafilisiti mwenamwena, mulobe kusanhuka inho waire ng'omwigo ogwabakuba mwenamwena gumenheike; kuba aghabairenga omusota ogwabuliidho, ghaidha kwiragho kiyiri. Era mu igi ly'ekiyiri mulivaamu omusota oguguluka ng'oti nhonhi.

Amosi 5:19

Kiriba ng'oti n'omuntu ali kulumuka ku mpologoma, kabiri n'ayagaanana n'ekisolo ekikambwe. Oba ng'oti n'omuntu angira mu ndhu ni yeesiira ku kimante, omusota ni gumumoodha omukono.

Amosi 9:3

Ni bwe balyegisa ghaigulu ku lusozi Karumeli, era nja kubaagala mbatuukeku mbatooleyo. Ni bwe balyegisa ghansi ku ntobo ey'enhandha, era nja kulagira ogusota gwamu gubalume.

Okubala 21:6

Agho Musengwa Katonda yaabasindikira emisota egy'obusagwa, gyabamoodha, Abaisiraeli kamaala baafa.

Amateeka Agokubiri 32:24

Baidha kufanga endhala n'omusuudha, bazikirizibwenga endwaire edhitiisa. Ndidha kubasindikangaku ensolo enkambwe dhibalye, n'emisota egy'obusagwa gibamoodhe.

Okwolekebwa 9:19

Amaani ag'embalaasi edho gaadhiringa mu kanwa ni mu mikira. Emikira gyadho nga giri ng'oti misota, nga kuliku n'emitwe gye girumisa.