Yeremia 8:13 - Baibuli Ekibono kya Katonda 2014

¹³ “Nayenda okusoloza abantu bange ng'oti n'omuntu bw'asoloza by'akungula. Aye nga bali ng'oti n'omuzabbibu oguziraku mizabbibu, oba ng'oti n'omutiini oguziraku mitiini. Era n'amakaba nga gaaniala. Kale ni, n'ebyo bye nali mbaghaire biribatoolebwaku.”

Yeremia 8:13 ပူးပေါင်းရင်းမြစ်များ

Isaia 5:10

Eisamba ery'emizabbibu ery'eyiika eikumi, liidha kuvangamu bwa lita munaana edh'omwenge ogw'emizabbibu. Ate omusiri ogusigibwamu ekiibo ekiramba eky'ensigo, gwidha kukungulwangamu kaibo bwibo.”

Yeremia 14:12

Ni bwe banaasiiba, nze tija kuwulirisa bye bansaba nga bandirira. Era ni bwe banampanga ebigheebwayo ebyokebwa n'ebigheebwayo eby'emere y'empeke, nze tiidha kubasiimanga. Aye ndidha bwa kubazikiriza mu ntalo era mbasindikire endhala n'endwaire ya kawumpuli bibaite.”

Yeremia 14:15

Agho ni, nze Musengwa Katonda ka nkukobere kye nja okukola abalanzi abo be ntatumangaku, aye ate ni balanga mu liina lyange nga bakoba mbu tighaja kubaagho lutalo waire endhala mu nsi eno: Ndidha kubazikiriza mu lutalo era mbasindikire endhala ebaite.

Yeremia 17:8

Ali ng'oti n'omuti ogwasimbibwa ku mwiga, ogukunkunia emizi gyagwo ni gituuka ku maadhi. Tigutya musana ni bwe gwaka okwaga gha, kuba amakaba gaagwo gasigala nga ti maniavu. Ghazira kigweraliikiriza oba amaadhi gagwa oba tigagwa, kuba buli kiseera gutaaku ebibala.”

Yeremia 5:17

Balirya emere yaimwe ni byonabyona bye muli kukungula. Balizikiriza emizabbibu gyaimwe n'emitiini gyaimwe, baasaaniagho embuzi dhaimwe n'ente dhaimwe, era baita batabane baimwe ni baghala baimwe. N'ebibuga byaimwe ebyezungulwirwa ebimante ebigumu bye mwesiga, balibizikiriza mu lutalo.”

Yeremia 7:20

Kale ni bona eno, obusungu bwange n'ekiruyi kyange ndidha kubimalira ku kifo kino, ni ku bantu, ni ku nsolo, ni ku miti, ni ku birime, ng'oti n'omuliro omuntu gw'atasobola kuzikiza.”

Ezekieli 22:31

Kale ndibamaliraku obusungu bwange, naabazikiriza n'omuliro gw'ekiruyi ekindiku, naabeesasuulizaaku olw'ebyo bye baakola. Nze Musengwa Katonda ninze nkobye.”

Hosea 2:12

Ndyonoonayonoona emizabbibu gye n'emiti gye emitiini, gye yakoba ati: “Gino n'empeera yange abagonzi bange ye bampa olw'okubagheerezanga.” Aye nze ndigireetera okuzika gyafuuka kibira. Era ensolo edh'omu nsiko dhiriidha dhaalya emizabbibu n'emiti emitiini egyo.

Yoeli 1:7

Dhaazikiriza emizabbibu gyaife, dhaaguguna n'emiti gyaife emitiini. Dhaagimalaku ebiwuudhu byonabyona era ensaga dhaagyo dhaalanguka ng'obona bwa byeru.

Abalevi 26:20

Bwe munaakolanga emirimo, amaani gaimwe ganaabafanga busa, kuba ensi teebazenga birime, n'emiti tigiibalenga bibala.

Habakkuku 3:17

Waire emiti emitiini giroba okutaaku ebibala, n'emizabbibu gyaloba okubala, n'emyoliva gyona gyabulaku ekivaaku, ni mu misiri mwabulamu ekikungulwa, n'entaama n'embuzi dhoonadhoona ni dhifa, ni mu kigo eky'ente ni mubula akamoola,

Haggai 1:11

Ndeeteire endoboozi okugwa mu nsi eno: egwe ku nsozi dhaayo, ni ku nimiro dhaayo edh'engaano, n'edh'emizabbibu, n'edh'emiti emyoliva, ni ku birime byonabyona. Era egwe ni ku bantu, ni ku nsolo, ni ku ebyo byonabyona bye mukola.”

Haggai 2:17

Nasindikanga empewo ensu yaavulusa ebirime byaimwe byonabyona, era naasindikanga n'omugozi gwabifungalaza, aye era mwaloba okwenenia.

Malaki 3:11

Tiriganha bisiisa kuzikiriza birime byaimwe. N'emizabbibu gyaimwe tigiriroba kubala.

Matayo 21:19

Yaabona omuti omutiini ku ngira, yaaja ghe guli, aye tiyayagaanaku kantu okutoolaku amakaba gonka. Yaagukoba ati: “Otaanianga ebyanda n'ebyanda!” Era omuti omutiini gwakaliragho.

Yakobo 1:11

Endhuba bw'evaayo n'omusana gwayo ogw'amaani, eniaza ekimera ekimuli kyakyo kyagwa n'obulungi bwakyo bwawaagho. N'omukombe atyo bw'aliwaagho mu ebyo by'akola.