Yeremia 7:9 - Baibuli Ekibono kya Katonda 2014

⁹ Mwiba, mwatemula, mwakola obwenzi, mwalayira eby'obuguya, mwaniokeza omusambwa Baali obubbaani, mwasinza ni bakatonda be mwali timwidhiiku naire.

Yeremia 7:9 ပူးပေါင်းရင်းမြစ်များ

1 Bakyabazinga 18:21

Agho Eliya yaaja eri abantu abo boonaboona, yaabakoba ati: “Mulituusa li okuyuugira eno n'ere nga timusalagho? Oba nga Musengwa Katonda ni Katonda, oyo ye mube musinze. Aye oba nga Baali ni Katonda, kale musinze oyo.” Aye abantu baaloba kumwiramu kibono waire ekirala.

Okuvaayo 20:3

“Mutasinzanga katonda wundi okutoolaku nze.

Isaia 1:13

Mulekere agho okuleetanga ebigheebwayo ebiziramu makulu. Obubbaani bwe muniokeza buneenhinhasa, oteeku n'Ebibinuko eby'Okuboneka kw'Omwezi bye mukuza, n'enaku dha Sabbato dhe mukuza, n'okwesoloza kwaimwe okw'okusinza. Tisobola kuguminkiriza bibi byaimwe, ni nguminkiriza na kwesoloza kwaimwe okwo okw'okusinza.

Isaia 58:2

Buli kaakyeire beekoza, baidha bansinza, era baayoleka nga bwe benda einho okumanha bye nkoba n'okugema ebiragiro byange; baaba ng'oti n'eighanga eriri agho erikola ebituufu, eritavangaku ku biragiro byange. Era bansaba mbaghe amateeka ag'okukola mu butuufu ni mu mazima, nga bakoba nga bwe kibasangaaza einho okunsinza nze Katonda.

Yeremia 1:16

Ndisalira abantu bange omusango gwabasinga olw'obubi bwaibwe; kuba banvaaku baaniokeza bakatonda abandi obubbaani, era baasinza ebintu bye baakola beene n'engalo dhaibwe.

Yeremia 11:13

Abantu b'omu Buyudaaya bali ni bakatonda kamaala, abaagayaga n'obungi bw'ebibuga byaibwe. N'abantu b'omu Yerusalemu baazimba alutaari edhaagayaga n'obungi bw'enguudo dh'omu kibuga omwo. Alutaari edho nga dha kuniokezaaku bubbaani eri omusambwa Baali ogwenhinhalwa.”

Yeremia 11:17

“Nze Musengwa Katonda Afuga Amagye, nali ntairegho Abaisiraeli n'Abayudaaya. Aye mperaano ndi kubeesoomera kubasindikira kabi. Ekyo bakyereeteire beene olw'ebibi bye bakola, ni bansungughaza nga baniokeza omusambwa Baali obubbaani.”

Yeremia 13:10

Abantu abo ababi baaloba okukola bye mbalagira. Baira mu kukolanga ebyo emyoyo gyaibwe emikalangufu bye gyenda, ni mu kusinzanga n'okugheerezanga bakatonda abandi. Kale ni, baja kuba ng'oti n'ekivaalo ky'omu nkende ekyo, ekitakaali na mugaso naire.

Yeremia 18:15

Aye abantu bange baaneeyawulaku, baaniokeza obubbaani ebisinzibwa ebitali Katonda. Baajanga bwe beekontola mu nguudo dhe baatambulirangamu okuva eira, baalekerera enguudo enene; baatambulira mu bugira obw'omu nsiko.

Yeremia 19:4

Nja kukola ntyo kuba abantu abo banviireku baayonoona ekifo kino nga baghaayo emisengo eri bakatonda abandi, ate nga beene, waire badhaadha baibwe, oba bakyabazinga b'omu Buyudaaya, tibamanhangaku bakatonda abo naire. Era abantu abo baidhwiza ekifo kino omusaayi ogw'abantu abaziraku musango be baita.

Yeremia 32:29

Baidha kukikunaaniaku omuliro bakyokye kyonakyona, ghalala n'endhu edho abantu mwe bansungughalizanga nga baniokeza obubbaani ghaigulu ku busolya bwadho nga babuniokereza omusambwa Baali, era nga bafukira bakatonda baibwe ebigheebwayo eby'okunhwa.

Yeremia 44:3

olw'okuba abantu baamu baakola ebibi bandeetera okusungughala baaniokezanga bakatonda abandi obubbaani, era baasinzanga bakatonda abo, beene waire badhaadha baibwe, be baali nga tibasinzangaku naire.

Yeremia 44:8

Lwaki munsungughaza n'ebyo bye mukola, nga muniokeza obubbaani bakatonda ab'omu nsi Misiri ye mwaja okuba? Lwaki muli kukola ebyo okwereetera imwe beene okuzikirira, n'okuleetera abamaghanga agandi okuboogerangaku imwe nga babayeeyereza era nga bwebabakolimira?

Yeremia 44:9

Mwerabiire ebikolwa ebibi badhaadha baimwe, ni bakyabazinga ab'omu Buyudaaya ni bakazi baibwe bye baakolanga, era n'imwe beene ni bakazi baimwe bye mwakolanga mu bibuga eby'omu Buyudaaya ni ku nguudo edh'omu Yerusalemu?

Yeremia 48:35

Nja kulekeza abantu ab'omu Moabu okughangayo emisengo egyokebwa mu bifo byaibwe ebigulumivu eby'okusinzizaamu, era ndekeze n'okuniokezanga bakatonda baibwe obubbaani. Nze Musengwa Katonda, ninze nkobye.

Yeremia 5:2

Waire nga mulayira muti, “Nga Musengwa Katonda bw'ali omulamu,” aye era bye mulayira bya buguya.

Yeremia 5:7

Musengwa Katonda era akoba ati: “Nsobola ntya okubasonigha abantu bange abo, abanvaaku ni balayira ebintu ebisinzibwa ebitali Katonda? Nabagha buli kye beetaaga, aye baaja baafuuka abatali beesigwa, era beesololezanga mu ndhu dha bamalaaya.

Yeremia 7:6

Mutanhigirizanga basenze, oba bamulekwa, oba banamwandu, oba okwitanga abantu abaziraku musango mu ighanga lino. Era mutasinzanga bakatonda bandi ni mwereetera kwerumya imwe beene.

Ezekieli 18:18

Aye ise olw'okuba yali mukupankupania, ng'anhaga ku bantu ebyaibwe era ng'akola ebitali birungi, alifa olw'ebibi bye yakola.

Ezekieli 20:30

Agho ni, kobera abantu ab'eighanga Isiraeli oti nze Musengwa Katonda ndi kubabuuza ati: Mwena muli kwenda kweyonoona ng'oti ni badhaadha baimwe, nga musinza ebitali nze Katonda ebyenhinhalwa bye baasinzanga?

Ezekieli 23:39

Ku lunaku lwene lwe baitiraku abaana baibwe ni babaghaayo ng'emisengo eri ebisinzibwa byaibwe ebyo, era ni ku lwene olwo lwe baidhiraku mu isinzizo lyange ni balyonoona.

Ezekieli 5:11

“Agho ni, nze Musengwa Katonda ndayira nti nga bwendi omulamu, bino bye nkoba ku imwe ab'omu Yerusalemu: mwayonoona eisinzizo lyange nga mulikoleramu ebibi byaimwe byonabyona ebyenhinhalwa. Kale ndibatirimbula, naaloba kusaasiraku naire omulala ati oba okumugemerwa ekivunika.

Hosea 2:13

Ndimubonereza olw'okukuzanga ebibinuko by'omusambwa Baali era n'aguniokezanga obubbaani. Era ndimubonereza olw'okuvaala empeta n'ebyamadholobera, n'aja n'abagonzi be, olwo nze n'aneerabira. Musengwa Katonda n'akobye.

Hosea 6:9

Ng'ekikuukuulu ky'abanhazi bwe kyeteega omuntu, ni bakabona boona batyo beeyimba, baatemula abantu ku ngira eja mu kifo ekitukuvu e Shekemu. Bwenebwene bakola ebibi ebyo nga bagendereire.

Amosi 4:5

Era mugheeyo emigaati egizimbulukusiibwa ng'omusengo ogw'okwebaza Katonda. Era mulangirire ebigheebwayo byaimwe eby'ekyeyendere okumanhisa buli muntu kuba ekyo mukyenda inho!

Zefania 1:5

Nja kuzikiriza abo abaaniina ghaigulu ku ndhu okusinza ebintu eby'oku igulu, n'abo boonaboona abansinza nze Musengwa Katonda, kabiri ni bamala balayira omusambwa Moleki.

Malaki 3:5

Era Musengwa Katonda Afuga Amagye akoba ati: “Olwo ndiseeta ye muli naasala omusango. Amangu geene ndirumiriza abalogo, abenzi, abalayira eby'obuguya, abakupankupania empeera y'abapakasi, abakiriga banamwandu ni bamulekwa n'abasenze, n'abo boonaboona abatantya.”

Ab'e Roma 2:2

Twidhi nga Katonda bw'asalira abantu abo abakola ebintu ebyo omusango, aba mutuufu.

Amateeka Agokubiri 32:17

Baaghangayo emisengo eri emizimu emibi egitali Katonda; emisambwa emiyaaka badhaadha baibwe gye bataamanhaku waire okusinzaaku.

Okwolekebwa 21:8

Aye abo abati, n'abataikiriza, n'abadankaanu, n'abatemo, n'abenzi, n'abalogo, n'abasinza ebitali Katonda, n'abaguya boonaboona, ekifo kyaibwe kiriba mu nhandha ey'omuliro n'obunhota bwa salufa: okwo n'okufa okwokubiri.”

Okwolekebwa 22:15

Aye embwa, n'abalogo, n'abenzi, n'abatemo n'abasinza ebyo ebitali Katonda, n'abaguya, baliba kuliya.

Abalamuzi 5:8

Abaisiraeli bwe baalondagho okusinza bakatonda abayaaka, olwo ghaabaagho olutalo mu Isiraeli. Mu basaadha emitwalo ena (40,000) mu Isiraeli, ghaabulagho eyagemaku ku ngabo oba ku ifumo mu ngalo dhe.