Yeremia 7:6 - Baibuli Ekibono kya Katonda 2014

⁶ Mutanhigirizanga basenze, oba bamulekwa, oba banamwandu, oba okwitanga abantu abaziraku musango mu ighanga lino. Era mutasinzanga bakatonda bandi ni mwereetera kwerumya imwe beene.

Yeremia 7:6 ပူးပေါင်းရင်းမြစ်များ

2 Bakyabazinga 21:6

Yaayokya mutabane we ng'ekigheebwayo ekyokebwa, yaajanga mu balaguzi ni mu basamize, era yaakolanga eby'obulogo n'eby'emizimu. Yaakolanga inho ebibi eri Musengwa Katonda, yaamuleetera okusungughala.

2 Bakyabazinga 24:4

n'olw'abantu abaziraku musango Manasse oyo be yaita kuba yaidhuza Yerusalemu omusaayi gw'abantu be yaitira obwereere. Musengwa Katonda nga taghanga kusonigha Manasse oyo olw'ekyo.

Zabbuli 106:38

Baayughanga emisaayi egyo egiziraku musango, egy'abaana baibwe abalenzi n'abaghala be baaghangayo ng'emisengo eri ebintu ebyo ab'e Kanaani bye baasinzanga ebitali Katonda. Olwo ensi yaafuuka nnhonoonefu olw'obutemo obwo.

Ensambo 23:10

Otakyusanga mbibi ey'eira, oba okutoola eitaka lya bamulekwa

Isaia 59:7

Mwangugha inho okukola ebibi aghazira kusibamu, era mwayanguyirwa inho okwita abantu abaziraku musango. Buli ghe mubita muzikirizaagho, mwaleka bifulukwa byereere. Ebirowoozo byaimwe mubimalira ku kukola bibi byonka.

Yeremia 13:10

Abantu abo ababi baaloba okukola bye mbalagira. Baira mu kukolanga ebyo emyoyo gyaibwe emikalangufu bye gyenda, ni mu kusinzanga n'okugheerezanga bakatonda abandi. Kale ni, baja kuba ng'oti n'ekivaalo ky'omu nkende ekyo, ekitakaali na mugaso naire.

Yeremia 19:4

Nja kukola ntyo kuba abantu abo banviireku baayonoona ekifo kino nga baghaayo emisengo eri bakatonda abandi, ate nga beene, waire badhaadha baibwe, oba bakyabazinga b'omu Buyudaaya, tibamanhangaku bakatonda abo naire. Era abantu abo baidhwiza ekifo kino omusaayi ogw'abantu abaziraku musango be baita.

Yeremia 2:30

Waire nga nababonereza aye tikyavaamu muganhulo, kuba timwaganha kukangaivulwa naire. Mwatemula abalanzi baimwe nga muli ng'oti n'empologoma ezikiriza bwe yeeruga.

Yeremia 2:34

Ebivaalo byaimwe biriku ebimyamya by'omusaayi gw'abaavu abaziraku musango, era be mutagemangaku nga bali kwiba. “Aye waire ng'ebyo biri bityo,

Yeremia 26:15

Aye mukimanhe bukalamu nti bwe mundhita, imwe n'abantu b'omu kibuga kino munaaba mwereeseeku ekibi eky'okwita omuntu aziraku musango, kuba Musengwa Katonda mwene n'eyantuma okwidha okubalabula.”

Yeremia 26:23

Era baamwiza, bamutwala ye kyabazinga Yehoiakimu, yaalagira baamwita era omulambo gwe baagusuula ghe baaziikanga abantu ababuliidho.

Yeremia 35:15

Buliidho mbaire ntumanga ye muli abagheereza bange abalanzi aghazira kukoogha naire, babakobe mulekere okukola ebibi, mukole ebituufu. Era mulobe kujiiranga ku bakatonda abandi nga mubasinza, olwo musobole okusigalanga mu nsi ye nabagha imwe ni badhaadha baimwe. Aye nga imwe timumpulirisa, waire okufaayo ku bye nkoba.

Yeremia 5:28

era baaba banene nga banhirivu. Tibalekera kukola bibi. Tiboogererayo bamulekwa kufuna bye bagwaniire, waire okulwanirira abatuntuzibwa.”

Yeremia 7:5

“Mulongoose empisa dhaimwe n'ebikolwa byaimwe. Mukolenga ebituufu mu nkolagana ni banaimwe.

Yeremia 7:9

Mwiba, mwatemula, mwakola obwenzi, mwalayira eby'obuguya, mwaniokeza omusambwa Baali obubbaani, mwasinza ni bakatonda be mwali timwidhiiku naire.

Okulira 4:13

Aye ekyo kyabaagho olw'ebibi eby'abalanzi baamu, n'olw'okwonoona okwa bakabona baamu, abaakiitirangamu abantu abatuufu.

Ezekieli 18:6

Atasinza ebyo ebitali nze Katonda ab'eighanga Isiraeli bye basinza, era atalya ku misengo gye bagheerayo mu masabo ku nsozi. Atasendasenda muka beene n'aba naye mu buliri, era ataba mu buliri na mukazi ng'ali mu biseera bye eby'okulwala.

Ezekieli 22:7

Abazaire mu iwe batwalibwa ng'ekitagasa, ebintu by'abasenze byakupankupanizibwa, banamwandu ni bamulekwa baatulugunhizibwa.

Abalevi 19:33

“Mutabisanga bubi basenze abaasenga mu nsi yaimwe.

Abalevi 25:17

Mutaseeragananga, aye mutyenga Musengwa Katonda waimwe.

Malaki 3:5

Era Musengwa Katonda Afuga Amagye akoba ati: “Olwo ndiseeta ye muli naasala omusango. Amangu geene ndirumiriza abalogo, abenzi, abalayira eby'obuguya, abakupankupania empeera y'abapakasi, abakiriga banamwandu ni bamulekwa n'abasenze, n'abo boonaboona abatantya.”

Matayo 27:25

Abantu boonaboona baakoba bati: “Omusaayi gwe gube ku ife ni ku baana baife.”

Matayo 27:4

Yaabakoba ati: “Nayona okughaayo omusaayi ogw'omuntu azira musango.” Aye baamukoba bati: “Ebyo bibyo ife tibitugemaaku.”

Amateeka Agokubiri 11:28

Mwidha kukolimirwanga bwe mutaawulirenga biragiro bya Musengwa Katonda waimwe, ni mukyuka okuva ku bye ndi kubalagira olwaleero, aye ni mwira mu kusinza bakatonda be mutasinzangaku.

Amateeka Agokubiri 24:17

“Mutasalirizanga nga musala omusango ogw'omusenze waire ogwa mulekwa. Era mutatoolanga ku namwandu kivaalo kye ng'omusingo ogw'eibandha lye mwamuwola.

Amateeka Agokubiri 27:19

“ ‘Omuntu yeenayeena anaasalirizanga omusango ogw'omusenze ni mulekwa ni namwandu, akolimirwenga!’ Olwo abantu boonaboona baliiramu bati, ‘Amiina.’

Amateeka Agokubiri 8:19

Bwe mulyerabira Musengwa Katonda, ni mujiira ku bakatonda era ni mubasinza, mbalabula olwaleero nti timuliroba kuzikirira.

Yakobo 1:27

Okwikiriza okutuufu era okuziramu buguya mu maiso ga Katonda Lata ni kuno: okulabirira bamulekwa, ni banamwandu, n'okwekuuma obutoonoonebwa nsi eno.