Yeremia 7:32 - Baibuli Ekibono kya Katonda 2014

³² Kale ni bona, ekiseera kiri kwidha, ekifo ekyo kirekere okwetebwa Tofethi, oba ekiiko kya mutabane wa Hinnomu, aye kyetebwe Ekiiko eky'Okutirimbuliramu kuba balikiziikamu abantu kamaala abaliba nga bazira ghandi gha kubaziika.

Yeremia 7:32 ပူးပေါင်းရင်းမြစ်များ

2 Bakyabazinga 23:10

Kyabazinga Yosia era yaayonoona ekifo ekyayetebwanga Tofethi, ekyali mu kiiko eky'Abahinnomu. Olwo ghalobenga kubaagho muntu yeenayeena ayokerayo mutabane we oba mughala we, ng'ekigheebwayo ekyokebwa eri omusambwa Moleki.

Yeremia 19:11

era mbakobere nti Musengwa Katonda Afuga Amagye akoba ati: “Ntyo bwendizikiriza abantu bano n'ekibuga kino, ng'oti n'omuntu bw'amanhiangula akadoome ak'eitosi, ni katasobola kuyungibwa kukaizaagho kabiri. Abantu baliziika abafu baibwe ni mu Tofethi olw'okubulwa aghandi agh'okubaziika.

Yeremia 19:13

Endhu edh'omu Yerusalemu, n'edha bakyabazinga ab'omu Buyudaaya, ghalala n'edho dhoonadhoona abantu dhe baaniokezangaku obubbaani ghaigulu ku busolya bwadho nga babuniokereza emuunienie edh'oku igulu, era mwe baafukiranga ebigheebwayo eby'okunhwa eri bakatonda abandi, dhoonadhoona dhiriba nga ti nongoofu ng'oti n'ekifo ky'e Tofethi.”

Yeremia 19:2

oje nabo mu kiiko ekyetebwa ekya mutabane wa Hinnomu, ng'obitira mu gwetebwa Omulyango ogw'Engyo. Era eyo y'oidha okukobera abantu obukwenda bwe nnaakugha.

Yeremia 19:6

Kale ni bona eno, ekiseera kiri kwidha, ekifo ekyo kirekere okwetebwa Tofethi, oba ekiiko kya mutabane wa Hinnomu, aye kyetebwe Ekiiko eky'Okutirimbuliramu.

Yeremia 31:40

Ekiiko kyonakyona kye baziikamu abafu era kye basuulamu n'ebikaba, n'enimiro dhoonadhoona okutuuka ku kaiga Kiduroni n'okutuuka ku gwetebwa Omulyango ogw'Embalaasi mu buvandhuba, biidha kubanga byange era nga bitukuvu. Ekibuga tikiriiramu kabiri kumenhebwagho waire okuzikirizibwa.”

Yeremia 7:31

Era baaja baazimba ebifo ebigulumivu eby'okusinzizaamu e Tofethi, mu kyetebwa Ekiiko ekya mutabane wa Hinnomu, baayokeranga mu muliro batabane baibwe ni baghala baibwe. Ate nga nze tibalagirangaku kukola kintu ekyo, waire okukirowoozaaku obulowooze mu mwoyo gwange.

Ezekieli 6:4

Alutaari dhaibwe dhirisigala bw'agho bifulukwa, n'edho edhiniokezebwaku obubbaani dhoona dhaamenhebwamenhebwa. Emirambo egy'abantu abaliitibwa girisuulibwa agho mu maiso ag'ebisinzibwa byaibwe ebitali Katonda.

Abalevi 26:30

Ndidha kuzikiriza ebifo byaimwe ebigulumivu bye musinzizaamu emisambwa, era mmenheregho irala alutaari dhe muniokezaaku obubbaani olw'emisambwa egyo, n'emirambo gyaimwe ngisuule ku bifaananie eby'emisambwa egyo gye musinza. Mu busungu obungi