Yeremia 7:28 - Baibuli Ekibono kya Katonda 2014

²⁸ Oidha kubakoba oti eighanga lyaibwe tirimpulira nze Musengwa Katonda waalyo era tiriganha kugalagirwa. Tirikaali na mazima, waire okugoogeraku obwogere.’”

Yeremia 7:28 ပူးပေါင်းရင်းမြစ်များ

Zabbuli 12:2

Buli muntu aguya mwine, yaasuutiriza mwine ku munwa, aye nga mu mwoyo muguya.

Zabbuli 50:17

Timwenda kugalagirwa, era bye mbakoba mubisuula bw'ere.

Ensambo 1:7

Omuntu okuba n'obumanhi, asooka na kutya Musengwa Katonda. Abasiru banhooma amagezi era tibenda kugalagirwa.

Isaia 30:9

Badheema buliidho era baajiira ku kuguyaguya, baaloba okugondera amateeka ga Musengwa Katonda.

Yeremia 11:10

Baizeeyo mu kukola ebibi badhaadha baibwe bye baakolanga, ni baloba okugonderanga bye nabalagira. Era buti abantu b'omu Isiraeli n'ab'omu Buyudaaya basinza bakatonda abandi, baamenha endagaano ye nakola ni badhaadha baibwe.

Yeremia 17:23

Aye badhaadha baibwe baaloba kumpulirisa waire okugondera bye nabalagira, beeyongera bwa kukalangusa myoyo gyaibwe na butenda kugalagirwa.

Yeremia 2:30

Waire nga nababonereza aye tikyavaamu muganhulo, kuba timwaganha kukangaivulwa naire. Mwatemula abalanzi baimwe nga muli ng'oti n'empologoma ezikiriza bwe yeeruga.

Yeremia 32:33

Nze nga bankuba bwa nkoone, baaloba kukyukira ye ndi. Era waire nga nabagalagiranga aghazira kukoogha naire, aye nga tibenda kuwulirisa beege.

Yeremia 5:1

Imwe abantu b'omu Yerusalemu, muje eno n'ere nga mubitabita mu nguudo dh'ekibuga kyaimwe kino Yerusalemu. Muje nga mwetegereza buli kye mubona, mwagaaze mu mpya dh'ekibuga mubone oba nga munaabonayo omuntu waire omulala ati, akola ebituufu era ajiira ku mazima. Bwemunaamubona, ndidha kusonigha ekibuga kino.

Yeremia 5:3

Wo Musengwa Katonda, bwenebwene iwe onoonia mazima. Wabakuba aye baaloba kuwulira, waabatyankatyanka kwenda kubazikiriza, aye baaloba kweiraku. Baakalangusa emyoyo gyaibwe okusinga n'olubaale baaloba kwenenia naire.

Yeremia 6:17

Agho Musengwa Katonda yaabateeragho abakuumi, yaabakoba ati: “Muwulirise eigwala bwe banaalifuuwa okubalabula.” Aye baakoba bati: “Titwidha kuwulirisa.”

Yeremia 6:28

Boonaboona badheemu era bampwitu. Baja nga basalaganaku ebibono. Emyoyo gyaibwe mikalangufu ng'oti kyuma kya kikomo era ng'oti n'ekyuma ekigumu einho. Era boonaboona bakupankupania.

Yeremia 6:8

Imwe ab'e Yerusalemu, mweizeemu ku magezi, oba ti n'ekyo ndidha kubalekulira agho, n'ekibuga kyaimwe kisigale agho kityo nga kiri bwa bifulukwa byereere, era nga kiziramu muntu waire.”

Hosea 4:1

Imwe Abaisiraeli muwulire Musengwa Katonda by'akoba. Ghaligho omusango gw'ali kulumiriza abantu ababa mu nsi eno, kuba abantu b'omu nsi eno ti beesigwa era ti ba kisa, waire okutya Katonda.

Zefania 3:2

Kizira muntu ye kiwulirisa era tikiganha kugololwa mu nsobi dhaakyo. Tikyesiga Musengwa Katonda, era tikisaba Katonda waakyo oyo akibeere.

Zefania 3:7

Naadhuuba nti abantu bange banantya era baaganha okugololwa ensobi dhaibwe. Era naadhuuba nti tibaidha kwerabira ebyo byonabyona bye nababonerezaamu. Aye beeyongera bweyongere okukola ebikolwa ebibi.”