Yeremia 7:25 - Baibuli Ekibono kya Katonda 2014

²⁵ Okuva ku lunaku badhaadha baimwe lwe baava mu nsi Misiri okutuusa ni ye buli eno, mbaire nga ntumanga ye muli abagheereza bange abalanzi aghazira kukoogha naire.

Yeremia 7:25 ပူးပေါင်းရင်းမြစ်များ

2 Ebyomubyanda 24:19

Musengwa Katonda yaabagheereza abalanzi okubalabula baire y'ali, aye baaloba kwefiirayo.

2 Ebyomubyanda 36:15

Musengwa Katonda oyo, Katonda wa badhaadha baibwe yayongera okubagheerezanga abakwenda aghazira kukoogha naire, kuba yali ayenda okubawonia beene era n'okuwonia eisinzizo lye.

Ezera 9:7

Okuviira irala ku biseera bya badhaadha baife okutuusa ni ye buli eno, tukola inho ebibi. Era olw'ebibi byaife, ife, n'ebya bakyabazinga baife, n'ebya bakabona baife, tubairenga tugheebwayo mu ngalo dha bakyabazinga abamaghanga agandi, baatwitira mu ntalo, baatutwala mu bunhage, baatunhagaku ebyaife, era twaswala nga bwe tuli buti.

Nehemia 9:26

Aye abantu bo abo baakudheemera, baalobanga kukuwulira, baava ku Mateeka go. Baita abalanzi bo abaabalabulanga okubakyusa baire y'oli. Baakola ebintu kamaala ebikuvumagania.

Nehemia 9:30

Waabaguminkiriza emyaka kamaala, era waata omwoyo gwo mu balanzi bo baje babalabule, aye nga basembye amatu gaibwe. Kyewava n'obaghaayo mu ngalo edh'abamaghanga agandi.

Isaia 5:4

Kiki ekindi kye nali n'okukolera eisamba lyange eryo, kye ntaalikolera? Lwaki bwe nasuubira eisamba eryo okubaza emizabbibu emirungi, ate lyabaza bwa gikaagha ng'oti gya mu nsiko?

Yeremia 11:7

kuba bwe natoola badhaadha baibwe mu nsi Misiri, nabalabuliragho irala okumpuliranga. Era nkaabalabula ni ye buli eno aghazira kukoogha naire.

Yeremia 25:3

“Okuva ku mwaka ogweikumi n'esatu (13) nga Yosia mutabane wa Amoni ni kyabazinga wa Buyudaaya okutuuka ni ye buli eno, giri emyaka abiri n'esatu nga Musengwa Katonda ampa obukwenda bwe. Era mbakoberanga obukwenda obwo aghazira kukoogha naire, aye imwe mwaloba kutaayo mwoyo.

Yeremia 25:4

Mwaloba okuwulirisa waire okufaayo, ate nga Musengwa Katonda oyo yatumanga abagheereza be abalanzi ye muli aghazira kukoogha naire,

Yeremia 29:19

Ebyo biribatuukaku lwa butagondera bukwenda bwe nabagheerezanga aghazira kukoogha naire, nga mbubisa mu bagheereza bange abalanzi. Aye beene baaloba kuwulira.

Yeremia 35:14

Baidhukulu ba Yonadabu mutabane wa Rekabu baagondera ekiragiro kya Yonadabu oyo eky'obutanhwanga mwenge gwa mizabbibu. Era ni ye buli eno tibagunhweraku irala naire. Aye imwe nze buliidho mbakoba aghazira kukoogha naire, aye mwaloba kumpulirisa.

Yeremia 35:15

Buliidho mbaire ntumanga ye muli abagheereza bange abalanzi aghazira kukoogha naire, babakobe mulekere okukola ebibi, mukole ebituufu. Era mulobe kujiiranga ku bakatonda abandi nga mubasinza, olwo musobole okusigalanga mu nsi ye nabagha imwe ni badhaadha baimwe. Aye nga imwe timumpulirisa, waire okufaayo ku bye nkoba.

Yeremia 44:4

Ate nga natumanga ye muli abagheereza bange abalanzi aghazira kukoogha naire, babakobe bati, ‘Mutakola bintu ebyo ebyenhinhalwa bye nkyagha!’

Yeremia 7:13

Mukoze ebibi ebyo byonabyona emikuzi kamaala nga mbalabulanga aghazira kukoogha naire, aye mwaloba kuwulira, era naabeeta aye mwaloba kuvugira.

Ezekieli 2:3

nga gakoba gati: “Iwe omuntu, ndi kukutuma y'Abaisiraeli, eighanga eryo ery'abadheemu. Abantu abo banvaaku baakola ebibi ye ndi ng'oti ni badhaadha baibwe bwe baakola, era bakandheemera ni ye buli eno.

Hosea 11:7

Ng'abantu bange abo bwe bamaliriire okunvaaku, balirira olw'ekikoligo ekibaliku, aye nga ghazira akibatoolaku.

Hosea 12:10

Nayogeranga n'abalanzi, naabaleeteranga okubonekerwa emikuzi kamaala. Era naabitanga mu balanzi abo okulabula abantu bange, nga bakozesa enfumo dhe nabaghanga.

Amosi 2:11

Naalonda abandi ku batabane baimwe naabafuula abalanzi, n'abandi ku baisuka baimwe naabafuula Abanaziri. Imwe Abaisiraeli ekyo ti bwekiri? Nze Musengwa Katonda ninze ndi kubabuuza.

Malaki 3:7

Nga badhaadha baimwe bwe baakolanga mu biseera byaibwe, mwena buti bwemukola: Mwakyuka mwava ku biragiro byange mwaloba kubituukiriza. Aye mwire ye ndi zeena ndidha kwira ye muli, waire nga mumala kabiri mwabuuza muti: ‘Tukole tutya okwira y'oli?’

Luka 11:49

Ni mu Magezi ga Katonda kikoba kiti, ‘Abandi balibakiriga n'abandi balibaita.’

Amateeka Agokubiri 9:7

“Mutagezangaku naire okwerabira nga bwe mwaleetera Musengwa Katonda waimwe okubasungughalira mu irungu. Okuviira irala ku lunaku lwe mwaviiraku mu Misiri, okutuusa lwe mwatuuka mu kifo kino, mubairenga nga mumudheemera.