Yeremia 7:21 - Baibuli Ekibono kya Katonda 2014

²¹ Musengwa Katonda Afuga Amagye, Katonda wa Isiraeli, akoba ati: “Mutoole ebigheebwayo byaimwe ebyandibaire eby'okwokebwa biweekereregho, mubyongereze ku misengo gyaimwe egindi, byonabyona mubirye.

Yeremia 7:21 ပူးပေါင်းရင်းမြစ်များ

Zabbuli 50:8

Tiri kubanenia lwa misengo gyaimwe, oba olw'ebigheebwayo ebyokebwa bye mumpa.

Isaia 43:23

Timwandeetera ntaama dhaimwe ng'ebigheebwayo ebyokebwa, waire okuntaamu ekitiisa nga mumpa emisengo. Nze tibakaluubirizangaku nga mbasaba ebigheebwayo, waire okubakooya nga mbapikiriza okumpa obubbaani obw'okuuniokeza.

Yeremia 14:12

Ni bwe banaasiiba, nze tija kuwulirisa bye bansaba nga bandirira. Era ni bwe banampanga ebigheebwayo ebyokebwa n'ebigheebwayo eby'emere y'empeke, nze tiidha kubasiimanga. Aye ndidha bwa kubazikiriza mu ntalo era mbasindikire endhala n'endwaire ya kawumpuli bibaite.”

Yeremia 6:20

Obubbaani bwe bandeetera okuva e Sheba bungasa ki, waire obuwoowo obuva mu nsi edh'eghala? Tiidha kusiima bigheebwayo byaimwe ebyokebwa, waire okusanhukira emisengo gye mumpa.

Ezekieli 33:25

“Agho ni bakobere oti nze Musengwa Katonda nkoba nti: Mulya emamba ng'ekaalimu n'omusaayi gwayo, mwasinza ebintu ebisinzibwa ebitali nze Katonda, era mwatemula abantu. Era mwalowooza muti mulitwala ensi eno yaaba yaimwe?

Hosea 8:13

Benda inho okumpa emisengo, baaleeta emamba ng'omusengo era baamala baagirya. Aye nze Musengwa Katonda tibasiima, waire okwerabira ebibi byaibwe. Ndibabonereza olw'ebibi ebyo, nabasindika okubaizaayo kabiri e Misiri.

Amateeka Agokubiri 12:27

Mwidha kughangayo ku alutaari ya Musengwa Katonda ebigheebwayo ebyokebwa byonabyona ni biwaagho. Era mughengayo n'ebigheebwayo olw'okutabagana, ng'omusaayi gwabyo guyuyibwa ku alutaari ya Musengwa Katonda, aye emamba mwagirya.