Yeremia 7:15 - Baibuli Ekibono kya Katonda 2014

¹⁵ Era imwe ndidha kubabinga munve mu maiso, nga bwenabinga baganda baimwe abasimuka mu Efuraimu boonaboona. Nze Musengwa Katonda, ninze nkobye.”

Yeremia 7:15 ပူးပေါင်းရင်းမြစ်များ

2 Bakyabazinga 17:23

okutuusa Musengwa Katonda lwe yababinga mu maiso ge, nga bwe yabalabula ng'abita mu bagheereza be abalanzi boonaboona. Agho ab'omu Isiraeli baabatoola mu nsi yaibwe, baabatwala mu Assiria ye bakaali ni ye buli eno.

2 Bakyabazinga 24:20

Musengwa Katonda yaasungughalira ab'omu Yerusalemu n'ab'omu Buyudaaya ebitaloodheka, yaababingagho mu maiso ge. Agho Zedekia yaadheemera kyabazinga Nebukadinezzari ow'e Babilonia.

2 Ebyomubyanda 15:9

Agho Asa yaasoloza ab'ekika kya Yuda boonaboona, n'ab'ekya Benjamini. Yaasoloza n'abandi abaabanga aghalala n'abo eyo, abaava mu biketezo bino: ekya Efuraimu, n'ekya Manasse, n'ekya Simeoni kuba abantu kamaala inho baasenguka baava mu biketezo ebyo ebya Isiraeli, baasenga mu bwakyabazinga bwa Asa oyo, nga bamaze okubona Musengwa Katonda we, bw'ali aghalala naye.

Zabbuli 51:11

Otansuula ere kuva gh'oli, era otantoolaku mwoyo gwo omutukuvu.

Isaia 7:16

Era aliba akaali na kwawulagho kirungi na kibi, ng'ensi dha bakyabazinga ababiri ababatiisa dhaamala ira okusigala agho nga ndhereere.

Yeremia 15:1

Agho Musengwa Katonda yankoba ati: “Musa ni Samueli ni bwe bandyemereire ghano ninze, okuwolereza abantu abo ye ndi, era nze tinandisaasiire bantu abo naire. Babinge baje, banve mu maiso.

Yeremia 23:33

Agho Musengwa Katonda yankoba ati: “Yeremia, omuntu yeenayeena, oba omulanzi, oba kabona, bw'aidhanga n'akubuuza ati, ‘Bukwenda ki obuva ye Musengwa?’ Iwe omwirangamu oti, ‘Niiwe omugugu omuzito eri Musengwa Katonda, era Musengwa Katonda oyo akoba ati aidha kukusuula ere.’

Yeremia 23:39

nze Musengwa Katonda nja kubabbeeda mbasuule ere banve mu maiso. Ndidha kubasuula ere, beene ghalala n'ekibuga kyaibwe kye nabagha era kye nagha ni badhaadha baibwe.

Yeremia 3:8

Baabona nga mminga Abaisiraeli abo naabagha n'embaluwa ebabinga, olw'obutaba beesigwa ng'oti n'omukazi malaaya. Aye ab'e Buyudaaya abo baganda b'Abaisiraeli, tibaatya naire. Boona baaja buje, baafuuka abatali beesigwa ng'oti n'omukazi malaaya,

Yeremia 52:3

Musengwa Katonda yaasungughalira ab'omu Yerusalemu n'ab'omu Buyudaaya ebitaloodheka, yaababingagho mu maiso ge. Agho Zedekia yaadheemera kyabazinga Nebukadinezzari ow'e Babilonia.

Yeremia 9:19

Wulira amaliro agali kuva mu Sioni nga gakoba gati: “Tuzikiriire! Era tuswaire inho; kuba bakonseegho endhu dhaife, twava mu nsi yaife.”

Ezekieli 23:31

Wagema engira n'endala eyo nga muganda wo, kale ni ndikugha ekikopo eky'ekibonerezo ng'ekikye.”

Ezekieli 33:25

“Agho ni bakobere oti nze Musengwa Katonda nkoba nti: Mulya emamba ng'ekaalimu n'omusaayi gwayo, mwasinza ebintu ebisinzibwa ebitali nze Katonda, era mwatemula abantu. Era mwalowooza muti mulitwala ensi eno yaaba yaimwe?

Hosea 1:4

Musengwa Katonda yaakoba Hosea ati: “Mutuume eriina ‘Yezireeli,’ kuba esigaireyo ekiseera kitono mbonereze kyabazinga wa Isiraeli olw'obutemo dhaadha we Yehu bwe yakolera e Yezireeli. Nja kulekeza ab'oku nda ya Yehu okufuga obwakyabazinga bwa Isiraeli.

Hosea 12:1

“Abaisiraeli bye bakola biziramu muganhulo. Kuli ng'oti n'okwaya empewo eva e buvandhuba, n'ogibingirira olunaku lwonalwona. Beeyongera bweyongere kuguya na kukola bikolwa bya bukambwe. Bakola endagaano ni Assiria, era baasuubulagana ni Misiri.”

Hosea 13:16

Ab'e Samaria balivunaanibwa omusango olw'okundheemera nze Katonda waibwe. Abazigu balibaitira mu ntalo, era abazigu abo balikuba abaana baibwe abaghere ku itaka, baabasekembula okutuusa okufa. N'abakazi baibwe abali enda balibasala amabunda baagaawuza.”

Hosea 7:13

Bakagwireku olw'okudaaliima ni banvaaku! Ka bazikirire olw'okundheemera! Nandibaire mbanunula, aye bandhogeraku eby'obuguya.

Hosea 9:13

Wo Musengwa Katonda, ndi kubona abaana ba Isiraeli, ng'abazigu bali kubayiiga bwe babaita.

Hosea 9:3

Imwe Abaisiraeli, timulisigala mu nsi yange nze Musengwa Katonda. Aye muliirayo kabiri mu nsi Misiri, mwaja ni mu nsi Assiria, ye muliriiranga emere etali nongoofu.

Hosea 9:9

Beeyonoine inho ng'oti bwe beeyonoona e Gibea. mu biseera ebyabita. Aye Katonda talyerabira bibi byaimwe, alibabonereza olw'okwonoona kwaimwe.

Yona 2:4

Nali nkoba nti onswire ere nve gh'oli, era nga tiriirayo kabiri kubona ku isinzizo eitukuvu.

Okubala 1:32

Abantu abaava mu Yosefu ab'ekika eky'Abaefuraimu