Yeremia 7:10 - Baibuli Ekibono kya Katonda 2014

¹⁰ Mpegaano mwidha mutya okwemerera mu maiso gange, mu isinzizo lino eryange lyene, mwakoba muti, ‘Tuli bukalamu’, nga kabiri mumala muja bwa mu maiso na kukola ebyenhinhalwa ebyo byonabyona?

Yeremia 7:10 ပူးပေါင်းရင်းမြစ်များ

1 Bakyabazinga 9:3

Yaamukoba ati: “Mpuliire by'onsabye ng'oneeghemba agho mu maiso gange. Ntukwiza eisinzizo lino ly'onzimbiire, libe ery'okunsinzizangamu enaku dhoonadhoona. Ndidha kulikuumanga obutatemya enaku dhoonadhoona.

2 Bakyabazinga 21:4

Yaazimba alutaari mu isinzizo Musengwa Katonda lye yayogeraku ati: “Mu Yerusalemu mwe banansinzizanga.”

2 Ebyomubyanda 33:4

Yaazimba alutaari mu isinzizo Musengwa Katonda lye yayogeraku ati: “Mu Yerusalemu mwe banansinzizanga lubeerera.”

2 Ebyomubyanda 33:7

Yaata mu isinzizo ekifaananie eky'omusambwa omukazi Ashera kye yabaadha. Ate nga eisinzizo eryo, Musengwa Katonda lye yakoba Daudi ni mutabane we Solomoni ati: “Mu isinzizo lino eriri mu kibuga Yerusalemu kye nalondamu mu bibuga byonabyona eby'ebika bya Isiraeli, mwe banansinzizanga enaku dhoonadhoona.

Ensambo 15:8

Musengwa Katonda yeenhinhata emisengo egy'ababi, aye yaasanhukira okusaba okw'abeesimbu.

Isaia 48:2

Era mweyeta ba mu kibuga ekitukuvu, abeesiga Katonda wa Isiraeli, eriina lye nga ni Musengwa Katonda Afuga Amagye.

Yeremia 32:34

Baatoola emisambwa gyaibwe egyenhinhalwa, baagita mu isinzizo lyange, baalyonoona.

Yeremia 34:15

Ghano dhuuzi imwe mwakola ekyansanhusa, mwakyusa ekirowoozo, mwalangirira okulekula Baisiraeli banaimwe abairu babe ba idembe, era mwakola endagaano mu maiso gange mu isinzizo lino eryange lyene.

Yeremia 44:9

Mwerabiire ebikolwa ebibi badhaadha baimwe, ni bakyabazinga ab'omu Buyudaaya ni bakazi baibwe bye baakolanga, era n'imwe beene ni bakazi baimwe bye mwakolanga mu bibuga eby'omu Buyudaaya ni ku nguudo edh'omu Yerusalemu?

Yeremia 7:11

Obwo mulowooza muti eisinzizo lino eryange lyene lifuuse mpuku ya banhazi? Bona eno, nze mwene mboine bye muli kukola.

Yeremia 7:14

Kale ni kye nakola Shilo, kye ndidha okukola n'eisinzizo lino eryange lyene lye mwesiga. Ekifo kino kye nabagha imwe ni badhaadha baimwe, ndidha kukikola ekintu n'ekirala ng'oti ni kye nakola Shilo.

Yeremia 7:30

“Abantu b'omu Buyudaaya, bakoze ekibi ye ndi, nze Musengwa Katonda. Batoire emisambwa egyenhinhalwa, baagita mu isinzizo lyange, baalyonoona.

Ezekieli 20:39

Musengwa Katonda era akoba ati: “Mperaano imwe Abaisiraeli, oba nga timwenda kumpulira, buli muntu aje agheereze ebisinzibwa bye ebitali nze Katonda. Aye mbalabula obutairayo kwonoona liina lyange eitukuvu, eno nga mumpa ebigheebwayo ate ere nga bwemusinza ebitali nze Katonda.

Ezekieli 23:29

Nga bwe bakukyaye, balikutoolaku byonabyona bye wakolerera, baakuleka ng'oli madu ng'oti malaaya, era ng'ozira kantu naire. Obwenzi bwo n'obwamalaaya bwo,

Ezekieli 23:37

Baakola obwenzi era baatemula. Baakola obwenzi nga basinza ebitali nze Katonda, baaghaayo n'abaana baibwe beene be banzaalira, baabookya ng'emisengo eri ebisinzibwa ebyo.

Ezekieli 23:39

Ku lunaku lwene lwe baitiraku abaana baibwe ni babaghaayo ng'emisengo eri ebisinzibwa byaibwe ebyo, era ni ku lwene olwo lwe baidhiraku mu isinzizo lyange ni balyonoona.

Ezekieli 33:25

“Agho ni bakobere oti nze Musengwa Katonda nkoba nti: Mulya emamba ng'ekaalimu n'omusaayi gwayo, mwasinza ebintu ebisinzibwa ebitali nze Katonda, era mwatemula abantu. Era mwalowooza muti mulitwala ensi eno yaaba yaimwe?

Ezekieli 33:31

Olwo nga baidha y'oli bya bulungi ng'abantu bange, era nga bawulira by'obakoba, aye baaloba kubikola. Booleka nga bwe bali n'okugonza okungi, mu bibono bubono bye boogera. Aye ng'emyoyo gyaibwe giri ku bya kufuna.

Ezekieli 5:11

“Agho ni, nze Musengwa Katonda ndayira nti nga bwendi omulamu, bino bye nkoba ku imwe ab'omu Yerusalemu: mwayonoona eisinzizo lyange nga mulikoleramu ebibi byaimwe byonabyona ebyenhinhalwa. Kale ndibatirimbula, naaloba kusaasiraku naire omulala ati oba okumugemerwa ekivunika.

Danieli 9:18

Wo Katonda wange, tega kutu owulire, era ozibule amaiso obone nga ife bwetulekeibwa obwagho tutyo, n'ekibuga ekyetebwa ekikyo bwe kisigaire obwagho kityo. Tituli kukusaba lwa kuba twakola ebituufu, aye lwa kuba iwe oli n'okusaasira kungi inho.

Hosea 6:9

Ng'ekikuukuulu ky'abanhazi bwe kyeteega omuntu, ni bakabona boona batyo beeyimba, baatemula abantu ku ngira eja mu kifo ekitukuvu e Shekemu. Bwenebwene bakola ebibi ebyo nga bagendereire.

Amosi 4:5

Era mugheeyo emigaati egizimbulukusiibwa ng'omusengo ogw'okwebaza Katonda. Era mulangirire ebigheebwayo byaimwe eby'ekyeyendere okumanhisa buli muntu kuba ekyo mukyenda inho!

Zefania 1:5

Nja kuzikiriza abo abaaniina ghaigulu ku ndhu okusinza ebintu eby'oku igulu, n'abo boonaboona abansinza nze Musengwa Katonda, kabiri ni bamala balayira omusambwa Moleki.

Malaki 3:15

Mu kubona okwaife, abo abeetwala okuba aba ghaigulu n'abafuna enkabi. Era abakozi b'ebibi tibakoma ku bintu kubajiira bukalamu kyonka, aye ni bwe baleba Katonda ghazira kibakolebwaku naire.’ ”

Matayo 23:13

“Mukagwireku Abanamateeka n'Abafarisaayo abakuusa imwe, kuba mwigaliragho abantu Obwakyabazinga obw'omu igulu kuba imwe beene timungira waire okuganha abenda okwingira.” [

Yoanne 13:18

“Aye tiri kwogera ku imwe mwenamwena, ndidhi abo be nalonda. Aye Ebyaghandiikibwa biri n'okutuukirira, ebikoba biti, ‘Omuntu mwene alya ku mugaati gwange n'anfuukiire omuzigu.’

Yoanne 18:28

Obwire nga bwakakya, baatoola Yesu mu ndhu ya Kayafa baamutwala mu kisaagaati ky'omufuzi Omuroma ekyetebwa Puraetorio. Aye beene tibangira mu kisaagaati ekisalirwamu emisango olw'obutenda kwereetaku mbiidhabiidha, basobole okulya ku Kibinuko eky'Okwidhukiriraku Okubitizibwa.