Yeremia 6:6 - Baibuli Ekibono kya Katonda 2014

⁶ Musengwa Katonda Afuga Amagye alagiire bakyabazinga ati: “Muteme emiti gyakyo, mukibungeku emungo ey'eitaka ey'okuniiniraku okukirwanisa. Ekibuga ekyo kiteekwa okubonerezebwa, kuba kiidhwire kutuntuza bantu kwereere.

Yeremia 6:6 ပူးပေါင်းရင်းမြစ်များ

Isaia 37:33

“Bino Musengwa Katonda by'akoba ku kyabazinga w'e Assiria, ati, ‘Taidha kwingira mu kibuga kino, waire okulasaayo akasaale. Taidha kukirumba na ngabo, waire okukibungaku emungo y'eitaka ey'okuniiniraku.

Yeremia 20:8

Buli lwe ndhogera nkaabuka bukaabuke, nalangirira nti: “Ebikolwa eby'obukambwe n'okuzikirira biri kwidha!” Wo Musengwa Katonda, abantu banvuma era bandheeyereza olw'okulangirira obukwenda bwo.

Yeremia 22:17

Aye iwe weemalira mu bya kufuna mu bukyamu byonka, waita abantu abaziraku musango, era waatuntuza abantu b'ofuga n'obukambwe.”

Yeremia 32:24

Bona, Abababilonia babunze ku kibuga emungo ey'eitaka ey'okuniiniraku, nga benda bakirumbe bakigeme. Olw'okuba ghaligho olutalo, n'endhala, n'endwaire ya kawumpuli, Abababilonia abo baidha kusobola okugema ekibuga kino. Era obona nga bye wakoba byonabyona bituukiriire.

Yeremia 32:31

Abantu b'omu kibuga kino bansungughaza ebitaloodheka okuviira irala ekibuga kino lwe baakizimba. Kale nsazeegho okukizikiriza,

Yeremia 33:4

Nze Musengwa Katonda, Katonda wa Isiraeli nkoba nti endhu edh'omu Yerusalemu n'ekisaagaati kya bakyabazinga ba Buyudaaya, bija kumenhebwagho. Nga kino kiidha kuva ku bazigu abaja okubunga emungo dh'eitaka edh'okuniiniraku ekibuga Yerusalemu nga bakirumba.

Yeremia 39:1

Mu mwezi ogweikumi ogw'omwaka ogwomwenda nga Zedekia ni kyabazinga wa Buyudaaya, kyabazinga Nebukadinezzari ow'e Babilonia yaidha n'eigye lye lyonalyona, yaalumba Yerusalemu, yaakizingiza okukyezunguluza.

Yeremia 5:29

Musengwa Katonda akoba ati: “Nsobola ntya obutabonereza bantu abo olw'okukola ebintu ebyo? Era nsobola ntya obuteesasuuliza ku ighanga eryo?

Yeremia 5:9

Musengwa Katonda akoba ati: “Nsobola ntya obutabonereza bantu abo, olw'okukola ebintu ebyo? Era nsobola ntya obuteesasuuliza ku ighanga eryo?

Ezekieli 4:2

Bw'omala, zimba ku kibuga ekyo ekimante eky'okukizingiza, obunge n'emungo dh'eitaka ku kimante ekyo edh'okuniiniraku okukirwanisa. Bw'omala, okisimbeku weema okukyezunguluza edh'abazigu ab'okukirumba, era okisimbeku n'ebintu eby'okukozesa okuwomola ekimante kyakyo.

Ezekieli 5:5

Agho Musengwa Katonda yaakoba ati: “Ekibuga kino Yerusalemu nakita ghagati agh'ensi dhoonadhoona, olwo amaghanga goonagoona gaaba nga gakyezungulwire.

Danieli 11:15

Agho kyabazinga wa Siria aliidha yaabungisa emungo y'eitaka ku kimante ekigumu ekyezungulwire ekibuga, ey'okuniiniraku okukirwanisa, era yaakigema. Abaisirukale ab'omu igye ly'e Misiri baliba tibakaasobola kulwana. Ni bwebaba bale beene abasingiramu irala okulwana, tibaliba na maani gamala kwongera kulwana.

Zefania 3:1

Ekibuga Yerusalemu kikagwireku. Kiidhwire abantu abadheemu, n'aboonooni, n'abatuntuza banaibwe.

Luka 19:43

kuba enaku dhiri kukwidhira abazigu bakusiteku olukomera, bakusibiremu bakuzingize ku ndhuyi dhoonadhoona.