Yeremia 6:4 - Baibuli Ekibono kya Katonda 2014

⁴ Bakyabazinga abo balikoba bati: “Mwetegeke okulwanisa ekibuga ekyo Yerusalemu. Musitukiremu tukirumbe mu kasana ghagati! Aye nga tukagwireku! Olunaku luseeneine, kuba n'ebinsense eby'eigulo biri kuleegha.

Yeremia 6:4 ပူးပေါင်းရင်းမြစ်များ

Yobu 7:2

Ng'omwiru bwe yeegomba okuwuumulaku mu kiwoleeze, era ng'omupakasi bw'asuubira empeera ye,

Olwembo 2:17

Omugonzi wange, kyuka oire, obe eno ng'oti n'empuuli oba empongo ento bw'eba mu nsozi edh'e Betheli, okutuusa obwire bwe bunaakya buli kazikiiza nga kaweereiregho irala.

Yeremia 15:8

Ensi yaimwe nagyongeramu banamwandu bangi, okusinga n'omusenho oguba ku mbali kw'enhandha. Naitira abaisuka baimwe mu maani ghagati, bainhaibwe enaku yaabaluma. Nabasindikira obulumi n'okutya nga tibabyetegekeire naire.

Yeremia 15:9

Omukazi eyazaala abaana omusanvu aziriike, amaani gaamuwaamu. Abona nzikiiza waire nga bukaali musana. Ensoni dhimugemye yaaswala. Abo abaliba nga bakaasigairegho ku imwe, ndibaleka abazigu baabaita. Nze Musengwa Katonda, ninze nkobye.”

Yeremia 5:10

Ndidha kukoba abazigu baibwe nti, ‘Mubitebite mu masamba gaibwe ag'emizabbibu, muje nga mugazikiriza, aye mutagamalaagho. Mukookole ensaga mudhitooleku, kuba ensaga edho ti dhange.’

Yeremia 6:23

Bagemye obulaso n'amafumo, bakambwe era tibasaasira naire. Empindo dhaibwe nga bali ku mbalaasi dhivuuma ng'oti kuwolomboka kwa maadhi ga nhandha. Beetegekeire olutalo, okulwanisa imwe abantu b'omu Yerusalemu.”

Yeremia 8:20

Abantu baalira bati: “Amakungula gaagano gawoireku, n'ebiseera by'endoboozi byona bibise, aye era tukaali kuwonezebwa.”

Yoeli 3:9

Mulangirire kino eyo mu maghanga, muti, ‘Mutegeke olutalo; mwete abalwani ab'amaani, mukobe abaisirukale beesoloze baidhe.

Obadia 1:1

Buno n'obukwenda Musengwa Katonda bwe yatuma Obadia okulanga, nga bugema ku ighanga ly'Abaedomu. Obukwenda bukoba buti: Twawulira amawulire okuva ye Musengwa Katonda. Era ghaligho omukwenda eyatumwa okuja ng'abitabita mu maghanga ng'akoba ati, “Mwetegeke tuje tulumbe Edomu.”

Mika 3:5

Abalanzi abaguya badaaliimya abantu nga basuubiza miraala oyo abagha eky'okulya, ate baalanga okwidha kw'olutalo eri oyo azira ky'abaghaire.

Zefania 2:4

Ekibuga Gaza kija kulekebwa agho kyereere, n'ekibuga Ashikeloni kyona kija kuwolongera. Abantu ab'omu kibuga Ashidodi baja kubingibwamu mu kitundu butundu kya lunaku. N'ekibuga Ekuroni kija kuzikirizibwa.