Yeremia 6:25 - Baibuli Ekibono kya Katonda 2014

²⁵ Ghatabaagho muntu aja mu nimiro, waire atambulatambula mu ngira; kuba abazigu baife bagemye empiima, buli ghantu ghali ntiisa ndhereere.”

Yeremia 6:25 ပူးပေါင်းရင်းမြစ်များ

2 Ebyomubyanda 15:5

Mu biseera ebyo tighaaligho miraala. Ng'omuntu tasobola kutambula n'aja era n'aira nga ghazira kimutuuseeku, kuba ghaaligho obutabanguko kamaala obweraliikirizanga abatyamye boonaboona ab'omu nsi.

Yobu 18:11

Ebimutiisa bimuli ku buli luuyi, bimubingirira buli gh'atoola ekigere.

Zabbuli 31:13

Bwenebwene mpulira abantu kamaala nga boogera obwama; buli ghe nninga mpulira kutya kwereere nga baneegeyaamu, era nga beekobaana okundhita.

Isaia 1:20

Aye bwe munaadheemanga obudheeme, mwidha kwitibwanga bwitibwe. Nze Musengwa Katonda, ninze ndhogeire.”

Yeremia 14:18

Bwentambula ni njaaku eyo mu byalo, mbona mirambo gy'abaitirwa mu lutalo. Bwenhingira mu bibuga, mbona bantu bali kulambuka ndhala. Abalanzi ni bakabona bakola emirimo gyaibwe nga buliidho mu nsi, aye bazira kye baidhi.”

Yeremia 20:10

Mpulira nga boonaboona boogera obwama bati: “Entiisa egemye buli ghantu. Ka tumwogereku bubi, tumuseeghe mu b'obuyinza!” Bakagwa bange beene n'abakoba batyo, nga baguniriire okubona bwe ngwa. Era nga bakoba bati: “Oba katyo tunaamusalira amagezi twamugemya, olwo twamwesasulizaaku.”

Yeremia 30:5

“Nawulira amamiro g'omuntu ali kudhugumira, omuntu atiire einho era azira miraala naire.

Yeremia 4:10

Agho naakoba nti: “Wo Musengwa Katonda waife, walimbalimba abantu bano ab'e Yerusalemu, waabakoba oti, ‘Mwidha kubanga mu miraala,’ ng'ate empiima dhiseese okubasaaniagho!”

Yeremia 4:5

Mulangirire mu Buyudaaya ni mu Yerusalemu, mukobe abantu muti: “Mufuuwe amagwala mu kiketezo ekyo, mwete abantu n'amaani, muti, ‘Mwesoloze, mwidhe tuje tulumukire mu bibuga ebyezungulwirwa ebimante ebigumu.

Yeremia 46:5

Aye Musengwa Katonda yeebuuza ati: “Kiki kye ndi kubona? Batiire inho era bali kwira einhuma! Abalwani baibwe ab'amaani baghangwirwa, baaziinhuuka embiro nga bagwidhubana, aghazira kulinga na inhuma. Era buli ghantu ghali ntiisa ndhereere!

Yeremia 49:29

Munhage weema dhaibwe, n'ensuubo dhaamu, n'ebirimu byonabyona. Mutwale ebyayo byaibwe n'engamiya dhaibwe. Era mukobere abantu muti, ‘Buli ghantu ghali ntiisa ndhereere!’

Yeremia 49:5

Nze Musengwa Katonda Afuga Amagye nkoba nti ndidha kubaleetera okutya okungi nga kubava ku buli luuyi. Mwenamwena mulirumukagho, nga buli muntu ayenda kuwonia bulamu bwe. Era nga ghazira asobola kusoloza bamagye gaimwe kugaiza ghalala.

Yeremia 8:14

Agho abantu ba Musengwa Katonda baakoba bati: “Lwaki tutyaime bwa ghano? Mukole twesoloze, tuje mu bibuga ebyezungulwirwa ebimante ebigumu tufiire eyo. Musengwa Katonda waife atughaireyo tufe. Atughaire amaadhi agalimu eirogo tunhwe, olw'okuba twakola ebibi twamusungughaza.

Yeremia 8:15

Twasuubira okufuna emiraala, aye ghazira kalungi ke twafunamu. Era twasuubira okufuna ekiseera eky'okuwonezebwa, aye bona eno, twafuna bwa bitutiisa.

Okulira 2:22

Wayeta abazigu bange baaneezungulula, ng'oti n'abantu abeesoloiza ku lunaku olw'embaga ey'ekibinuko ekyalagirwa. Era Musengwa Katonda, ku olwo lunaku lwe wasungughaliraku, nga ghazira asobola kukunuuka oba kukuwona. Abazigu bange baazikiriza abaana be nalera ni nkuza.

Ezekieli 21:17

Zeena ndidha kukuba mu ngalo neemaleku obusungu.”

Ezekieli 7:18

Balivaala ekutiya baadhugumira olw'okutya, baamwa emitwe gyaibwe okugimaliriraku enviiri ng'oti mpaata, n'ensoni dhaabagema baaswala.

Luka 19:43

kuba enaku dhiri kukwidhira abazigu bakusiteku olukomera, bakusibiremu bakuzingize ku ndhuyi dhoonadhoona.