Yeremia 6:23 - Baibuli Ekibono kya Katonda 2014

²³ Bagemye obulaso n'amafumo, bakambwe era tibasaasira naire. Empindo dhaibwe nga bali ku mbalaasi dhivuuma ng'oti kuwolomboka kwa maadhi ga nhandha. Beetegekeire olutalo, okulwanisa imwe abantu b'omu Yerusalemu.”

Yeremia 6:23 ပူးပေါင်းရင်းမြစ်များ

Isaia 10:32

Olwaleero omuzigu aidha kuba e Nobu, ali kwesoomera Olusozi Sioni nga yeesumba ekibuga Yerusalemu.

Isaia 13:18

Balikozesa obulaso bwaibwe okutirimbula abaisuka, aghazira kusaasira baana bato, waire okusonigha abaana abaghere.

Isaia 17:12

Ha, wulira abantu abangi nga bwe bali kuwolomboka! Bali kuwolomboka ng'oti nhandha! Ha, wulira empiriito y'amaghanga! Gali kuyoolooka ng'oti n'enhandha eri kwefuukuula!

Isaia 19:4

Ndighaayo Abamisiri abo, naabataaku omufuzi omukakali kaabuluuku; kyabazinga omukambwe yaabafuga. Nze Musengwa Katonda Afuga Amagye ntyo bwe nkobye.”

Yeremia 25:32

Musengwa Katonda Afuga Amagye akoba ati: “Bona, akabi kali kwidhira amaghanga irala ku irala, nga kava ku lino kaaja ku lire. Kiwunga ow'amaani ali kusiikuuka ere eghala ensi y'ekanga.

Yeremia 25:9

‘Bona, nja kwetesa abantu boonaboona ababa ku luuyi olw'omukono omugooda olw'e buvandhuba, era ndhetese n'omugheereza wange Nebukadinezzari kyabazinga w'e Babilonia. Memale mbaleete balwanise abantu b'omu Buyudaaya, n'ab'omu maghanga goonagoona agaliiraine agho. Nja kuzikiriza nsaaniegho eighanga lino Buyudaaya ghalala n'amaghanga agaliiraine agho, mu nsambo etiisa einho, buli muntu ageesimoozenga bwesimooze era agavumirirenga ebyanda n'ebyanda. Nze Musengwa Katonda, ninze nkobye.

Yeremia 30:14

Abo be mwakolagananga nabo baabeerabira tibakaabafaaku naire. Nze nabalumba imwe ng'oti ndi bwa muzigu waimwe, naababonereza aghazira kusaasira naire, olw'ebibi byaimwe ebingi n'olw'emisango gyaimwe egitaloodheka.

Yeremia 4:13

Bona, abazigu baabale bali kwidha ng'oti bire. Ebigaali byaibwe eby'omu lutalo birumuka ng'oti mpewo eyeezungulula n'amaani bw'eidha; n'embalaasi dhaibwe dhiziinhuuka okusingaku n'enkookooma. Tukagwireku ife era tuzikiriire!

Yeremia 4:16

Baidhie okulabula amaghanga n'okukobera ab'omu Yerusalemu, bati: “Musengwa Katonda akoba ati abazigu bali kwidha nga bava mu nsi ey'eghala. Balirangirira olutalo ku bibuga bya Buyudaaya.

Yeremia 4:29

Abantu b'omu bibuga oluliwulira empindo dh'abavuzi b'embalaasi n'edh'abalasa obusaale, ng'olwo boonaboona balumukamu. Abandi balyekuba mu bibira, ate abandi baniina ghaigulu mu gabaalebaale. Ebibuga byonabyona birisigala bwagho bityo nga biziramu bantu naire.

Yeremia 5:16

Abantu b'omu ighanga eryo boonaboona balwani ba maani, era ebiruutu bye bataamu obusaale bwaibwe bitiisa ng'oti magombe masime.

Yeremia 50:41

Bona, ghaligho abantu abaliidha nga bava mu nsi eri ku luuyi olw'omukono omugooda olw'e buvandhuba; eighanga ery'amaani ni bakyabazinga kamaala baliva eghala einho beetegekera okulwana olutalo.

Yeremia 50:42

Baligema obulaso n'empiima, nga bakambwe era nga tibasaasira naire. Empindo dhaibwe nga bali ku mbalaasi dhirivuuma ng'oti kuwolomboka kwa maadhi ga nhandha. Balyetegekera olutalo, okulwanisa imwe abantu b'omu Babiloni.

Yeremia 6:4

Bakyabazinga abo balikoba bati: “Mwetegeke okulwanisa ekibuga ekyo Yerusalemu. Musitukiremu tukirumbe mu kasana ghagati! Aye nga tukagwireku! Olunaku luseeneine, kuba n'ebinsense eby'eigulo biri kuleegha.

Yeremia 8:16

Abazigu baife bamaze okutuuka mu kibuga ky'e Dani. Embalaasi dhaibwe tudhiwulira nga dhiri kugufula, era nga dhiri kukuba emyasi, n'ensi yoonayoona yaadhugumira. Abazigu baife bali kwidha okuzikiriza ensi yaife n'ebigirimu byonabyona, era bazikirize ebibuga byaife n'abantu ababirimu boonaboona.”

Ezekieli 21:31

Ndibamaliraku obusungu bwange, ekiruyi kyange kyabatumbukiraku ng'oti muliro, era naabaghaayo mu ngalo edh'abantu abakambwe ng'oti nsolo, abali n'obumanhirivu mu kuzikiriza.

Amateeka Agokubiri 28:49

Musengwa Katonda alibasindikira abantu ab'eighanga erindi, aboogera olulimi lwe mutategeera. Abantu abo alibatoola ku nkomerero y'ensi, baabalumba nga baziinhuuka ng'oti n'enkookooma bw'eziinhuuka.