Yeremia 6:21 - Baibuli Ekibono kya Katonda 2014

²¹ Kale ni ndidha kubateera ebitimuguunha mu ngira, beekontole okwo bagwe. Abazaire ghalala n'abaana baibwe, bakagwa baibwe ni baliraanwa baibwe, baja kuzikirira.”

Yeremia 6:21 ပူးပေါင်းရင်းမြစ်များ

2 Ebyomubyanda 36:17

Agho Musengwa Katonda yaaleeta kyabazinga w'e Babilonia okwidha okubalwanisa, yaitira abaana baibwe abaakaisuka ni mu isinzizo mwene, aghazira kusaasira muntu waire omulala k'abe mukulu oba muto, musaadha oba mukazi, mulamu oba mulwaire. Musengwa Katonda yaabaghaayo boonaboona mu ngalo edh'abazigu.

Isaia 8:14

Ninze ekifo ekitukuvu mwe muliwonera. Aye ab'omu bwakyabazinga bwombi, obwa Isiraeli n'obwa Buyudaaya, nga kw'otaire n'abatyamye b'omu Yerusalemu, ndibafuukira eibaale kwe beekontola n'ekitimuguunha kwe beeguunha ni bagwa, era naabafuukira olutuula olubagemya.

Isaia 8:15

Bwenebwene bangi abalineeguunhaku ni bagwa, ni bategebwa olutuula ni lubagemya.”

Yeremia 13:14

Memale mbakontaganie buli muntu ku mwine, k'abe omuto oba omukulu. Nga ghazira kusaasira, oba okusonigha, waire okugemerwa omuntu ekivunika, aye okutoolaku okubazikiriza obuzikirize.”

Yeremia 13:16

Mughe Musengwa Katonda waimwe ekitiisa ng'akaali kuleeta nzikiiza ni mwekontola ku nsozi. Era nga n'obutangaavu bwe mwasuubira akaali kubufuula nzikiiza eri bedimudimu.

Yeremia 18:21

Wo Musengwa Katonda, kale ni leka abaana baibwe balambuke endhala bafe, obaleke bafiire mu ntalo. Abakazi baibwe ka babuleku abaana era babe banamwandu. Abasaadha ka bafe endwaire ya kawumpuli, abaisuka baitibwe mu ntalo.

Yeremia 18:23

Aye iwe Musengwa Katonda oidhi enkwe dhaibwe dhoonadhoona edh'okwenda okundhita. Otabasonigha kwonoona kwaibwe, waire okusasaagho ebibi byaibwe n'obyerabira. Batandigire ekigwo ghansi obaghangule, obakoleku n'obusungu bwo.”

Yeremia 21:7

Aye iwe Zedekia, n'abakungu bo, n'abantu abandi abaliwona olutalo n'endwaire eyo n'endhala, nja kubalekera kyabazinga Nebukadinezzari n'abazigu baimwe abandi abendanga okubaita, babageme. Nebukadinezzari oyo aja kubaita aghazira kusonigha waire okusaasira. Nze Musengwa Katonda, ninze nkobye.’ ”

Yeremia 8:12

Bandibaire baswalanga nga bakoze ebyenhinhalwa! Aye busa naire, tibaswala waire akatono kati. N'ensoni tidhibagemaku naire. Kale ni kyebaliva ni baghangulwa ng'oti n'abandi bwe baaghangulwa, era ni bazikirira lwe ndiidha okubonereza. Nze Musengwa Katonda, ninze nkobye.”

Ezekieli 3:20

“Ate omuntu akola ebituufu bw'akyuka n'ava ku kukola ebituufu n'akola ebibi, era zeena ni mmuleka obuleke yeekontole agwe, omuntu oyo bw'otalimulabula aja kufiira mu bibi bye. N'ebikolwa ebirungi by'aliba akoze tija kubiraadha naire. Ate omusango ogw'okufa kwe ndiguta ku iwe.

Ezekieli 5:10

Abazaire b'omu Yerusalemu balirya abaana baibwe, n'abaana baalya abazaire baibwe. Ndibasalira imwe omusango gwabasinga naababonereza, era naasansaaniza ku ndhuyi dhoonadhoona abo abaliba basigairegho nga balamu.

Abalevi 26:37

Banaaniinaganangaku beene na beene, nga ghazira ali kubabingirira, era tibaabengaku na muzigu ye basobola kulwanisa.

Ab'e Roma 11:9

Era Daudi akoba ati: “Ebibigiya byaibwe leka bibafuukire omutego n'eigu ebibagemya; bibafuukire ekitimuguunha, era babonerezebwe.

Ab'e Roma 9:33

nga bwe kyaghandiikibwa kiti: “Bona ndi kuta mu Sioni eibaale eryekontolwaku abantu, olubaale olulibagwisa. Aye kiisi aikiriza oyo taliswazibwa.”

1 Petero 2:8

Era biti: “Lino n'eibaale abantu kwe beekontola ni bagangalima, olubaale lwe beeguunhaku ni bagwa.” Bagangalima kuba tibaikiriza kibono, kye kikoba era atyo Katonda bwe yabategekera.