Yeremia 6:2 - Baibuli Ekibono kya Katonda 2014

² Waire ng'ekibuga Sioni kirungi inho, aye era ndidha kukizikiriza.

Yeremia 6:2 ပူးပေါင်းရင်းမြစ်များ

Isaia 1:8

Ekibuga Sioni kisigaire agho kityo ng'oti n'ekibuga kye bazingiiza, kiri ng'oti n'entindi eyeewolookereire mu isamba ly'emizabbibu, era ng'oti n'ekigangu kye bakuumiramu enimiro y'amaliibwa.

Yeremia 4:31

Mpuliire okusinda ng'oti n'okw'omukazi ali kulumwa okuzaala, era naawulira okwana ng'oti n'okw'omukazi ali kuzaala omwana we omuberi. Okwo n'okulira kwa Yerusalemu ali kusika omuuka nga tigwidha, n'ayandhuluza emikono ng'akoba ati: ‘Nkagwireku nze! Abatemo bali kwenda kundhita!’”

Okulira 2:1

Ha, Musengwa asungughaire era yeesoomeire okubonereza ekibuga Sioni! Ebintu byamu abantu bye baatwalanga okuba eby'omughendo, abiswire ghansi ng'oti bikaba. Waire ng'ekibuga ekyo n'ekibaire ekityamo eky'obwakyabazinga bwe, Musengwa oyo akirekuliire agho olw'okuba asungughaire.

Okulira 2:13

Abantu ab'e Yerusalemu, imwe be ngonza oti ki, nkobe ki? Mbageze ku ki? Mbafaananie ki imwe, ekinaabaleetera okusaasirwa? Okuzikirizibwa kwaimwe tikwakukoma oti n'amaadhi ag'enhandha agaidha ni gaabeeyaagho obweye; ghazira aghanga kwizaagho bintu byazikirizibwa.

Okulira 4:5

Abo abaalyanga ebiiwulo ebigwanira okuliibwa bakyabazinga, buti balambukira ku nguudo edh'ekibuga; n'abo abaakuzibwa ng'abaana b'abakombe, buti obaagaana nga bali kwebuguya ku mmungo dh'ebikaba.

Amateeka Agokubiri 28:56

Omukazi ow'empisa enkalamu era omwegendereza einho, ataganha na kuniina kigere ku itaka olw'okuba ow'ekitiisa era omukombe, alitungulira iba y'agonza einho amaiso era yaagatungulira n'abaana be,