Yeremia 6:18 - Baibuli Ekibono kya Katonda 2014

¹⁸ Agho Musengwa Katonda yaakoba ati: “Muwulirise imwe amaghanga, imwe abantu abeesoloiza mumanhe ekija okutuuka ku bantu bange.

Yeremia 6:18 ပူးပေါင်းရင်းမြစ်များ

Isaia 5:3

Mukagwa wange oyo mperaano akoba ati: “Kale ni, imwe abatyamye b'omu Yerusalemu n'ab'omu Buyudaaya, mbasaba mutusalire omusango ghagati ghange n'eisamba lyange eryo ery'emizabbibu.

Yeremia 31:10

Musengwa Katonda akoba ati: “Imwe amaghanga mumpulirise, era mulangirire bye nkoba mubituuse mu biketezo eby'oku nhandha ebiri eghala, muti, ‘Musengwa Katonda mwene n'eyasansaania abantu be. Era mwene oyo n'alibasoloza, n'abakuuma ng'omwayi bw'akuuma ebyayo bye.’

Yeremia 4:10

Agho naakoba nti: “Wo Musengwa Katonda waife, walimbalimba abantu bano ab'e Yerusalemu, waabakoba oti, ‘Mwidha kubanga mu miraala,’ ng'ate empiima dhiseese okubasaaniagho!”

Yeremia 4:16

Baidhie okulabula amaghanga n'okukobera ab'omu Yerusalemu, bati: “Musengwa Katonda akoba ati abazigu bali kwidha nga bava mu nsi ey'eghala. Balirangirira olutalo ku bibuga bya Buyudaaya.

Yeremia 6:17

Agho Musengwa Katonda yaabateeragho abakuumi, yaabakoba ati: “Muwulirise eigwala bwe banaalifuuwa okubalabula.” Aye baakoba bati: “Titwidha kuwulirisa.”

Yeremia 6:19

Iwe ensi wulira. Ndidha kuleeta akabi ku bantu bano, olw'entegeka dhaibwe edh'olugezigezi dhe bayiiya; kuba baaloba okuwulira bye mbakoba, era baaloba okugondera amateeka gange.

Mika 6:5

Bantu bange, mwidhukire Balaki Kyabazinga w'e Moabu bye yali ategeike okubakola, era ni Balaamu mutabane wa Beora bye yamwiramu. Era mwidhukire ebyali mu ngira nga muva e Shittimu nga muja e Giligali. Bwe munaidhukira ebyo byonabyona munaategeera bye nkola okubalokola.”