Yeremia 6:15 - Baibuli Ekibono kya Katonda 2014

¹⁵ Bandibaire baswalanga nga bakoze ebyenhinhalwa! Aye busa naire, tibaswala waire akatono kati. N'ensoni tidhibagemaku naire. Kale ni kyebaliva ni baghangulwa ng'oti n'abandi bwe baaghangulwa, era ni bazikirira lwe ndiidha okubonereza. Nze Musengwa Katonda, ninze nkobye.”

Yeremia 6:15 ပူးပေါင်းရင်းမြစ်များ

Amainhama 19:34

Olunaku olwairaku, omughala omukulu yaakoba muke we ati: “Nze nabaire naye obwire. Ka tumutamiize kabiri obwire buno, weena obe naye memale olwo tuzaale naye abaana.”

Okuvaayo 32:34

Aye iwe ja okulembere abantu obatuuse mu kifo ekyo kye nakukoba. Era, bona eno, malaika wange aidha kukukulembera. Aye era ekiseera kiidha kutuuka mbabonereze olw'ekibi kyaibwe ekyo.”

Ensambo 29:1

Omuntu ye banenia emikuzi kamaala ng'ayongera bwa kukalambalira mu nsobi, mu kaseera buseera balimutentena nga takairayo kuwona.

Isaia 10:4

Muliba nga muzira kindi kya kukola okutoolaku okutwalibwa mu busibe, oba okwitibwa mu lutalo. Aye waire ng'ebyo bimaze okubaagho, obusungu bwe bwidha kusigala nga bukaaligho. Era asigale ng'akaagalwire omukono gwe okubabonereza.

Isaia 3:9

Okuboolagana kwaibwe kwene kubalumiriza omusango; ebibi byaibwe babikolera gheeru ng'oti n'abe Sodoma, tibabigisaaku naire. Bakagwireku! Kuba beereeseeku beene akabi.

Yeremia 14:15

Agho ni, nze Musengwa Katonda ka nkukobere kye nja okukola abalanzi abo be ntatumangaku, aye ate ni balanga mu liina lyange nga bakoba mbu tighaja kubaagho lutalo waire endhala mu nsi eno: Ndidha kubazikiriza mu lutalo era mbasindikire endhala ebaite.

Yeremia 18:23

Aye iwe Musengwa Katonda oidhi enkwe dhaibwe dhoonadhoona edh'okwenda okundhita. Otabasonigha kwonoona kwaibwe, waire okusasaagho ebibi byaibwe n'obyerabira. Batandigire ekigwo ghansi obaghangule, obakoleku n'obusungu bwo.”

Yeremia 23:12

Kale ni baidha kubanga ng'oti n'abatambulira mu nzikiiza mu ngira etyerera, batyererenga omwo bagwe. Nja kubatuusaaku akabi, kuba ekiseera kyaibwe eky'okubonerezebwamu kiri kwidha. Nze Musengwa Katonda, ninze nkobye.

Yeremia 3:3

Amaadhi amasambya kye gaviire ni gatagwa, n'amatoigo goona ni gasibibwa. Aye ate mwekazakaza mu maiso nga bamalaaya beene, mwaloba na kuswala.

Yeremia 44:10

Aye ni ye buli eno timwegangaku kwewombeeka mu maiso gange, waire okuntya, oba waire okwebisa nga mujiira ku mateeka ge nabagha, imwe ni badhaadha baimwe.

Yeremia 5:29

Musengwa Katonda akoba ati: “Nsobola ntya obutabonereza bantu abo olw'okukola ebintu ebyo? Era nsobola ntya obuteesasuuliza ku ighanga eryo?

Yeremia 5:9

Musengwa Katonda akoba ati: “Nsobola ntya obutabonereza bantu abo, olw'okukola ebintu ebyo? Era nsobola ntya obuteesasuuliza ku ighanga eryo?

Yeremia 8:12

Bandibaire baswalanga nga bakoze ebyenhinhalwa! Aye busa naire, tibaswala waire akatono kati. N'ensoni tidhibagemaku naire. Kale ni kyebaliva ni baghangulwa ng'oti n'abandi bwe baaghangulwa, era ni bazikirira lwe ndiidha okubonereza. Nze Musengwa Katonda, ninze nkobye.”

Yeremia 8:9

Abagezi baidha kuswazibwa, batye inho era baweemu n'amaani; kuba baaloba okwikiriza ebibono byange nze Musengwa Katonda. Kale agho magezi ki ge bali nago?

Ezekieli 13:14

Ndimenhagho ekimante ekyo kye baasiigaku langi endheru, naakisuulira irala ku itaka, n'omusingi gwakyo gwaira ku ngulu. Kiribagwaku baazikirira ghalala nakyo, olwo baamanha nga ninze Musengwa Katonda.

Ezekieli 2:4

Bali n'empwitu era tibantaamu kanhagansi naire. Kale ndi kukutuma ye bali, obakobere nze Musengwa Katonda bye ndi kubakoba.

Ezekieli 24:7

Omusaayi ogw'abantu be baatemula gukaali mu kibuga ekyo. Tibaaguyugha mu nkungu n'egughembaku. Aye baaguyugha bwa ku lubaale lwereere.

Hosea 4:5

Imwe bakabona mugwa mu nsobi omusana n'obwire, n'abalanzi boona baakola n'ekirala ng'oti niimwe. Kale ni ndizikiriza Isiraeli inhaimwe.

Hosea 9:7

Ekiseera eky'okubonerezebwa kituuse, ekiseera ekya buli muntu okufuna ekimusaana. Mulikoba muti: “Omulanzi ono musiru,” era muti: “Omuntu ono aliku omwoyo gwa Katonda, mulalu.” Mukoba mutyo, kuba ebibi byaimwe bingi inho, n'obukyayi bwe muli nabwo bubitirivu.

Mika 3:6

Musengwa Katonda akoba abalanzi abo ati: “Abalanzi imwe, obwaimwe buli kuziba, endhuba eri kugwa! Olw'okuba mudaaliimya abantu bange, timukaayolekerwa, era timukaasobola kulanga kintu ni kituukirira.”

Mika 7:4

N'omuntu oyo atwalibwa okuba nga n'abasingamu obulungi n'obwesigwa, yeena muzira makulu ng'oti n'eisubi erizira muganhulo. Aye ekiseera kituuse Katonda ababonereze, nga bwe yabalabula ng'abita mu balanzi, abantu baibwe, ababalengeza ku bija okubaagho. Buti basobeirwa!

Zefania 2:1

Imwe eighanga eriziramu nsoni mwenenie era mweireku,

Zefania 3:5

Aye Musengwa Katonda ali mu kibuga omwo, era akola bituufu byonka, takola kibi. Buli nkyo, aghazira kwosaamu, ayoleka ng'aziramu kwekubira. Aye abatenda kujiira ku mazima tibabaamu na nsoni, bongera kukola bibi.

Zekaria 13:4

Mu kiseera ekyo, buli mulanzi okubonekerwa kwe kulimugemya ensoni, yaatya n'okukola obulanzi, waire okuvaala ekivaalo eky'obuviiri okulimbira okwo abantu.

Matayo 15:14

Mubaleke abo abatulu abakulemberamu batulu banaibwe ate nga omutulu bw'akulemberamu mutulu mwine, bombi bagwa mu kiina.”

Ab'e Filippi 3:19

Ekirisembayo eky'abantu abo kuliba kuzikirira, kuba katonda ye basinza, n'enda dhaibwe. Beesaaka olw'ebyo ebyandibaswaziiza era balowooza bya ku nsi kuno byonka.