Yeremia 6:13 - Baibuli Ekibono kya Katonda 2014

¹³ kuba okuviira irala ku basembayo ghansi okutuukira irala ku babbede beene, boonaboona bagwidhubanira bya kufuna mu bukyamu. Waire abalanzi ni bakabona, boona bakupankupania.

Yeremia 6:13 ပူးပေါင်းရင်းမြစ်များ

Isaia 28:7

Bakabona n'abalanzi boona omwenge guboonoine, baatuuka n'okutagala olw'obutamiivu. Abalanzi tibakaategeera ebibalagibwa mu kubonekerwa, ni bakabona tibakaasala bukalamu nsonga dha bantu.

Isaia 57:17

Abantu abo nabasungughalira olw'ebibi byaibwe n'okwegomba kwaibwe okubi. Kye nava ni mbabonereza era ni mbalekulira agho nga tikaabalingaku naire. Aye beene beeyongera okunvaaku, era beekalangulira mu mpisa dhaibwe embi.

Yeremia 14:18

Bwentambula ni njaaku eyo mu byalo, mbona mirambo gy'abaitirwa mu lutalo. Bwenhingira mu bibuga, mbona bantu bali kulambuka ndhala. Abalanzi ni bakabona bakola emirimo gyaibwe nga buliidho mu nsi, aye bazira kye baidhi.”

Yeremia 17:11

Omuntu afuna eby'obukombe mu bukupankupania, aba ng'oti n'enhonhi egonera amagi g'etaabiika; kuba eby'obukombe ebyo bimuwaaku mangu ng'akaali na kukairigha, olwo ku nkomerero ya byonabyona yaasigala agho nga musiru.

Yeremia 2:26

Musengwa Katonda akoba ati: “Ng'omwibi bw'aswala nga bamugemye, mwena Abaisiraeli mutyo bwe muliswala aghalala ni bakyabazinga baimwe, n'abakungu baimwe, ni bakabona baimwe, n'abalanzi baimwe.

Yeremia 2:29

Musango ki gwe muunumiriza? Lwaki mwenamwena mundheemeire?

Yeremia 2:8

Bakabona baaloba naire okwebuuzaaku bati, ‘Musengwa Katonda ali gha?’ N'abanamateeka boona baaloba okuumanha. Abafuzi bandheemera, abalanzi baalanga mu liina ly'omusambwa Baali, baajiira ku bintuntu ebiziramu makulu.”

Yeremia 22:17

Aye iwe weemalira mu bya kufuna mu bukyamu byonka, waita abantu abaziraku musango, era waatuntuza abantu b'ofuga n'obukambwe.”

Yeremia 23:10

Ensi eidhwire abantu abatali beesigwa eri Musengwa Katonda. Bakola ebibi era baakozesa bubi obuyinza bwaibwe. Ensi erira bulire, n'eisubi lyakala mu byayiro, olw'ekikolimo kya Musengwa Katonda.

Yeremia 23:11

Musengwa Katonda era akoba ati: “Abalanzi ni bakabona tibatya Katonda era nabaagaana nga bakola ebibi ni mu isinzizo mwene.

Yeremia 27:15

Musengwa Katonda mwene akoba ati tabatumangaku, kale ni bye balanga mu liina lye bya buguya. Era birireetera Musengwa Katonda oyo okubabinga imwe mu nsi yaimwe, mwaja mwazikiririra eyo ghalala n'abalanzi abo ababaguya.”

Yeremia 32:32

olw'ebibi byonabyona abantu b'omu Isiraeli n'ab'omu Yerusalemu bye baakola. Baakola ebibi ghalala ni bakyabazinga baibwe, n'abakulembeze baibwe, ni bakabona baibwe, era n'abalanzi baibwe.

Yeremia 42:1

Agho abakulu ab'ebikunsu eby'abaisirukale boonaboona, ni Yohanani mutabane wa Karea, ni Azaria mutabane wa Hoshaia, n'abantu abandi boonaboona okuviira irala ku basembayo ghansi okutuukira irala ku babbede beene, baidha

Yeremia 5:31

Abalanzi balanga bya buguya, ni bakabona bafuga nga bajiira ku balanzi bye balagira, n'imwe abantu bange mwena mwaloba kukitakaniaku naire. Aye mulikola ki ng'enkomerero etuuse?”

Yeremia 8:10

Kye ndiva ni mbatoolaku bakazi baibwe ni mbagha abasaadha abandi, n'emisiri gyaibwe ni ngigha abantu abandi; kuba okuviira irala ku basembayo ghansi okutuukira irala ku babbede beene, boonaboona bagwidhubanira bya kufuna mu bukyamu. Waire abalanzi ni bakabona, boona bakupankupania.

Okulira 4:13

Aye ekyo kyabaagho olw'ebibi eby'abalanzi baamu, n'olw'okwonoona okwa bakabona baamu, abaakiitirangamu abantu abatuufu.

Ezekieli 22:12

Era mu iwe mulimu abagulirirwa okutemula abantu. Mwabaamu abawola banaibwe olw'okubafunaku amagoba olwo beene beeyongere okuba abakombe. Era mwabaamu n'abatoola ebintu bya banaibwe mu kukupankupania. Abantu abo baaneerabira ira.” Musengwa Katonda atyo bw'akoba.

Ezekieli 33:31

Olwo nga baidha y'oli bya bulungi ng'abantu bange, era nga bawulira by'obakoba, aye baaloba kubikola. Booleka nga bwe bali n'okugonza okungi, mu bibono bubono bye boogera. Aye ng'emyoyo gyaibwe giri ku bya kufuna.

Mika 3:11

Abakulembeze baamu bagulirirwa nguzi memale baalamula. Bakabona baamu tibeegeresa mateeka ga Katonda okutoolaku nga bapangisiibwa. Era waire abalanzi baamu, boona bamala kugheebwa mpiiya memale baakoba okwolekebwa kwaibwe. Ate nga boonaboona beefuula okuba nga beesigama ku Musengwa Katonda, era baakoba bati: “Ghazira kabi koonakoona kaja kututuukaku kuba Musengwa Katonda ali n'ife.”

Mika 3:5

Abalanzi abaguya badaaliimya abantu nga basuubiza miraala oyo abagha eky'okulya, ate baalanga okwidha kw'olutalo eri oyo azira ky'abaghaire.

Luka 16:14

Mperaano Abafarisaayo, kuba baali benda inho eby'obukombe, bino byonabyona baabiwulira aye baamusekerera.

1 Timotheo 3:3

Ateekwa okuba nga ti mutamiivu, ti mukambwe, aye nga muwombeefu atakanamuka, era azira mairu ga kufuna.

2 Petero 2:1

Nga bwe ghaaligho abalanzi abaguya mu bantu ba Katonda, ni mu imwe mulibaamu abeegeresa abaguya. Balyeibirira, baayegeresa ebikiidhamya Obukurisito era ebireeta okuzikirira. Era balyegaana Musengwa eyabanunula, beereetera okuzikirira amangu.

2 Petero 2:3

Era olw'amairu gaibwe ag'okufuna, balifuna mu imwe amagoba nga bakozesa ebibono eby'obuguya. Katonda yamala ira okubasalira omusango, era aja kubazikiriza nga bwe yategeka.