Yeremia 6:12 - Baibuli Ekibono kya Katonda 2014

¹² Abantu abandi n'abalitwala endhu dhaibwe, okwo nga kw'otaire emisiri gyaibwe ni bakazi baibwe. Nja kugolola omukono mbonereze abantu boonaboona ababa mu nsi eno,

Yeremia 6:12 ပူးပေါင်းရင်းမြစ်များ

1 Ebyomubyanda 21:16

Daudi yaja okulinga ati, ng'abona malaika wa Musengwa Katonda ayemereire ghagati gh'ensi n'eigulu, ng'asowoire empiima mu kiruutu kyayo yaagigema mu ngalo, era yaagigololera ku Yerusalemu. Agho Daudi n'abakulembeze b'abantu, baakuba amakiryaivu era baakutama n'ebyeni byatuuka ku itaka, nga bavaire ekutiya olw'okunakughala.

Isaia 10:4

Muliba nga muzira kindi kya kukola okutoolaku okutwalibwa mu busibe, oba okwitibwa mu lutalo. Aye waire ng'ebyo bimaze okubaagho, obusungu bwe bwidha kusigala nga bukaaligho. Era asigale ng'akaagalwire omukono gwe okubabonereza.

Isaia 5:25

Obusungu bwa Musengwa Katonda butumbukiire ku bantu be ng'oti muliro, era agalwire omukono gwe okubabonereza. Ensozi dhiidha kutengeeta, n'emirambo gy'abo abaitiibwa gisigale agho mu nguudo dh'ebibuga ng'oti bikaba. Aye waire ng'ebyo bimaze okubaagho, obusungu bwe bwidha kusigala nga bukaaligho. Era asigale ng'akaasitwire omukono gwe okubabonereza.

Isaia 9:12

Abasiria baliva e buvandhuba n'Abafilisiti baava e bugwandhuba, baayasamya eminwa gyaibwe okumira Isiraeli. Aye waire ng'ebyo bimaze okubaagho, obusungu bwa Musengwa Katonda oyo bulisigala nga bukaaligho. Era alisigala ng'akaagalwire omukono gwe okubabonereza.

Isaia 9:17

Kale ni, Musengwa Katonda talireka abaana baibwe abaakaisuka kuwonagho, waire okusaasira banamwandu baibwe oba abaana baibwe bamulekwa; kuba abantu boonaboona tibatya Katonda, bakola ebibi era boogerayogera eby'ekisiru. Aye waire ng'ebyo bimaze okubaagho, obusungu bwe bwidha kusigala nga bukaaligho. Era asigale ng'akaagalwire omukono gwe okubabonereza.

Isaia 9:21

Abamanasse n'Abaefuraimu balirwanagana beene na beene, ate baamala beeyimba okulwanisa ab'ekika kya Yuda. Aye waire ng'ebyo bimaze okubaagho, obusungu bwe bwidha kusigala nga bukaaligho. Era asigale ng'akaagalwire omukono gwe okubabonereza.

Yeremia 15:6

Imwe mwanvaaku, mwaja mu bye mwalimu eira. Kale zeena n'okugolola omukono ni mbazikiriza; kuba nkooye okubasaasiranga.

Yeremia 21:5

Nze mwene nja kukulwanisa n'amaani gange goonagoona, mu busungu obubitirivu, n'ekiruyi era n'obukambwe.

Yeremia 38:22

Mu kubonekerwa okwo nabona abakazi boonaboona abaali basigaire mu kisaagaati kya kyabazinga wa Buyudaaya, ng'abaisirukale bali kubatwalira abakungu ba kyabazinga w'e Babilonia. Era nga bali kuja bwe bakoba bati, ‘Bakagwa ba kyabazinga be yeesiganga n'abaamubuzaabuza, baamuwubisawubisa; mpegaano bwe baboine ng'atubiire mu bitosi bamulekuliire bw'agho.’ ”

Yeremia 38:23

Agho naayongeraku kino nti: “Abaisirukale baja kutoola bakazi bo boonaboona n'abaana bo, babatwale e Babilonia. N'iwe mwene toja kubawona, baja kukugema bakugheeyo eri kyabazinga w'e Babilonia, n'ekibuga kino bakyokye omuliro.”

Yeremia 7:20

Kale ni bona eno, obusungu bwange n'ekiruyi kyange ndidha kubimalira ku kifo kino, ni ku bantu, ni ku nsolo, ni ku miti, ni ku birime, ng'oti n'omuliro omuntu gw'atasobola kuzikiza.”

Yeremia 8:10

Kye ndiva ni mbatoolaku bakazi baibwe ni mbagha abasaadha abandi, n'emisiri gyaibwe ni ngigha abantu abandi; kuba okuviira irala ku basembayo ghansi okutuukira irala ku babbede beene, boonaboona bagwidhubanira bya kufuna mu bukyamu. Waire abalanzi ni bakabona, boona bakupankupania.

Okulira 2:8

Musengwa yasalagho nga mumalirivu okuzikiriza ekimante ekyezungulwire ekibuga Sioni. Yasooka kukipima n'oluwuuzi olupima, ghabule akasigalagho nga tikamenheibwa. Yakizikiriza n'omukono gwe gwene, ng'obona ebituuti ebirengererwaku n'ebimante ebyali byezungulwire ekibuga nga biri ng'oti biri kulira maziga, era byaba agho bityo nga gabiwoire.

Okulira 3:3

Bwenebwene yanfunta ebifunsi n'omukono gwe olunaku lwonalwona, ng'aziramu na kusaasira.

Okulira 5:11

Abazigu abo baagema abakazi baife n'abaghala abaguna baabakaka, mu Sioni era ni mu bibuga ebindi eby'omu Buyudaaya.

Okulira 5:2

Ebintu ebyaife bye twagheebwa, kabiri byamala byagheebwa bantu bandi be tutaidhi; abantu abamaghanga agandi buti n'abali mu ndhu dhaife.

Okulira 5:3

Abazigu abo baatwitaku balata baife, twafuuka bamulekwa; ate bakaire baife baafuuka banamwandu.

Ezekieli 35:3

Lukobe oti nze Musengwa Katonda, ndi kulukoba nti: Bona eno iwe olusozi Seiri, nze buti nfuuse muzigu y'oli. Era ndigolola omukono gwange naakubonereza, naakuleetera okusigala agho otyo ng'oli bifulukwa byereere omutaba bantu.

Ezekieli 7:24

ndireeta amaghanga agasingayo okuba amabi einho gaatwala endhu dhaimwe, dhaafuuka dha bantu baago. Ndinafuya abalwani baimwe ab'amaani, naaleetera amaghanga ago okwonoona ebifo byaimwe ebitukuvu.

Mika 2:4

Olunaku olwo bwe lulituuka, abantu balibayiiyaamu olwembo olw'okubayeeyereza, era beeriza amaziga nga bakoba bati: Ee, ebintu nga bitufiiririire! Musengwa Katonda atutoireku eitaka lyaife, yaaligabira abo abaatutwala mu bunhage.”

Zefania 1:13

Eby'obukombe byaibwe bija kunhagibwa, n'endhu dhaibwe dhimenhebwegho. Waire bali kuzimba endhu, aye tibaja kudhisulamu. Waire bali kusimba amasamba ag'emizabbibu, aye tibaja kunhwa ku mwenge gwa mizabbibu guva mu masamba ago.”

Zefania 1:4

“Nja kubonereza abantu ab'omu Yerusalemu boonaboona n'abo ababa mu Buyudaaya mwonamwona. Era nja kuzikiriza abasinza omusambwa Baali boonaboona abakaasigairegho, n'amaina aga bakabona abamugheereza goonagoona geerabirirwe irala.