Yeremia 6:10 - Baibuli Ekibono kya Katonda 2014

¹⁰ Nze nairamu nti: “Ni baani be nnaayogera nabo ni bampulirisa mbalabule? Baakalangusa emyoyo gyaibwe, tibenda kuwulira by'okoba. Obukwenda bw'ontuma okubakobera babusekerera, baaloba kubusanhukira naire.

Yeremia 6:10 ပူးပေါင်းရင်းမြစ်များ

Zabbuli 1:2

Aye ng'asangaalira mu Mateeka ga Musengwa Katonda, era yaagasoma yaageekalirisa omusana n'obwire.

Zabbuli 119:16

Ndidha kubanga musangaavu okukola iwe by'olagira, era tyerabirenga kibono ky'onkobye.

Zabbuli 119:174

Wo Musengwa Katonda, neegomba inho ondokole, era mba musangaavu okugema amateeka go.

Zabbuli 119:24

Mba musangaavu okukola nga bw'onkoba, kuba by'onkoba n'ebimpa amagezi.

Zabbuli 119:35

Nhamba okwebisa ng'ebiragiro byo bwe bikoba, kuba mba musangaavu okukola nga bwe bikoba.

Zabbuli 119:70

Abantu abo baziramu kategeera naire, aye nze mba musangaavu okujiira ku mateeka go.

Zabbuli 119:77

Nsaasira ompe obulamu, kuba mba musangaavu okujiira ku mateeka go.

Zabbuli 40:8

Wo Katonda wange, nhenda inho okukola by'oyenda, era amateeka go gandi ku mwoyo.”

Okuvaayo 6:12

Aye Musa yairamu Musengwa Katonda ati: “Bona eno, ate oba nga Abaisiraeli tibampuliriisa, memale kyabazinga anampulirisa atya? Nze tiri mwogezi mulungi.”

Isaia 42:20

Iwe Isiraeli oboine bingi, aye ofuniemu makulu ki? Oli n'amatu agawulira, aye kiki kyene ky'owuliiremu?”

Isaia 53:1

Abantu bairamu bati: “Naani asobola okwikiriza bye tuwuliire? Era naani asobola okwikiriza ati omukono gwa Musengwa Katonda n'ogwakola ekyo?

Yeremia 35:13

“Yeremia, Nze Musengwa Katonda Afuga Amagye, Katonda wa Isiraeli nkulagiire oje obuuze abantu b'omu Buyudaaya n'ab'omu Yerusalemu ensonga lwaki baloba okuwulira bye mbalagira ni bye mbagalagira.

Yeremia 4:4

Mukuume endagaano ye mwakola ninze, nze Musengwa Katonda, era mwegheeyo ye ndi, imwe abantu b'omu Buyudaaya n'ab'omu Yerusalemu, ekiruyi kyange kirobe kutumbuka ng'oti n'omuliro omuntu gw'atasobola kuzikiza, olw'ebibi bye mwakola.”

Yeremia 5:21

Muwulire kino imwe abantu abasiru era abatategeera. Muli n'amaiso aye timubona, era muli n'amatu aye timuwulira.

Yeremia 7:13

Mukoze ebibi ebyo byonabyona emikuzi kamaala nga mbalabulanga aghazira kukoogha naire, aye mwaloba kuwulira, era naabeeta aye mwaloba kuvugira.

Yeremia 7:26

Aye mwaloba kumpulirisa waire okugondera bye ndagira, mweyongera bwa kukalangusa myoyo gyaimwe era mwebisa bubi inho mwasinga ni badhaadha baimwe.

Yeremia 9:26

Abantu abo ni bano: Abamisiri, Abayudaaya, Abaedomu, Abammoni, Abamoabu, nabo boonaboona ababa mu irungu abasala ku nviiri dhaibwe. Kale ni waire ng'ab'eighanga lya Isiraeli lyonalyona bakekete, aye era beebisa ng'abatali bakekete.”

Ezekieli 3:7

Aye ab'eighanga lya Isiraeli tibaidha kukuwulirisa, kuba tibenda kuwulira nze bye mbakoba, olw'okuba ba mpwitu era baakalanguka emyoyo.

Ezekieli 33:3

Bw'abona ng'olutalo luli kwidha, afuuwa eigwala okulabula abantu.

Ezekieli 33:9

Aye ate bw'olabula omuntu oyo omubi akyuke aleke ebibi bye, aye n'atakyuka kubireka, alifiira mu bibi bye. Aye iwe oliba owoniiza obulamu bwo.”

Amosi 7:10

Agho Amazia kabona ow'e Betheli yaagheereza Yeroboamu, kyabazinga wa Isiraeli obukwenda nga bukoba buti: “Isebantu kyabazinga, Amosi ng'ali ghano mu bwakyabazinga bwo bwene, ali kukola entegeka edh'okubumalagho. By'ali kukoba bija kutabulatabula abantu ab'omu bwakyabazinga buno.

Matayo 3:7

Bwe yabona Abafarisaayo kamaala n'Abasaddukaayo nga baidha y'ali okubatizibwa, yaabakoba ati: “Imwe eizaire ery'emisota naani eyabalabula okulumuka ekibonerezo ekiri kwidha?

Luka 11:45

Agho mulala ku Banamateeka yaamukoba ati: “Mwegeresa, bw'okoba otyo, twena oba otuvumye.”

Luka 20:19

Mu saawa eyo Abanamateeka ni Bakabona Abakulu baayenda bamugeme kuba baategeera bati mu lufumo olwo yali ayogera ku beene, aye baatya abantu.

Yoanne 7:7

Ensi tesobola kubakyagha, aye nze enkyagha, kuba mpa obudhulizi ku bikolwa byayo ebibi.

Yoanne 9:40

Abandi ku Bafarisaayo abaali agho naye, bwe baawulira ekyo baamukoba bati: “Otakoba oti ife tuli batulu?”

Ebikolwa by'Abatume 7:51

“Imwe ab'empwitu, ab'emyoyo emikalangufu era abaloba okuwulira ekibono kya Katonda! Buliidho mutakania Mwoyo Mutukuvu. Nga badhaadha baimwe bwe baali, mwena bwe muli.

Ebikolwa by'Abatume 7:60

Yaakuba amakiryaivu, yaaleekaana ati: “Musengwa ekibi kino tokibavunaana.” Bwe yamala okwogera atyo yaafa.

Ab'e Roma 7:22

Mu mwoyo gwange nsangaalira eiteeka lya Katonda.

Amateeka Agokubiri 29:4

Aye n'okutuusa mpegaano, Musengwa Katonda akaali kubagha kutegeera ebyo amaiso gaimwe bye gabona, n'amatu gaimwe bye gawulira.

Ab'e Kolosai 1:28

Oyo, ife ye tukobera buli muntu. Tulabula era twegeresa buli muntu mu magezi goonagoona tughange okuleeta buli muntu ewa Katonda ng'atuukiriire mu Kurisito.

2 Timotheo 4:3

Kuba ekiseera kiri kwidha abantu balekere okuwulira okwegeresa okw'amazima, aye olw'okwenda einho okuwulira ababeegeresa ebibanhoonha, balyagala abeegeresa aba buli nsambo.

Abaheburayi 11:7

Okwikiriza n'okwaleetera Noa okuwulira Katonda, bwe yamulabula ku bintu ebyali bikaali kuboneka, yaazimba eryato eryawonia mwene n'amaka ge. Olwa kino yaasalira ensi omusango, era mwene yaabalibwa okuba omutuufu olw'okwikiriza.