Yeremia 52:9 - Baibuli Ekibono kya Katonda 2014

⁹ Agho Abababilonia baamugema baamutwala ye kyabazinga Nebukadinezzari ow'e Babilonia, ng'ali e Ribula mu kiketezo ky'e Hamathi, yaamusalira omusango gwamusinga.

Yeremia 52:9 ပူးပေါင်းရင်းမြစ်များ

1 Bakyabazinga 8:65

Kale mu kiseera ekyo, Solomoni ng'ali ghalala n'Abaisiraeli boonaboona nga beesoloiza, baakola embaga ey'ekibinuko mu maiso ga Musengwa Katonda waife, kye baamalaku enaku omusanvu. Ekibinuko ekyo kyaliku abantu abeesoloiza kamaala inho, okuva eruuyi ere aghaingirirwa e Hamathi, okutuuka ku kaiga ak'oku nsalosalo ni Misiri.

2 Bakyabazinga 23:33

Agho kyabazinga Neko ow'e Misiri yaasibira Yehoahazi e Ribula mu nsi y'e Hamathi, alobe kufuga mu Yerusalemu. Yaasalira Buyudaaya omusolo gwa kilo enkumi isatu na bina (3,400) edha feeza ni kilo amakumi asatu na ina (34) edha zaabu.

2 Bakyabazinga 25:6

Agho Abababilonia baamugema baamutwala ye kyabazinga Nebukadinezzari ow'e Babilonia ng'ali e Ribula, yaamusalira omusango gwamusinga.

2 Ebyomubyanda 33:11

Kale Musengwa Katonda oyo yaaleeta abaduumizi b'eigye lya kyabazinga ow'e Assiria baalumba Buyudaaya, baagema Manasse n'ebyuma ebiri ng'oti malobo era baamusiba ku ndhegere edh'ekyuma ky'ekikomo, baamutwala e Babilonia.

2 Ebyomubyanda 8:3

Agho Solomoni oyo yaaja, yaanhaga ekiketezo ky'e Hamathi n'eky'e Zoba.

Yeremia 21:7

Aye iwe Zedekia, n'abakungu bo, n'abantu abandi abaliwona olutalo n'endwaire eyo n'endhala, nja kubalekera kyabazinga Nebukadinezzari n'abazigu baimwe abandi abendanga okubaita, babageme. Nebukadinezzari oyo aja kubaita aghazira kusonigha waire okusaasira. Nze Musengwa Katonda, ninze nkobye.’ ”

Yeremia 39:5

Aye eigye ery'Abababilonia lyababingirira, lyagemera Zedekia mu biketezo eby'oku museetwe kumpi n'e Yeriko. Baamutwala ye kyabazinga Nebukadinezzari ng'ali mu kibuga Ribula mu kiketezo ky'e Hamathi, era Nebukadinezzari oyo yaamusalira eyo omusango okumusinga.

Okulira 4:20

Baasima ebiina okutega kyabazinga, oyo Musengwa Katonda ye yasiiga omuzigo abenga obugheereso bwaife, era baamala baamugemya. Ate ng'oyo ye twali tudhuuba tuti n'anaatulwaniriringa nga tulumbiibwa.

Ezekieli 11:10

Ndibabonereza yoonayoona ye muliba mu Isiraeli, naabaleetera okwitibwa mu ntalo. Memale olwo mwamanha nga ninze Musengwa Katonda.

Ezekieli 23:24

Balikulumba nga baviira ku luuyi olw'omukono omugooda olw'e buvandhuba, nga bali na igye iramba, n'ebigaali eby'omu lutalo, n'eby'okutambuliramu. Baliidha n'enkoofiira edh'ekyuma ku mitwe, nga bagemye engabo entono n'enene, baakulumba nga bakuva ku buli luuyi. Ndikughaayo mu ngalo dhaibwe, baaja baakusalira omusango nga bajiira ku mateeka gaibwe.

Okubala 13:21

Kale abantu abo baaja baakeeta ensi eyo okuva ku irungu ery'e Zini okutuuka e Rehobu, agho gh'oingirira mu Hamathi.

Okubala 34:11

Ensalosalo eyo eidha kuvanga e Shefamu, eikirire e Ribula ku luuyi olw'e buvandhuba olwa Aini. Era eidha kweyongeranga okwikirira etuuke ku luuyi olw'e buvandhuba olw'enhandha Kinnerethi.

Yoshua 13:5

Ghaligho ekiketezo eky'Abagebali n'eky'e Lebanoni kyonakyona ekiri e buvandhuba ow'e Baalagada nga kiva ku luuyi olw'omukono omusaadha ogw'olusozi Herimoni ku ngira eja e Hamathi.