Yeremia 52:8 - Baibuli Ekibono kya Katonda 2014

⁸ Aye ab'eigye ly'Abababilonia baabingirira kyabazinga Zedekia, baamutuukaku mu kiketezo eky'oku museetwe eky'e Yeriko, eigye lye lyonalyona lyasansaana lyamulekulira agho.

Yeremia 52:8 ပူးပေါင်းရင်းမြစ်များ

Yeremia 21:7

Aye iwe Zedekia, n'abakungu bo, n'abantu abandi abaliwona olutalo n'endwaire eyo n'endhala, nja kubalekera kyabazinga Nebukadinezzari n'abazigu baimwe abandi abendanga okubaita, babageme. Nebukadinezzari oyo aja kubaita aghazira kusonigha waire okusaasira. Nze Musengwa Katonda, ninze nkobye.’ ”

Yeremia 32:4

Ni kyabazinga Zedekia yeena taliwona, balimutwala ye kyabazinga w'e Babilonia oyo, yaayogera naye nga babonagana maiso ku maiso.

Yeremia 34:21

Era ndighaayo kyabazinga Zedekia owa Buyudaaya n'abakungu be mu ngalo dh'abazigu baibwe abenda okubaita. Ndibaghaayo eri eigye lya Babilonia, waire nga lyalekera okubalumba.

Yeremia 37:17

Nga ghabiseeghooku ekiseera, kyabazinga Zedekia yandhetesa bantwale ye yali, era bwenatuukayo yambuuza nga tuli twenka ati: “Ghalighooku obukwenda obuva ye Musengwa?” Nze naamwiramu nti: “Buligho.” Era naamukoba nti: “Iwe baidha kukughaayo eri kyabazinga ow'e Babilonia.”

Yeremia 37:18

Agho naamubuuza nti: “Musango ki gwe naiza ku iwe, oba ku bakungu bo, oba ku bantu bano, memale ove okwo onsibe mu ikomera?

Yeremia 38:23

Agho naayongeraku kino nti: “Abaisirukale baja kutoola bakazi bo boonaboona n'abaana bo, babatwale e Babilonia. N'iwe mwene toja kubawona, baja kukugema bakugheeyo eri kyabazinga w'e Babilonia, n'ekibuga kino bakyokye omuliro.”

Yeremia 39:5

Aye eigye ery'Abababilonia lyababingirira, lyagemera Zedekia mu biketezo eby'oku museetwe kumpi n'e Yeriko. Baamutwala ye kyabazinga Nebukadinezzari ng'ali mu kibuga Ribula mu kiketezo ky'e Hamathi, era Nebukadinezzari oyo yaamusalira eyo omusango okumusinga.