Yeremia 52:7 - Baibuli Ekibono kya Katonda 2014

⁷ Agho baawomola ekituli mu kimante eky'oku kibuga, kyabazinga n'abaisirukale boonaboona baalumuka obwire, waire nga Abababilonia baali bazingiiza ekibuga ku ndhuyi dhoonadhoona. Baagema engira ebitira mu nimiro ya kyabazinga, baabita mu mulyango oguyimba ebimante ebibiri, baaja nga boolekeire ekiiko ekirimu omwiga Yorudani.

Yeremia 52:7 ပူးပေါင်းရင်းမြစ်များ

2 Bakyabazinga 25:4

Agho baawomola ekituli mu kimante eky'oku kibuga, kyabazinga n'abaisirukale boonaboona baalumuka obwire, waire nga Abababilonia baali bazingiiza ekibuga ku ndhuyi dhoonadhoona. Baagema engira ebitira mu nimiro ya kyabazinga, baabita mu mulyango oguyimba ebimante ebibiri, baaja nga boolekeire ekiiko ekirimu omwiga Yorudani.

Yeremia 34:22

Nze Musengwa Katonda ndiragira Abababilonia baira okulumba ekibuga kino, era baakirwanisa baakigema, baakyokya omuliro. Ebibuga eby'omu Buyudaaya ndibifuula bifulukwa byereere, ghaabulagho omuntu abibaamu. Nze Musengwa Katonda, ninze nkobye.”

Yeremia 39:2

Ku lunaku olwomwenda olw'omwezi ogwokuna, mu mwaka gwa Zedekia ogweikumi n'omulala nga ni kyabazinga, Abababilonia abo baawomola ekituli mu kimante ky'ekibuga.

Yeremia 49:26

Ku lunaku olwo abazigu baliitira abaisuka b'omu kibuga ekyo mu nguudo dhaakyo, n'abaisirukale baakyo boonaboona baabazikiriza.

Yeremia 51:32

Abazigu bagemye ebifo aghasomokerwa omwiga era bakunaaniiza omuliro ku bifo eby'okwewogomamu. Abaisirukale Abababilonia bali kudhugumira olw'okutya.

Yeremia 6:5

Muleke twidha kusitukiramu tukirumbe obwire, tuzikirize ebifo byakyo eby'okwewogomamu.”

Ezekieli 12:12

N'omufuzi ali mu bantu abo yeena alibbeeda omugugu gwe ku ibega ng'enzikiiza egemye, yaafuluma. Alibitira mu kituli kye baliwomola mu kimante, yaaja nga yeeghembye mu maiso nga tabona y'aja.

Ezekieli 12:4

Oidha kubbeeda omugugu gwo ogwo musana mukulu ng'abantu bakubona, obe ng'oti n'omuntu ali kulumuka okuja okunoonia obubudamo. Ositule oveegho eigulo ng'abantu bakubona, obe ng'oti n'abantu be bakaka okuja mu bunhage bwe baba.

Ezekieli 33:21

Ku lunaku olwokutaanu mu mwezi ogweikumi, mu mwaka ogweikumi n'ebiri (12) nga tuli mu bunhage, omuntu eyawonagho mu Yerusalemu yaidha yankobera ng'ekibuga bwe kyali kimaze okugwa.

Abalevi 26:17

Imwe ndibeefuulaku, mwaghangulwa abazigu baimwe, mwafugibwa abantu abatabenda. Munaabanga n'entiisa, mwalumuka nga ghazira n'ali kubabinga.

Abalevi 26:36

“Abo ku imwe abanaabanga nga batwaliibwa mu bunhage mu nsi y'abazigu baimwe, nnaabaleetangamu okutya, nga n'eikaba obukaba erifuuyibwa empewo bwe baliwulira balumuka. Banaalumukanga ng'oti ni be bali kubingirira mu lutalo, era banaagwanga nga ghazira n'ali kubabinga.

Amosi 4:3

Balibaghaluliza mu bituli ebibali okumpi nga bibbomoirwa mu kimante ekyezungulwire ekibuga. Ng'olwo babatwala babasuula e Harumoni.” Musengwa Katonda atyo bw'akoba.

Amateeka Agokubiri 28:25

“Musengwa Katonda aidha kuleeteranga abazigu baimwe babaghangulenga nga babona. Mwidha kujiiranga mu ngira ndala nga muja okubalumba, aye mwidha kwiriranga mu ngira kamaala nga muli kughaba okulumuka okuva ghe bali. Amaghanga goonagoona ku nsi bwe ganaabonanga ebibatuuseeku, gaidha kutyanga inho.

Amateeka Agokubiri 32:30

Omulwani omulala yandibinze atya abalwani olukumi (1,000), n'abalwani ababiri ni balumusa omutwalo; okutoolaku nga bwenebwene omulwanirizi waibwe ow'amaani abalekuliire agho, nga Musengwa Katonda waibwe oyo yaabavaaku?