Yeremia 52:30 - Baibuli Ekibono kya Katonda 2014

³⁰ Mu mwaka gwe ogwamakumi abiri n'esatu (23) yatwala abantu lusanvu n'ana na bataanu (745), abo nga Nebuzaradani omuduumizi w'abakuumi ba kyabazinga w'e Babilonia, n'eyabatwala. Okugaitamu baaba abantu enkumi ina na lukaaga (4,600) abaatwalibwa mu bunhage.

Yeremia 52:30 ပူးပေါင်းရင်းမြစ်များ

2 Bakyabazinga 25:11

Agho Nebuzaradani oyo yaabatwala e Babilonia mu bunhage, abantu abaali basigaire mu kibuga, n'abo abaali beeghaireyo ni baira ku luuyi lwa kyabazinga w'e Babilonia, era n'abandi boonaboona.

2 Bakyabazinga 25:8

Ku lunaku olwomusanvu, mu mwezi ogwokutaanu, mu mwaka ogweikumi n'omwenda (19) nga kyabazinga Nebukadinezzari n'afuga Babilonia, omukungu akulira abakuumi ba kyabazinga w'e Babilonia ayetebwa Nebuzaradani, yaidha e Yerusalemu.

Yeremia 39:9

Agho Nebuzaradani omukulu w'abaisirukale Abababilonia yaatwala e Babilonia mu bunhage, abantu abaali basigaire mu kibuga, n'abo abaali beeghaireyo ni baira ku luuyi lwa kyabazinga w'e Babilonia, era n'abandi boonaboona.

Yeremia 52:15

Agho Nebuzaradani oyo yaabatwala e Babilonia mu bunhage, abandi ku bantu abaali abaavu einho, nabo abaali basigaire mu kibuga, n'abo abaali beeghaireyo ni baira ku luuyi lwa kyabazinga w'e Babilonia, era n'abo abaali abakugu mu mirimo egy'endhawulo.

Yeremia 52:29

Mu mwaka gwe ogweikumi n'omunaana yaatwala abantu lunaana n'asatu na babiri (832) ng'abatoola mu Yerusalemu.

Yeremia 6:9

Agho Musengwa Katonda Afuga Amagye yankoba nze Yeremia, ati: “Ng'omunozi w'emizabbibu bw'airayo einhuma okulonderera egyo egiba gisigaireyo, weena otyo bw'oidha okwirayo einhuma osoloze Abaisiraeli abaliwonagho bawonezebwe.”