Yeremia 52:20 - Baibuli Ekibono kya Katonda 2014

²⁰ Obungi bw'ekyuma eky'ekikomo kyabazinga Solomoni kye yakolamu empango eibri, n'etanka enkologho, n'ebifaananie eby'ente enume eikumi n'eibiri etanka eyo kw'etyama, byonabyona ebyo nga byali mu isinzizo, bwali buzito inho baaloba kusobola kubupima.

Yeremia 52:20 ပူးပေါင်းရင်းမြစ်များ

1 Bakyabazinga 7:25

Etanka eyo yatyamizibwa ku bifaananie by'ente enume ikumi na ibiri ebyakolebwa mu kyuma eky'ekikomo. Ebifaananie ebyo byali biti: ebisatu nga biringiriire ku luuyi olw'omukono omugooda olw'e buvandhuba, n'ebisatu ebindi ku luuyi olw'e bugwandhuba, n'ebisatu ebindi ku luuyi olw'omukono omusaadha olw'e buvandhuba, ate ebisatu ebisigairegho byalingirira ku luuyi olw'e buvandhuba, nga birinzagainia emikira.

1 Bakyabazinga 7:47

Ebintu ebyo byonabyona Solomoni tiyabipima buzito bwabyo, kuba byali kamaala inho. Kale obuzito obw'ekyuma eky'ekikomo kye baakozesa tibwamanhika.

2 Bakyabazinga 25:16

Obungi bw'ekyuma eky'ekikomo kyabazinga Solomoni kye yakolamu empango eibri, n'etanka enkologho, n'ebituuti ebiriku enkede, byonabyona ebyo nga byali mu isinzizo, bwali buzito inho baaloba kusobola kubupima.

1 Ebyomubyanda 22:14

Nze ku lwange mu bukaluubirivu obungi, nkoze kyonakyona ekisoboka, naateeragho eisinzizo talanta edha zaabu edhighera emitwalo eikumi (100,000) ni talanta edha feeza edhighera akakaire akalamba (1,000,000) n'ekyuma eky'ekikomo, taaku n'ekyuma ekigumu einho, ebitasoboka kupimika olw'obungi bwabyo. Era naataagho n'emiti, n'amabaale. Weena okwo kw'obe oyongereze ebindi.

2 Ebyomubyanda 4:18

Ebintu ebyo byonabyona Solomoni tiyabipima buzito bwabyo, kuba byali kamaala inho. Kale obuzito obw'ekyuma eky'ekikomo kye baakozesa tibwamanhika.

Yeremia 52:17

Abababilonia baamenhamenha empango edh'ekyuma eky'ekikomo edhaali mu isinzizo lya Musengwa Katonda, n'ebituuti ebiriku enkede eby'ekyuma eky'ekikomo, n'etanka enkologho nga yoona ya kyuma kya kikomo. Bwe baamala, baatoola ekyuma eky'ekikomo ekyava mu bintu ebyo, baakitwala e Babilonia.