Yeremia 52:1 - Baibuli Ekibono kya Katonda 2014

¹ Zedekia yali agheza emyaka abiri na mulala egy'obukulu ghe yafuukira kyabazinga wa Buyudaaya. Era yaafugira entangama ya myaka ikumi na mulala mu Yerusalemu. Inhina nga ni Hamutali, mughala wa Yeremia ow'e Libuna.

Yeremia 52:1 ပူးပေါင်းရင်းမြစ်များ

2 Bakyabazinga 23:31

Yehoahazi yali agheza emyaka amakumi abiri n'esatu egy'obukulu ghe yafuukira kyabazinga wa Buyudaaya. Era yaafuga okumala entangama ya myezi esatu mu Yerusalemu. Inhina nga ni Hamutali, mughala wa Yeremia ow'e Libuna.

2 Bakyabazinga 24:18

Zedekia yali agheza emyaka abiri na mulala egy'obukulu ghe yafuukira kyabazinga wa Buyudaaya. Era yaafugira entangama ya myaka ikumi na mulala mu Yerusalemu. Inhina nga ni Hamutali, mughala wa Yeremia ow'e Libuna.

2 Bakyabazinga 25:1

Ku lunaku olweikumi, mu mwezi ogweikumi, mu mwaka ogwomwenda nga Zedekia n'afuga Buyudaaya, kyabazinga Nebukadinezzari ow'e Babilonia yaidha n'eigye lyonalyona okulumba ekibuga Yerusalemu. Baakizingiza era baakibungaku emungo ey'eitaka ey'okuniiniraku okukirwanisa.

2 Bakyabazinga 8:22

Kale ensi Edomu yaadheema ku Buyudaaya ni ye buli eno. Era mu kiseera kyene ekyo, ekibuga Libuna kyona kyadheema.

2 Ebyomubyanda 36:11

Zedekia yali agheza emyaka abiri na mulala egy'obukulu ghe yafuukira kyabazinga. Era yaafugira entangama ya myaka ikumi na mulala mu Yerusalemu.

Isaia 37:8

Agho omukungu oyo Omuassiria yaawulira nga kyabazinga w'ewaibwe aviire e Lakishi, era ng'ali kulwanisa ab'omu kibuga Libuna, kale ni n'okuja y'ali.

Yeremia 21:1

Agho Zedekia kyabazinga wa Buyudaaya yaatuma ye ndi Pashuhuri mutabane wa Malakia ni Zefania kabona mutabane wa Maaseia, ng'akoba ati:

Yeremia 39:1

Mu mwezi ogweikumi ogw'omwaka ogwomwenda nga Zedekia ni kyabazinga wa Buyudaaya, kyabazinga Nebukadinezzari ow'e Babilonia yaidha n'eigye lye lyonalyona, yaalumba Yerusalemu, yaakizingiza okukyezunguluza.

Yeremia 51:59

Omugheereza wa kyabazinga Zedekia eyamulabiriranga nga tamuvaaku, baamwetanga Seraia, nga mutabane wa Neria era nga mwidhukulu wa Mahaseia. Mu mwaka ogwokuna nga Zedekia ni kyabazinga wa Buyudaaya, Seraia oyo bwe yali ng'ali kuja e Babilonia ni Zedekia oyo, nze Yeremia naabaaku bye namulagira.

Habakkuku 1:17

Aye mbo baja kutuusa li okuzikiriza amaghanga aghazira na kusaasira, byanda na byanda?

Yoshua 10:29

Ebyo bwe byawa, Yoshua n'abasaadha be abalwani boonaboona, baava e Makkeda, baaja okughamba ekibuga Libuna.

Yoshua 15:42

Baagheebwayo n'ebibuga ebindi bino: Libuna, Etheri, Ashani,