Yeremia 51:6 - Baibuli Ekibono kya Katonda 2014

⁶ “Imwe Abaisiraeli n'Abayudaaya, mulumuke muve mu nsi Babilonia muwonie obulamu bwaimwe! Mulobe kufiira bwereere olw'ebibi bya Babilonia, kuba kino n'ekiseera nze Musengwa Katonda neesasulize ku nsi eyo nga ngibonereza nga bw'egwaniire.

Yeremia 51:6 ပူးပေါင်းရင်းမြစ်များ

Zabbuli 94:1

Wo Musengwa Katonda, niiwe Katonda abonereza nga weesasuuza, idha oyoleke obusungu bwo.

Ensambo 13:20

Ole abita n'abagezi yeena afuuka mugezi, aye ole aba mu basiru alizikirizibwa.

Isaia 48:20

Muve mu Babiloni, mulumuke muje! Mulangirire amawulire gano buli ghantu nga mukuba emizira, mugasansaanie gatuuke eyo yoonayoona ensi y'ekanga. Mukobe muti: “Musengwa Katonda anunwire omugheereza we Yakobo.”

Isaia 63:4

kuba ekiseera kyali kimaze okutuuka eky'okununula abantu bange, n'okwesasuuliza ku bazigu baibwe.

Yeremia 25:14

Ndyesasuliza ku Bababilonia olw'ebyo bye baakola. Era amaghanga kamaala ni bakyabazinga abakologho balifuula Abababilonia abo okuba abairu baibwe.’ ”

Yeremia 25:16

Bwe galimala okukinhwaku, galitagala gaagwa n'eiralu olw'olutalo lwe nja okugasindikira.”

Yeremia 27:7

Amaghanga goonagoona galimugheereza era gaagheereza ni mutabane we ni mwidhukulu we, okutuusa ekiseera bwe kirituuka eighanga lye ni ligwa. Olwo eighanga lye lyona lyafuuka mugheereza wa amaghanga kamaala ag'amaani, agafugibwa bakyabazinga abakologho.

Yeremia 46:10

Luno n'olunaku lwa Musengwa Katonda afuga Amagye, olunaku olw'okwesasuuza nga yeesasuuliza ku bazigu be. Empiima ye eja kubalya eigute, era enhwe omusaayi gwaibwe okutuusa ku nkooye; kuba Musengwa Katonda oyo Afuga Amagye aja kubaghaayo ng'oti musengo, ere mu nsi eri ku luuyi olw'omukono omugooda olw'e buvandhuba kumpi n'omwiga Eufurate.

Yeremia 48:6

“Baakoba bati, ‘Mulumuke muwonie obulamu bwaimwe. Muziinhuuke ng'oti n'endogoyi ey'omu irungu!’

Yeremia 50:15

Mwasiikanire ku ndhuyi dh'ekibuga ekyo dhoonadhoona nga mukirwanisa. Abantu baakyo bamaze okweghaayo mu ngalo edh'abazigu baibwe. Ekimante kyakyo ekigumu ekikyezungulwire bakiwomoirewomoire era baakimenhagho. Nze Musengwa Katonda ndi kwesasuuliza ku Bababilonia. Kale ni, imwe mubeesasulizeeku era mubabise nga beene bwe baabisanga abandi.

Yeremia 50:28

“Wulira! Abaalumwike e Babilonia ni bawona, baize e Yerusalemu baloodhe nga Musengwa Katonda waife bwe yeesasuuza olw'ebyo Abababilonia bye baakola eisinzizo lye.

Yeremia 50:31

“Iwe ensi Babilonia, weekuluntaza inho. Kale ni, nze Musengwa Katonda Afuga Amagye ndidha kukukolaku. Ekiseera kituuse nze nkubonereze.

Yeremia 50:8

“Imwe Abaisiraeli, mulumuke e Babilonia! Muve mu nsi eyo ey'Abakaladea! Niimwe mube musooke okugireka.

Yeremia 51:11

Musengwa Katonda asiikwire enzigu mu bakyabazinga ab'e Media, baidhe balumbe Babilonia, kuba ayenda kugizikiriza. Olwo agyesasulizeeku olw'okuzikiriza eisinzizo lye. Agho abaduumizi b'eigye einunuzi, baalagira bati: “Mughagale obusaale bwaimwe! Mugeme engabo dhaimwe!

Yeremia 51:36

Kale ni, Musengwa Katonda akoba ab'e Yerusalemu ati: “Bona, nja kubalwanirira, neesasulize ku bazigu baimwe olw'ebyo bye baabakola. Ndikaza enhandha y'Ababilonia era naalekeza n'emiiga gyaibwe okukuuluula amaadhi.

Yeremia 51:45

Imwe Abaisiraeli mulumuke muveegho. Muwonie obulamu bwaimwe, bulobe kutuukibwaku kabi ke nnaaleeta mu busungu bwange obubitirivu.

Yeremia 51:50

Agho Musengwa Katonda yaakoba abantu abali mu Babilonia ati: “Imwe muwonie okwitibwa! Mperaano muje, era mutalwa naire! Waire nga muli ghala inho mutyo n'eka, aye mundidhukire nze Musengwa Katonda waimwe era mulowooze ku Yerusalemu.

Yeremia 51:56

Amagye agazikiriza ago gaidhiire Babiloni, gakiidhiire okukizikiriza. Abaisirukale baakyo babagemye, n'obulaso bwaibwe baabumenhamenha; kuba nze ndi Katonda abonereza, era ndyesasuliza ku Babiloni nga bwekigwaine.

Yeremia 51:9

Abagwira abaabanga mu Babilonia baakoba bati, ‘Twagezaaku okuyamba ensi Babilonia eno, aye nga tikikaasoboka naire. Kale ife ka tugiveemu twireyo ewaife ye twava, kuba Katonda abonereiza inho Babilonia eno, yaagisaanizaagho irala.’ ”

Okulira 3:64

Wo Musengwa Katonda, baneesasuulizeeku olw'ebyo bye bankola.

Okubala 16:26

Yaakoba abantu boonaboona ati: “Mbeeghemba muve okumpi ni weema edh'abantu bano ababi era mutagema ku kintu kyaibwe kyonakyona. Bwe mutaakole mutyo, musobola okuzikirizibwa ghalala nabo olw'ebibi byaibwe.”

Amateeka Agokubiri 32:25

Abazigu baidha kubaitiranga mu ntalo mu nguudo, ate eka mu ndhu dhaibwe mwidhule ebitiisa. Abazigu baidha kwitanga abaisuka n'abaguna, era baitenga abakaire ab'envu n'abato abonka.

Amateeka Agokubiri 32:41

ndidha kubangula empiima yange emesunkana, ngikozese okuleetagho enkola entuufu. Ndidha kwesasuuliza ku bazigu bange, mbonereze abo abankyagha.

Amateeka Agokubiri 32:43

“Agho Musa yaakoba ati: ‘Imwe amaghanga musaake abantu ba Musengwa Katonda, kuba yeesasuuliza ku bazigu be abaita abagheereza be, yaagemerwa ensi ye n'abantu be ekivunika.’

1 Timotheo 5:22

Toyanguyirizanga kwisa mikono ku muntu yeenayeena. Tiweetabanga mu bibi bya bandi. Weekuumenga ng'oli mwamufu.

Okwolekebwa 16:19

Ekibuga ekikologho kyayabikamu ebitundu bisatu, n'ebibuga eby'ensi dhoonadhoona byagwa. Katonda yaaloba kwerabira Babiloni ekibuga ekikologho, yaakigha okunhwa okumaliramu irala ekikopo eky'omwenge ogw'emizabbibu, omwenge ogw'obusungu bwe obungi.