Yeremia 51:56 - Baibuli Ekibono kya Katonda 2014

⁵⁶ Amagye agazikiriza ago gaidhiire Babiloni, gakiidhiire okukizikiriza. Abaisirukale baakyo babagemye, n'obulaso bwaibwe baabumenhamenha; kuba nze ndi Katonda abonereza, era ndyesasuliza ku Babiloni nga bwekigwaine.

Yeremia 51:56 ပူးပေါင်းရင်းမြစ်များ

Amainhama 49:24

Aye akalaso ke kasigala nga kakaagumye, emikono gye gyagheebwa amaani agava eri ow'Obukumu Katonda wa Yakobo; Omwayi era Omukuumi wa Isiraeli.

Zabbuli 137:8

Imwe abantu ab'e Babiloni, mwidha kuzikirizibwa! Omuntu yeenayeena bw'alibasasula ekyo kyene kye mwatukola, aliba akoze kikalamu kyene.

Zabbuli 37:15

Aye empiima dhaibwe dhirifumita myoyo gyaibwe beene, n'obulaso bwaibwe bulimenhekamu.

Zabbuli 46:9

Alekeza okulwana entalo mu nsi yoonayoona; yaakutulakutula mu bulaso, era yamenhamenha amafumo, n'engabo yaadhikumaku omuliro.

Zabbuli 76:3

Eyo ye yamenheramenhera obulaso obuziinhuuka, n'engabo n'empiima n'eby'okulwanisa ebindi abazigu be bye baakozesanga mu kulwana olutalo.

Isaia 21:2

Mbonekeirwa akabi akaja okugwagho; mboine anhagulula ng'ali kunhagulula, naabona azikiriza ng'ali kuzikiriza. Iwe eigye ly'omu Elamu, ja olumbe, n'iwe eigye ly'e Media, ja ozingize omuzigu. Katonda aidha kumalagho okudaazibwadaazibwa kwonakwona Babiloni kw'aleeta.

Isaia 34:8

Ekyo n'ekiseera Musengwa Katonda ky'alyesasuuliza ku bazigu ba Sioni, n'ababonereza olw'ebyo bye baakola abantu be.

Isaia 35:4

Mukobe abo abawoiremu amaani muti: “Mube bagumu, mutatya. Mubone, Katonda waimwe ali kwidha okubalokola, yeesasuulize ku bazigu baimwe ng'ababonereza.”

Isaia 59:18

Alibonereza abazigu be ng'ajiira ku bye baakola, ng'atwaliiremu n'abo ababa mu biketezo eby'eghala.

Yeremia 49:35

Yakoba ati: “Nze Musengwa Katonda Afuga Amagye, ndiita abalasa obusaale boonaboona abaleeteire Elamu okuba ey'amaani etyo.

Yeremia 50:10

Abazigu balinhagulula ensi Babilonia. Era abo abaliginhagulula balitwala kiisi kye balyenda. Nze Musengwa Katonda, ninze nkobye.”

Yeremia 50:36

Abalanzi baayo abaguya ka basirughale bafe, n'abalwani baayo ab'amaani ka bafe, bazikirire!

Yeremia 51:24

Musengwa Katonda era akoba ati: “Mulibona nga neesasuliza ku nsi Babilonia n'abantu baayo, olw'ebibi byonabyona bye baakola Yerusalemu.

Yeremia 51:30

Abalwani Abababilonia ab'amaani baleseeyo okulwana, baasigala bwa mu bifo byaibwe eby'okwewogomamu. Amaani gabawoiremu, baafuuka banafu inho. Emiryango egy'ekibuga abazigu bagimenhiegho, n'endhu dhoonadhoona baadhikunaaniaku omuliro.

Yeremia 51:48

Ebintu byonabyona ebiri ku nsi n'ebiri ku igulu, biryemba olw'eisanhu nga Babilonia egwire mu ngalo dh'abo abazikiriza, abaliva ku luuyi olw'omukono omugooda olw'e buvandhuba okwidha okugizikiriza.

Yeremia 51:53

Abababilonia ni bwebaniina ku igulu, ni bazimba okwo ekifo eky'okwewogomamu, era ndisindikayo abo abazikiriza, baaja baakizikiriza. Nze Musengwa Katonda, ninze nkobye.”

Yeremia 51:6

“Imwe Abaisiraeli n'Abayudaaya, mulumuke muve mu nsi Babilonia muwonie obulamu bwaimwe! Mulobe kufiira bwereere olw'ebibi bya Babilonia, kuba kino n'ekiseera nze Musengwa Katonda neesasulize ku nsi eyo nga ngibonereza nga bw'egwaniire.

Okulira 3:64

Wo Musengwa Katonda, baneesasuulizeeku olw'ebyo bye bankola.

Ezekieli 39:3

Agho ndikuba akalaso ko, kaakuva mu mukono omugooda, era naaleetera obusaale bwo bw'ogemye mu mukono omusaadha okugwa.

Ezekieli 39:9

Olwo abantu abaliba mu bibuga bya Isiraeli, balija baasoloza eby'okulwanisa abazigu bye balekuliire agho, baabifuula nku: nga n'omuli engabo enene n'entono, obulaso n'obusaale, amafumo n'emiigo. Ebyo biribamala okukumisa omuliro okumala emyaka musanvu.

Amosi 2:15

Abalasi ab'obulaso tibaja kukana kwemereragho, waire ab'amagulu agalumuka einho okusobola okwewonia, oba abavuzi ab'embalaasi okuwonia bulamu bwaibwe.

Obadia 1:15

“Olunaku luli kumpi kutuuka, nze Musengwa Katonda lwe ndisalira amaghanga goonagoona omusango. Edomu, kye wakola baino weena baidha kukikukola. Kiisi kibi kye wakola kija kusasulwamu ekibi.

Habakkuku 2:8

Olw'okuba mwanhaga amaghanga kamaala, abo abaawonagho mwena baja kubanhaga, olw'abantu be mwaita n'olw'ebikolwa eby'obukambwe bye mwakola ku nsi mu bibuga ni ku bantu baamu.

Amateeka Agokubiri 32:35

kuba olunaku luli kumpi okutuuka, lw'alibeesasuulizaaku ng'ababonereza. Ekiseera kiidha kutuuka bagwe, era akabi kali kumpi inho okubagwira.

2 Ab'e Thessalonika 1:6

Era Katonda aja kukola ekituufu: aja kuleetera abo ababadaazadaaza badaagedaage,

Okwolekebwa 17:16

Ate amayiga g'oboine, balyeyimba n'ekisolo baafuuka bazigu ba malaaya. Baja kumweya bamuleke kidu, bamulye emamba era bamwokere irala omuliro

Okwolekebwa 18:20

Imwe mwenamwena abali mu igulu musagambe, kuba azikiriziibwa! N'imwe abatuukirivu, n'abatume, n'abalanzi musagambe! Kuba Katonda amusaliire omusango gwamusinga olw'ebyo bye yabakola.”

Okwolekebwa 19:2

Bw'asala omusango tasaliriza, aba mutuufu; kuba asaze omusango gwasinga malaaya omukulu eyayonoona ensi n'obwenzi bwe. Malaaya abonerezeibwa olw'okwita abagheereza ba Katonda.”

1 Samueli 2:4

Obulaso obw'ab'amaani bumenhekamu, ate abanafu beeyongera okuba ab'amaani.